1. اعىمداعى ورىن:
  2. باس بەت
  3. اعىم جاڭالىقتارى
  4. ەل ءىشى حابارالرى
  5. زاڭ - ەرەجە

شي جينپيڭ بيرما مەملەكەتتىك دەموكراتيا وداعىنىڭ ءتوراعاسى اڭشانسۋجيگە قۇتتىقتاۋ حات جولدادى

日期:2020年11月19日
来源:新疆日报
【字体:

  11 - ايدىڭ 16 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ بيرما مەملەكەتتىك دەموكراتيا وداعىنىڭ ءتوراعاسى اڭشانسۋجيگە حات جولداپ، ونىڭ باسشىلىعىنداعى بيرما مەملەكەتتىك دەموكراتيا وداعىنىڭ تاياۋدا وتكىزىلگەن سايلاۋدا تاعى بيلىك باسىنا شىققاندىعىن قۇتتىقتادى.

  شي جينپيڭ قۇتتىقتاۋ حاتىندا بىلاي دەدى: بيرمانىڭ تاياۋدا زور سايلاۋدى ءساتتى وتكىزگەندىگىن، ءسىزدىڭ باسشىلىعىڭىزداعى بيرما مەملەكەتتىك دەموكراتيا وداعىنىڭ تاماشا ناتيجەگە قول جەتكىزگەندىگىن ەستىپ قۋاندىم، مەن ءسىزدى جانە بيرما حالقىن شىنايى قۇتتىقتايمىن. ءسىزدىڭ باسشىلىعىڭىزدا بيرما مەملەكەتتىك دەموكراتيا وداعىنىڭ، ءسوزسىز، مەملەكەتتى گۇلدەندىرۋ، بايىتۋ، قۇدىرەتتەندىرۋ وسكەلەڭ ءىسىن جۇزەگە اسىرۋدا اناعۇرلىم كەسەك تابىستارعا قول جەتكىزەتىندىگىنە سەنەمىن.

  شي جينپيڭ بىلاي دەپ اتاپ كورسەتتى: جۇڭگو - بيرما تاۋ - سۋى تۇتاسقان، باۋىرلاستىق سۇيىسپەنشىلىگى تەرەڭ جاقسى كورشى. بيىل ەكى ەل ديپلوماتيالىق قارىم - قاتىناس ورناتقاندىعىنىڭ 70 جىلدىعىن بىرگە قۇتتىقتادى. جىل باسىندا مەنىڭ بيرماداعى مەملەكەتتىك ساپارىم ءساتتى بولدى، ءبىز جۇڭگو - بيرما تاعدىرلاس ورتاق تۇلعاسىن قۇرۋدى ءبىر اۋىزدان قۇپتاپ، جۇڭگو - بيرما قارىم - قاتىناسىنىڭ جاڭا ءداۋىرىن باستادىق. جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان كەيىن ەكى پارتيا، ەكى ەل ءبىر - ءبىرىن قولداپ، ءوزارا قارايلاسىپ، ءىس جۇزىندىك ارەكەتىمەن تاۋقىمەتتى بىرگە وتكەرەتىن، تار جول، تايعاق كەشۋدەن بىرگە وتەتىن تاعدىرلاس ورتاق تۇلعا رۋحىن ايگىلەدى.

  شي جينپيڭ بىلاي دەپ باسا دارىپتەدى: جۇڭگو كوممۋنيستىك پارتياسى بيرما مەملەكەتتىك دەموكراتيا وداعىمەن تىعىز دوستىق بارىس - كەلىستى ساقتاپ، ەكى ەل قارىم - قاتىناسىن اقاۋسىز، ورنىقتى دامىتۋدا ماڭىزدى رول اتقاردى. جۇڭگو جاق ەكى پارتيانىڭ، ەكى ەلدىڭ قارىم - قاتىناسىن دامىتۋعا ايرىقشا ءمان بەرەدى. مەن ءتوراعا حانىممەن بىرگە قۇلشىنىپ، ەكى پارتيا، ەكى ەل قارىم - قاتىناسىنا ساياسي جەتەكشىلىكتى كۇشەيتىپ، بيلىك باسىنداعى پارتيالاردىڭ اۋىس - كۇيىسىن، ءوزارا ونەگە الۋىن تەرەڭدەتىپ، ”ءبىر بەلدەۋ، ءبىر جولدى“ بىرگە قۇرۋ جانە جۇڭگو - بيرما ەكونوميكالىق ءدالىزى اياسىنداعى ءتۇرلى سالاداعى ناقتى سەلبەستىكتى ىلگەرىلەتىپ، شەكارانىڭ بەيبىتشىلىگىن، تىنىشتىعىن قورعاپ، جۇڭگو - بيرما تاعدىرلاس ورتاق تۇلعاسىنىڭ سۇبەلى تابىستارعا قول جەتكىزۋىن ىلگەرىلەتىپ، ەكى ەلدى جانە ەكى ەل حالقىن اناعۇرلىم ويداعىداي باقىتقا كەنەلتۋدى قالايمىن.