مەملەكەتتىك ينتەرنەت شۇعىل جاعدايعا توتەپ بەرۋ ورتالىعىنىڭ ورىنباسار باس ينجەنەرى چىن شۇنشۇن 11 – ايدىڭ 24 - كۇنى بىلاي دەدى: مەملەكەتتىك ينتەرنەت شۇعىل جاعدايعا توتەپ بەرۋ ورتالىعىنىڭ ەلىمىزدىڭ ينتەرنەت حاۋىپسىزدىگى جاعدايىن باقىلاۋ - ولشەۋ ساندى مالىمەتىندە كورسەتىلۋىنشە، 2020 - جىلدىڭ الدىڭعى جارتىسىندا كومپيۋتەر سۇرقيا پروگرامماسىنا قاتىستى مولشەرمەن 18 ميلليون 150 مىڭ باعدارلاما ۇلگىسىن قولعا ءتۇسىردى، كۇندىك ورتاشا تارالۋ رەت سانى 4 ميلليون 830 مىڭ – رەتتەن استى. مۇنىڭ ىشىندە شەكارا سىرتىنداعى سۇرقيا پروگرامما نەگىزىنەن ا ق ش - نان كەلگەن، سالىستىرماسى %57.4كە جەتكەن.
سول كۇنى جىجياڭنىڭ ۋجىن قالاشىعىندا وتكىزىلگەن جۇڭگو توراپ ينفورماتسياسى حاۋىپسىزدىگى عىلىم - تەحنيكاسىندا جاڭالىق اشۋ - دامۋ وداعىنىڭ جىلدىق تالقى مىنبەسىندە، چىن شۇنشۇن بىلاي دەدى: بيىل دۇنيە ءجۇزى جاڭا تيپتى ايدارشا ۆيرۋس وكپە قابىنۋ ىندەتىنىڭ ىقپالىنا ۇشىراپ، الىس ارالىقتى سەلبەسۋ ادامداردىڭ تۇرمىس ءتاسىلى مەن ءوندىرىس ءتاسىلىن زور دارەجەدە وزگەرتتى، سونىمەن بىرگە ساندى مالىمەتتىڭ اشىلىپ قالۋى، توراپتا بالىق اۋلاۋ، رانسومار ۆيروسى، توراپ الدامشىلىعى قاتارلى حاۋىپسىزدىك حاۋىپ - قاتەرىن دە ارتتىردى، ەلىمىزدىڭ ىندەتتەن ساقتانۋ جانە ونى تىزگىندەۋ كەزىندە توراپ حاۋىپسىزدىگىن قامتاماسىزداندىرۋ قىزمەتىنە قىسىم ءتۇسىردى.
بيىل الدىڭعى جارتى جىلدا، ەلىمىز شەكاراسى ىشىندە كومپيۋتەر سۇرقيا پروگرامماسىنىڭ شابۋىلىنا ۇشىراعان IP ادرەسى 42 ميلليون 80 مىڭ بولىپ، ەلىمىزدەگى IP جالپى سانىنىڭ %12.4ىن ۇستايدى، نەگىزىنەن شاندۇڭ، جياڭسۋ، گۋاڭدۇڭ، جىجياڭ قاتارلى ولكەلەرگە تارالعان. ەلىمىز شەكاراسى ىشىندە كومپيۋتەر سۇرقيا پروگرامماسىمەن جۇعىمدالعان نەگىزگى اپپاراتتىڭ سانى شامامەن 3 ميلليون 40 مىڭداي، وتكەن جىلدىڭ ۇقساس مەزگىلىندەگىدەن %25.7 ارتقان.
ەلىمىزدىڭ سيفرلانعان قۇرالدارىنىڭ ىندەتتەن ساقتانۋ جانە ونى تىزگىندەۋگە كەڭ كولەمدە قولدانىلۋىنا ىلەسىپ، شاعىن پروگرامما، دەنساۋلىق بەلگىسى، App سياقتى كوپ ءتۇرلى جەلىدە جينالعان ينفورماتسيالار سالاۋات ينفورماتسياسى، بيولوگيالىق پارىقتاۋ ينفورماتسياسى جانە ورىن ينفورماتسياسى سياقتىلارعا سايادى، كوپتەگەن ساندى مالىمەت حاۋىپسىزدىگىندە دە كومەسكى قاتەر ءومىر سۇرەدى. چىن شۇنشۇن بىلاي دەدى: جاڭاشا نەگىزدىك قۇرىلعى تورابى قورعانۋ قاجەتىنە قاراتا، ۇكىمەت جوعارى دەڭگەيدە جوبالاۋ مەن ىقپالداستىقتى كۇشەيتىپ، توراپ حاۋىپسىزدىگىن جاڭاشا نەگىزدىك قۇرىلعىلار اينالىمىنىڭ جالپى بارىسىنا ءسىڭىرۋ كەرەك.
بۇدان سىرت، ىندەتتىڭ الدىن الۋ جانە ونى تىزگىندەۋ بارىسىندا الىس ارالىقتان جۇمىس ىستەۋدىڭ توراپ حاۋىپسىزدىگى حاۋىپ - قاتەرى بيىل سوڭعى جارىم جىلدا نازار اۋدارىپ وتىرعان ءتۇيىن بولىپ وتىر، ءار جاق حاۋىپ - قاتەر مەن كومەسكى حاۋىپكە ءمان بەرىپ، توتەپ بەرۋدى بەلسەنە ورىستەتىپ، ينفورماتسيانىڭ شاشىلۋى مەن الىس ارالىقتى زاپاس بولەكتىڭ حاۋىپسىزدىك ماسەلەسىنەن ءونىمدى ساقتانۋ كەرەك.
جۇڭگو توراپ ينفورماتسياسى حاۋىپسىزدىگى عىلىم - تەحنيكاسىندا جاڭالىق اشۋ - دامۋ وداعىنىڭ جىلدىق تالقى مىنبەرىن مەملەكەتتىك كەڭەستىڭ مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتى باس بولىپ وتكىزدى.
http://kazakh.people.com.cn/155425/15830952.html
