مەملەكەتتىك كەڭەس كەڭسە مەڭگەرمەسىنىڭ 2021 – جىلعى ءىشىنارا مەرەكەلەردىڭ دەمالىس ورنالاستىرۋى جونىندەگى ۇقتىرۋىنىڭ تولىق ءماتىنى تومەندەگىدەي:
ٵرقايسى ولكەلىك، اۆتونوميالى رايوندىق، توتە قاراستى قالالىق حالىق ۇكىمەتتەرىنە، مەملەكەتتىك كەڭەستىڭ مينيسترلىكتەرى مەن كوميتەتتەرىنە، توتە قاراستى قۇرىلىمدارىنا:
مەملەكەتتىك كەڭەستىڭ بەكىتۋىمەن 2021 – جىلعى جاڭا جىل مەرەكەسى، كوكتەم مەرەكەسى، كوك شىبىق مەرەكەسى، ەڭبەكشىلەر مەرەكەسى، قياق كۇرىش مەرەكەسى، ورتاڭعى كۇز مەرەكەسى جانە مەملەكەت مەرەكەسى كەزىندەگى دەمالىس ۋاقىتىن ناقتى ورنالاستىرۋ جونىندە مىناداي ۇقتىرۋ شىعاردىق.
ءبىرىنشى، جاڭا جىل مەرەكەسى: 2021 - جىلى 1- ايدىڭ 1 – كۇنىنەن 3 - كۇنىنە دەيىن دەمالىس بەرىلەدى. جيىنى 3 كۇن.
ەكىنشى، كوكتەم مەرەكەسى: 2 – ايدىڭ 11 – كۇنىنەن 17 - كۇنىنە دەيىن 7 كۇن دەمالىس بەرىلەدى. 2 - ايدىڭ 7 - كۇنى (جەكسەنبى)، 2 - ايدىڭ 20 - كۇنى (سەنبى) جۇمىسقا شىعادى.
ءۇشىنشى، كوك شىبىق مەرەكەسى: 4 – ايدىڭ 3 – كۇنىنەن 5 - كۇنىنە دەيىن جيىنى 3 كۇن دەمالىس بەرىلەدى.
ءتورتىنشى، ەڭبەكشىلەر مەرەكەسى: 5 – ايدىڭ 1 – كۇنىنەن 5 – كۇنىنە دەيىن جيىنى 5 كۇن دەمالىس بەرىلەدى. 4 - ايدىڭ 25 - كۇنى (جەكسەنبى)، 5 - ايدىڭ 8 - كۇنى (سەنبى) جۇمىسقا شىعادى.
بەسىنشى، قياق كۇرىش مەرەكەسى: 6 – ايدىڭ 12 – كۇنىنەن 14 – كۇنىنە دەيىن جيىنى 3 كۇن دەمالىس بەرىلەدى.
التىنشى، ورتاڭعى كۇز مەرەكەسى: 9 – ايدىڭ 19 – كۇنىنەن 9 – ايدىڭ 21 - كۇنىنە دەيىن جيىنى 3 كۇن دەمالىس بەرىلەدى. 9 – ايدىڭ 18 - كۇنى (سەنبى) جۇمىسقا شىعادى.
جەتىنشى، مەملەكەت مەرەكەسى: 10 – ايدىڭ 1 – كۇنىنەن 7 - كۇنىنە دەيىن جيىنى 7 كۇن دەمالىس بەرىلەدى. 9 – ايدىڭ 26 - كۇنى (جەكسەنبى)، 10 – ايدىڭ 9 - كۇنى (سەنبى) قىزمەتكە شىعادى.
مەرەكە دەمالىسى كەزىندە، ٵرقايسى رايوندار، تاراۋلار كەزەكشىلىك جانە حاۋىپسىزدىك، قورعاۋ قاتارلى قىزمەتتەردى ۇيلەسىمدى ورنالاستىرىپ، اۋىر توسىن وقيعالارعا كەزدەسكەندە بەلگىلەمە بويىنشا دەر كەزىندە مالىمدەپ ءارى لايىقتى ءبىر جاقتى ەتىپ، حالىق بۇقاراسىنىڭ مەرەكە، دەمالىس كۇندەرىن الاڭسىز وتكىزۋىنە كەپىلدىك ەتۋ كەرەك.
مەملەكەتتىك كەڭەستىڭ كەڭسە مەڭگەرمەسى
2020 – جىلى 11 – ايدىڭ 25 – كۇنى
http://kazakh.people.com.cn/155419/15830955.html
