ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك حالىق قۇرىلتايى تۇراقتى كوميتەتىنىڭ كوميتەت باستىعى لي جانشۋ 11 – ايدىڭ 16 – كۇنىنەن 18 – كۇنىنە دەيىن سانشيدە تەكسەرۋ – زەرتتەۋ جۇرگىزگەن كەزدە مىنانى باسا دارىپتەدى: شي جينپيىڭ زاڭمەن جونگە سالۋ يدەياسى مەن ورتالىقتىڭ جاپپاي زاڭمەن جونگە سالۋ قىزمەتى ءماجىلىسىنىڭ رۋحىن مۇقيات ۇيرەنۋ، دايەكتىلەندىرۋ، پارتيا 19 – كەزەكتى ورتالىق كوميتەتى بەسىنشى جالپى ءماجىلىسىنىڭ ورنالاستىرۋى بويىنشا، زاڭ بويىنشا مىندەتتى ادا ەتىپ، باتىلدىقپەن مىندەت ارقالاۋ، جاپپاي سوتسياليستىك وسىزاماندانعان مەملەكەت قۇرۋ جاڭا ساپارى بارىسىندا ءتيىستى ۇلەس قوسۋ كەرەك.
قىزمەت تەكسەرۋ – زەرتتەۋ بارىسىندا، لي جانشۋ يۋنچىڭ، چاڭجى، جينجۇڭ، تاييۋان قاتارلى جەرلەردەگى حالىق قۇرىلتاي ۋاكىلدەرى بايلانىس بەكەتتەرىنە، نەگىزگى ساتىداعى زاڭ شىعارۋ جاعىنداعى بايلانىس تۇيىندەرىنە جانە حالىق قۇرىلتايى ورگاندارىنا ىشكەرىلەي تەكسەرۋ جۇرگىزىپ، حالىق قۇرىلتايى ۋاكىلدەرىمەن، نەگىزگى ساتىداعى زاڭمەن جونگە سالۋ قىزمەتكەرلەرىمەن، مامان – وقىمىستىلارمەن اڭگىمە ءماجىلىسىن اشىپ، حالىق قۇرىلتايى قىزمەتىن ۇعىستى، ءارقايسى جاقتاردىڭ ۇسىنىس – پىكىرلەرىن تىڭدادى؛ كاسىپورىندارعا، قالا – قالاشىقتارداعى الەۋمەتتىك اۋماقتارعا، بۇرىلىس جاساپ، امبەباپ رەفورلاماۋدان ۇلگى كورسەتۋ رايوندارىنداعى اكىمشىلىك قىزمەت وتەۋ ورتالىقتارىنا، فىنحى وزەنىندەگى جينياڭ كوپىرى بولىگىنە بارىپ، سانشيدىڭ بۇرىلىس جاساپ دامۋ، عىلىم – تەحنيكادا جاڭالىق اشۋ، ورتانى جونگە سالۋ، بايىرعى قالانى قورعاۋ جاعدايلارىن ناق مايداندا تەكسەردى؛ 8 – ارميا تايحاڭ ەسكەرتكىش سارايىنا بارىپ قۇرمەتتەي قاراپ، توڭكەرىستىك قۇربانداردى ەسكە الدى؛ قاتىستى قىزمەتتەر جونىندەگى مالىمەتتەردى تىڭداپ، شي جينپيڭ زاڭمەن جونگە سالۋ يدەياسىن جانە باس شۋجي شي جينپيڭنىڭ سانشيدە قىزمەت تەكسەرگەن كەزدەگى ماڭىزدى نۇسقاۋىنىڭ رۋحىن ۇيرەنۋ، دايەكتىلەندىرۋ، جاڭا داۋىردەگى حالىق قۇرىلتايى قىزمەتىن ويداعىداي ىستەۋ جونىندە اڭگىمە ءماجىلىس وتكىزىپ، اۋىس – كۇيىس جاسادى.
