ءىشىنارا جەرلەردەگى ينتەگرالدى تىزبەك كاسىبىنىڭ دامۋى بارىسىندا تومەن ورەدەگى قايتالامالى قۇرىلىس حاۋىپ - قاتەرى كورنەكتىلەنۋ سياقتى ماسەلەلەر جونىندە مەملەكەتتىك دامۋ جانە رەفورما كوميتەتىنىڭ اقپارات مالىمدەمەشىسى مىڭ ۋەي 10 - ايدىڭ 20 - كۇنى مىنانى ءبىلدىردى: «نەگىزگى تۇلعالار شوعىرلانۋ، وڭىرلەر شوعىرلانۋ» سىندى دامۋ پرينسيبى بويىنشا، ينتەگرالدى تىزبەك ءىرى نىساندارى قۇرىلىسىنا قىزمەت وتەۋ مەن جەتەكشىلىك ەتۋ كۇشەيتىلەدى، ينتەگرالدى تىزبەك كاسىبىنىڭ دامۋ تارتىبىنە تارتىپپەن جەتەكشىلىك ەتىلىپ جانە ول ارناعا ءتۇسىرىلىپ، جايعاستىرۋ قىزمەتى ويداعىداي ىستەلەدى.
سول كۇنى مەملەكەتتىك دامۋ جانە رەفورما كوميتەتى 10 - ايداعى كەزەكتى اقپار جاريالاۋ ءماجىلىسىن اشتى، مىڭ ۋەي ماجىلىستە تانىستىرىپ بىلاي دەدى: ينتەگرالدى تىزبەك كاسىبى − حالىق شارۋاشىلىعى مەن الەۋمەتتىك دامۋداعى ستراتەگيالىق، نەگىزدىك جانە جەتەكشى كاسىپ، ورنى توتەنشە ماڭىزدى. سوڭعى جىلداردان بەرى ءبىرقىدىرۋ ساياساتتىق شارا شىعارىلىپ، كاسىپتىڭ اقاۋسىز دامۋىنا قولداۋ كورسەتىلدى جانە جەتەكشىلىك ەتىلدى. قاتىستى ساياساتتاردىڭ قولداپ تۇرتكى بولۋىندا، ەلىمىزدىڭ ينتەگرالدى تىزبەك كاسىبى جاقسارۋعا بەت الدى، تەحنيكالىق ورەسى بارىنشا جوعارىلاپ، كاسىپورىندار تەز جەتىلىپ ۇلعايدى. 2019 - جىلى ەلىمىزدىڭ ينتەگرالدى تىزبەك كاسىبىنىڭ ساتۋ كىرىسى 756 ميلليارد 200 ميلليون يۋان بولىپ، سايكەس مەزگىلدەگىدەن %15.8 ارتىپ، ەلىمىز دۇنيە جۇزىندەگى ينتەگرالدى تىزبەك كاسىبى دامۋىنىڭ قارقىنى ەڭ تەز رايونداردىڭ بىرىنە اينالدى.
«ءبىراق ءبىز مىناعان دا نازار اۋدارىپ وتىرمىز، ەل ىشىندە ينتەگرالدى تىزبەك كاسىبىنە قارجى قوسۋ قىزعىندىلىعى ۇزدىكسىز جوعارىلاعانىمەن، تاجىريبەسى، تەحنيكاسى، دارىندىلارى جوق كەيبىر كاسىپورىندار ينتەگرالدى تىزبەك كاسىبىنە كىرىسىپ وتىر، ءىشىنارا جەرلەردە ينتەگرالدى تىزبەك كاسىبى دامۋىنىڭ زاڭدىلىعى جونىندەگى تانىم جەتەرسىز بولىپ، كوزسىزدىكپەن جوسپار جاسالۋدا، تومەن ورەدەگى قايتالامالى قۇرىلىس حاۋىپ - قاتەرى كورنەكتىلەنۋدە، ءتىپتى ءىشىنارا نىسانداردىڭ قۇرىلىسى توقىراپ قالدى، بوس قالدى، بايلىق ىسىراپ بولۋدا» دەدى مىڭ ۋەي.
مىڭ ۋەي مىنالاردى اتاپ كورسەتتى: مەملەكەتتىك دامۋ جانە رەفورما كوميتەتى ينتەگرالدى تىزبەك كاسىبىنىڭ اقاۋسىز، ءتارتىپتى دامۋىنا باستان - اياق باسا ءمان بەرىپ كەلەدى، الدا قاتىستى تاراۋلارمەن بىرگە جوعارى دەڭگەيدە جوبالاۋدى كۇشەيتىپ، كاسىپ جوباسىن جاساۋدى مىقتى يگەرىپ، كاسىپتىڭ دامۋ ءتارتىبىن كۇش سالا قورعايدى. قازىرگى كاسىپ سالاسىندا جارىققا شىققان بىلىقپالىققا باعىتتاي وتىرىپ، كەلەسى قادامدا 4 جاقتاعى قىزمەتتى ءتۇيىندى تۇردە ويداعىداي ىستەيدى.
