ج ك پ ورتالىق كوميتەتى ساياسي بيۋروسىنىڭ مۇشەسى، جۇڭگو زاڭ عىلىمى قوعامىنىڭ باستىعى ۋاڭ چىن 11 – ايدىڭ 25 – كۇنىنەن 26 – كۇنىنە دەيىن بەيجيڭدەگى ءىشىنارا جوعارى مەكتەپتەردە شەتەلگە بايلانىستى زاڭمەن جونگە سالۋ جاعىنداعى دارىندىلاردى تاربيەلەۋ قىزمەتى جونىندە تەكسەرۋ – زەرتتەۋ جۇرگىزدى. ول مىنانى باسا دارىپتەدى: ورتالىق كوميتەتتىڭ مەملەكەتتى جاپپاي زاڭمەن جونگە سالۋ قىزمەتى ءماجىلىسى شي جينپيڭ زاڭمەن جونگە سالۋ يدەياسىنىڭ مەملەكەتتى جاپپاي زاڭمەن جونگە سالۋ جاعىنداعى جەتەكشىلىك ورنىن ايقىندادى، بۇل ەلىمىزدىڭ سوتسياليستىك زاڭمەن جونگە سالۋ قۇرىلىسى بارىسىنداعى كەزەڭدىك ءمان الاتىن ماڭىزدى ءىس. شي جينپيڭ زاڭمەن جونگە سالۋ يدەياسىنىڭ ءمانى تەرەڭ، ەگجەي - تەگجەيلى باياندالعان، لوگيكالىلىعى كۇشتى، جۇيەسى كەمەلدى، ول — مەملەكەتتى جاپپاي زاڭمەن جونگە سالۋدىڭ ءتۇبىرلى نەگىزى ءارى ارەكەت باعدارناماسى. زاڭ عىلىمى، زاڭ سالاسىنداعى قالىڭ قىزمەتكەرلەر شي جينپيڭ زاڭمەن جونگە سالۋ يدەياسىن ۇيرەنۋى – زەرتتەۋى، ىشكەرىلەي دايەكتى تياناقتاندىرۋى، زاڭ عىلىمى جاعىنداعى زەرتتەۋ مەن زاڭمەن جونگە سالۋ امالياتىنا سانالىلىقپەن جەتەكشىلىك ەتكىزۋى، شەتەلگە بايلانىستى زاڭمەن جونگە سالۋ جاعىنداعى دارىندىلاردى جەتىلدىرۋدى اناعۇرلىم زور كۇشپەن، تىڭعىلىقتى ىلگەرىلەتۋى، پارتيا مەن مەملەكەت قىزمەتىنىڭ جالپى جاعدايى ءۇشىن اناعۇرلىم ويداعىداي قىزمەت ەتۋى كەرەك.
تەكسەرۋ – زەرتتەۋ مەزگىلىندە، ۋاڭ چىن ىلگەرىندى – كەيىندى بەيجيڭ داشۋەسى، چيڭحۋا داشۋەسى، جۇڭگو ساياسي – زاڭ داشۋەسى، جۇڭگو حالىق داشۋەسى قاتارلى جوعارى مەكتەپتەرگە بارىپ، شەتەلگە بايلانىستى زاڭمەن جونگە سالۋ جاعىنداعى دارىندىلاردى تاربيەلەۋدەگى جەتىستىكتەر كورمەسىن كورىپ، وقىتۋشى – وقۋشىلاردىڭ ۋاكىلدەرىمەن اڭگىمە ءماجىلىسىن وتكىزدى. بەيجيڭ داشۋەسىنىڭ زاڭ شۋەيۋانىندا حالىقارالىق ساۋدا ىستەرىنە تورەلىك ايتۋ ساباعىن تىڭداپ، حالىقارالىق ەرەجەلەردى قانىق بىلەتىن، شەتەلگە بايلانىستى زاڭدىق ناقتى ىستەرگە جەتىك دارىندىلاردى تاربيەلەۋ جاعدايىن ۇعىستى؛ چيڭحۋا داشۋەسىنىڭ زاڭ شۋەيۋانىندا يەلىك ۇقىق جانە ادامدىق ۇقىق ساباعىن تىڭداپ، وقىتۋشى – وقۋشىلاردى تۇزىمدىك سەنىمدى كۇشەيتۋگە، جۇڭگوشا سوتسياليستىك زاڭ عىلىمى ءپان جۇيەسىن، عىلىمي جۇيەسىن جانە بايانداۋ جۇيەسىن قۇرۋدى ىلگەرىلەتۋگە شابىتتاندىردى؛
جۇڭگو ساياسي – زاڭ داشۋەسىندە حالىقارالىق زاڭ كاسىبى قوس اسپيرانتۋرا عىلىمي دارەجەسى كلاسىنىڭ وقىتۋشى – وقۋشىلارمەن اڭگىمەلەسىپ، كۇرەسكەرلىك رۋحتى كۇشەيتۋدى، كۇرەسكەرلىك قابىلەتىن جوعارىلاتۋدى، مەملەكەتتىڭ يەلىك ۇقىعىن، حاۋىپسىزدىگىن جانە دامۋ مۇددەسىن باتىل قورعاۋدى باسا دارىپتەدى؛ جۇڭگو حالىق داشۋەسى زاڭ شۋەيۋانىندا شەتەلگە بايلانىستى زاڭمەن جونگە سالۋ جاعىنداعى ۇزدىك دارىندىلاردى تاربيەلەۋ قىزمەتى جونىندەگى تانىستىرۋدى تىڭداپ، حالىقارالىق زاڭ مەن مەملەكەتتەردىڭ قىلمىستىق ىستەر زاڭىنداعى ۇقساماستىقتاردى زەرتتەۋ مەن قولدانۋدى، امالياتتىق وقىتۋ – ۇيرەنۋدى، شەتەلگە بايلانىستى زاڭمەن جونگە سالۋ جاعىنداعى جان – جاقتىلى جەتىلگەن دارىندىلاردى تاربيەلەۋدى كۇشەيتۋدى باسا دارىپتەدى. ۋاڭ چىن مىنانى اتاپ كورسەتتى: ۇزاق ۋاقىتتان بەرى، زاڭ عىلىمى جاعىنداعى جوعارى مەكتەپتەر شەتەلگە بايلانىستى زاڭ عىلىمى وقۋ – اعارتۋى تەبىنىن ارتىرىپ، ءپان قۇرىلىسى، تاربيەلەۋ فورماسى، حالىقارالىق سەلبەستىك، ۇيرەنۋ امالياتى قاتارلى جاقتاردا زور مولشەردە ىزدەنىستەر جاساپ، بەلسەندى ناتيجەلەرگە قول جەتكىزدى.
http://kazakh.people.com.cn/155419/15831089.html