لي جانشۋ مىنانى اتاپ كورسەتتى: ورتالىقتىڭ مەملەكەتتى جاپپاي زاڭمەن جونگە سالۋ قىزمەتى ءماجىلىسىنىڭ ەڭ ماڭىزدى جەتىستىگى، شي جينپيڭ زاڭمەن جونگە سالۋ يدەياسىن تۇراقتاندىرۋى. بۇل ماڭىزدى يدەيا — ماركسيزمدىك زاڭمەن جونگە سالۋ نازارياسىن جۇڭگوشالاندىرۋدىڭ ەڭ جاڭا جەتىستىگى، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ ماڭىزدى قۇرامداس بولىگى، مەملەكەتتى جاپپاي زاڭمەن جونگە سالۋدىڭ ءتۇبىرلى نەگىزى جانە ارەكەت باعدارناماسى. مەملەكەتتىك حالىق قۇرىلتايى مەن جەرگىلىكتى حالىق قۇرىلتايلارى شي جينپيڭ زاڭمەن جونگە سالۋ يدەياسىن ۇيرەنۋ، ۇگىتتەۋ، دايەكتىلەندىرۋدى قازىرگى جانە بۇدان بىلايعى ءبىر مەزگىلدەگى ماڭىزدى ساياسي مىندەت رەتىندە قاراپ، ءتۇبىرلى رۋحىن تەرەڭ ۇعىنىپ، وزەكتى مازمۇنىن مەڭگەرىپ، قىزمەت تالابىن ايقىنداۋى كەرەك، مەملەكەتتى جاپپاي زاڭمەن باسقارۋدىڭ ساياسي باعدارىن، كەلەلى ورنىن، قىزمەت ورنالاستىرۋلارىن، ءتۇيىندى مىندەتتەرىن، ماڭىزدى قارىم – قاتىناسىن، ماڭىزدى قامتاماسىزدىقتى مىقتى يگەرىپ، مەملەكەتتىك جاپپاي زاڭمەن جونگە سالۋ جاعىنداعى يقۋاتى مەن رولىن ويداعىداي ساۋلەلەندىرۋ كەرەك. ۋاكىلدەردىڭ نەگىزگى تۇلعالىق ورنىن قۇرمەتتەپ، حالىق قۇرىلتايى ۋاكىلدەرى حالىق جۇرتشىلىعىمەن بايلانىس جاسايتىن تۇزىمدىك ءتۇزىلىستى جانە قىزمەت تەكشەسىن ويداعىداي پايدالانىپ، جۇرتشىلىقتىڭ تىلەگىن ءبىلدىرۋ، پىكىر بەرۋ ارناسىن ىركىلىسسىزدەندىرىپ، حالىق جۇرتشىلىعىن اناعۇرلىم تىعىز بايلانىستىرىپ، ۋاكىلدەردىڭ زاڭ بويىنشا مىندەتتەرىن ادا ەتۋىنە اناعۇرلىم ويداعىداي قىزمەت وتەۋ جانە وعان كەپىلدىك ەتۋ، ءارقايسى جاقتاردىڭ پاراساتى مەن كۇش – قۋاتىن «14 – بەسجىلدىق» جوسپار مەزگىلىندەگى ەكونوميكا مەن قوعام دامۋى قىزمەتىن ويداعىداي ىستەۋگە ۇيىستىرۋ كەرەك.
لي جانشۋ سانشيدىڭ رەفورمالاۋ، جاڭالىق اشۋ، ەكولوگيالىق وركەنيەت قۇرىلىسىن كۇشەيتۋ، جوعارى ساپالى دامۋدى ىلگەرىلەتۋ جاقتارىندا قول جەتكىزگەن تىڭ جەتىستىكتەرىن تولىق تۇراقتاندىردى. ول مىنانى باسا دارىپتەدى: باس شۋجي شي جينپيڭنىڭ سانشيدىڭ قىزمەتىنە بەرگەن ماڭىزدى نۇسقاۋىنىڭ تالاپتارىن تىعىز توڭىرەكتەي وتىرىپ، دايەكتى تياناقتاندىرۋ كەرەك، تيپىن وزگەرتىپ دامۋ جاعىندا الدىمەن جاڭا جول اشۋ كەرەك. بىرىنشىدەن، سانشيدىڭ دامۋىن مەملەكەتتىڭ ستراتەگيالىق جالپى جاعدايى جانە «14 – بەسجىلدىق» جوسپار اياسىندا جوبالاۋ، مەملەكەتتىڭ كەلەلى ساياساتتارى، باعدارى جانە ستراتەگيالىق ورنالاستىرۋىمەن توعىستىرۋ كەرەك. ەكىنشىدەن، تيپىن وزگەرتىپ دامۋدى ەكونوميكالىق قىزمەت جانە ءتۇرلى قىزمەتتەردىڭ جالپى باعدارلاماسى ەتۋگە تاباندى بولىپ، باعدارلامانى ارقاۋ ەتۋ، قىزمەتتى جۇيەلى ىستەۋ كەرەك. ۇشىنشىدەن، ءوز كۇشىنە سۇيەنىپ ءوزىن قۇدىرەتتەندىرۋ تالابىنا ساي، عىلىم – تەحنيكادا جاڭالىق اشۋدى كۇشەيتىپ، جوعارى ساپالى دامۋدى قايراتتانا ىلگەرىلەتۋ كەرەك. تورتىنشىدەن، توڭكەرىستىك مادەنيەتكە مۇراگەرلىك ەتىپ، تايحاڭ رۋحىن، لۇيلياڭ رۋحىن، يوۋيۇي رۋحىن ساۋلەلەندىرىپ، سوتسياليستىك وزەكتى قۇن كوزقاراسىن جەتىلدىرۋ جانە امالياتتا ايگىلەۋ، سانشيدىڭ ءتۇرلى قىزمەتتەرىنىڭ دامۋىنا قۋاتتى قوزعاۋشى كۇش ۇستەۋ كەرەك.
http://kazakh.people.com.cn/155419/15830373.html
