ج ك پ ورتالىق كوميتەتى ساياسي بيۋروسىنىڭ مۇشەسى، جۇڭگو يان – ان رۋحىن زەرتتەۋ قوعامىنىڭ باستىعى ۋاڭ چىن 10 – ايدىڭ 22 – كۇنى بەيجيڭدە جۇڭگو يان – ان رۋحىن زەرتتەۋ تۇراقتى القالار كەڭەسىنە قاتىناستى ءارى ءسوز سويلەدى. ول مىنان باسا دارىپتەدى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، دۇرىس ساياسي باعداردا تاباندى بولىپ، پارتيا مەن مەملەكەت قىزمەتىنىڭ زور جاعدايى ءۇشىن قىزمەت ەتۋىمىز، يان – ان رۋحىن ساۋلەلەندىرۋ جاعىنداعى ءتۇرلى قىزمەتتەردى تىڭعىلىقتى ورىنداۋىمىز، يان – ان رۋحىن جۇرت جۇرەگىنە اناعۇرلىم تەرەڭ ۇيالاتىپ، ساۋلە شاشتىرۋىمىز كەرەك.
ۋاڭ چىن مىنانى اتاپ كورسەتتى: باس شۋجي شي جينپيڭ جۇڭگو يان – ان رۋحىن زەرتتەۋ كەڭەسىنىڭ التىنشى كەزەكتى مۇشەلەر ماجىلىسىنە قۇتتىقتاۋ حاتىن جولداپ، جاڭا تاريحي شارت – جاعدايدا يان – ان رۋحىن ساۋلەلەندىرۋ جونىندە ايقىن تالاپ قويدى، بۇل تالاپتىڭ يدەيالىلىعى اسا كۇشتى، جەتەكشىلىك سيپاتقا جانە باعىتتامالىلىق سيپاتقا يە. ءبىز باس شۋجي شي جينپيڭنىڭ قۇتتىقتاۋ حاتىنىڭ رۋحىن ىشكەرىلەي ۇيرەنۋىمىز جانە دايەكتى تياناقتاندىرۋىمىز، جۇڭحۋا ۇلتىنىڭ ۇلى گۇلدەنۋى ستراتەگيالىق جالپى جاعداي مەن دۇنيە جۇزىندەگى ءجۇز جىلدا بولماعان زور وزگەرىستى كوكەيگە ءتۇيىپ، يان – ان رۋحىنان ۇدەرە العا تارتۋ، جاۋدى جەڭىپ، جەڭىسكە قول جەتكىزۋ جاعىنداعى قۋاتتى كۇشتى ۇزدىكسىز قابىلداۋىمىز كەرەك.
ۋاڭ چىن مىنانى باسا دارىپتەدى: بيىل جۇڭگو يان – ان رۋحىن زەرتتەۋ قوعامى قۇرىلعانىنا 30 جىل بولدى، جاڭا كەزەكتى زەرتتەۋ قوعامى يان – ان رۋحىن ساۋلەلەندىرۋدىڭ اماناتىن ارقالاپ، جاڭا ءداۋىردىڭ تالابىنا ىلەسىپ، ءامالياتتىڭ قۇنارلى توپىراعىنا تامىر تارتىپ، دامۋ بارىسىنداعى جاڭا تاقىرىپتاردى شەشىپ، رەفورما مەن دامۋدىڭ قاجەتىن تىعىز توڭىرەكتەي وتىرىپ، يان – ان رۋحىنا ىشكەرىلەي زەرتتەۋ جۇرگىزىپ، ونى كۇش سالا ۇگىتتەپ، ءامالياتتا مۇقيات ايگىلەپ، جاپپاي دوڭگەلەك داۋلەتتى قوعام قۇرۋ، اۋقىمعا قاراي العا تارتىپ، جاپپاي سوتسياليستىك وسىزاماندانعان مەملەكەت قۇرۋ جاڭا ساپارىنا اتتانۋعا قۋاتتى رۋحاني قوزعاۋشى كۇش ازىرلەۋگە كۇش سالۋ كەرەك. يان – ان رۋحىن ساۋلەلەندىرۋ كەلەلى تاقىرىبىن زەرتتەۋدى تەرەڭدەتۋ جانە كەڭەيتۋ، داۋىرلىك ەرەكشەلىككە، ءامالياتتىق ەرەكشەلىككە يە جوعارى ساپالى زەرتتەۋ ناتيجەلەرىن ۇزدىكسىز جارىققا شىعارۋ كەرەك. وزىندىك قۇرىلىستى كۇشەيتىپ، يان – ان رۋحىن ساۋلەلەندىرۋدە سانالى تۇردە ونەگە بولىپ، پارتيا مەن حالىقتىڭ ادال پەرزەنتى بولىپ، زەرتتەۋ قوعامى قىزمەتىنىڭ ۇزدىكسىز جاڭا ىلگەرىلەۋشىلىككە، جاڭا ونىمدىلىككە قول جەتكىزۋىن ىلگەرىلەتۋ كەرەك.
