2020 - جىلعى پۋجياڭ جاڭالىق اشۋ فورۋمى 10 - ايدىڭ 22 - كۇنى شاڭحايدا اشىلدى. مەملەكەتتىك كەڭەستىڭ زۇڭليى لي كىچياڭ مەن سەربيانىڭ زۇڭليى بۋرنابيچ جەكە - جەكە بەينەجازبا ءسوزىن سويلەدى.
لي كىچياڭ ارناۋ سوزىندە مىنالاردى ءبىلدىردى: عىلىم – تەحنيكادا جاڭالىق جاراتۋ − ادامزات قوعامىنىڭ دامۋىن، العا باسۋىن جەبەيتىن سارقىلماس قوزعاۋشى كۇش. جۇڭگو ۇكىمەتى عىلىم - تەحنيكادا جاڭالىق جاراتۋعا باسا ءمان بەرىپ، جاڭالىق جاراتۋ ارقىلى دامۋعا قوزعاۋشىلىق ەتۋ ستراتەگياسىن ىشكەرىلەي اتقارىپ، كوپ بولىپ يگىلىك، جاڭالىق جاراتۋدى بارىنشا ىلگەرىلەتىپ، ەكونوميكانىڭ باياندى دامۋىن، حالىق تۇرمىسىنىڭ ۇزدىكسىز جاقسارۋىن جەبەدى. جۇڭگونىڭ عىلىم - تەحنيكا ىستەرى باياندى دامىدى. ءبىز باستان - اياق اشىق پوزيتسيادا بولىپ، حالىقارالىق عىلىم - تەحنيكا سەلبەستىگىن ىلگەرىلەتۋگە كۇش سالىپ، عىلىم - تەحنيكادا جاڭالىق جاراتىپ، ءوزارا پايدا جەتكىزىپ، تەڭ يگىلىككە كەنەلۋدى جۇزەگە اسىرامىز.
لي كىچياڭ مىنالاردى اتاپ كورسەتتى: توسىن تۋىلعان جاڭا تيپتى ايدارشا ۆيرۋس وكپە قابىنۋ ىندەتى الدىندا جۇڭگو حالىقارالىق قوعاممەن سەلبەستىكتى كۇشەيتتى، عىلمي زەرتتەۋ ساندى مالىمەت ينفورماتسياسىنان ورتاقتاسىپ، ساقتانۋ جانە ەمدەۋ تاكتيكاسىن بىرگە زەرتتەپ، بۇكىل دۇنيە ءجۇزىنىڭ ىندەتكە قارسى اتتانۋىنا ءوز ۇلەسىن قوستى.
لي كىچياڭ مىنانى ءبىلدىردى: ءبىز ەكونوميكا مەن قوعامنىڭ دامۋىن ءبىر تۇتاس جوسپارلاپ، ەكونوميكانىڭ قالپىنا كەلۋ سيپاتتى ارتۋىن قۇلشىنا جۇزەگە اسىردىق. ءبىز ماكرولىق ساياساتتىڭ ۇلاسپالىلىعى مەن تۇراقتىلىعىن ساقتاپ، بازاردىڭ ومىرشەڭدىگى مەن قوعامنىڭ جاسامپازدىق قۋاتىن اناعۇرلىم تاسقىنداتامىز. قۇلشىنۋ ارقىلى جۇڭگو ەكونوميكاسىنىڭ بيىل تۇتاس جىلدا ورنىقتى ارتۋىنان ءۇمىت بار.
