1 - ايدان 9 - ايعا دەيىنگى جيناق بويىنشا، بۇكىل ەلدىڭ جاي الەۋمەتتىك مەجە ەسەپ كىرىسى 14 تريلليون 100 ميلليارد 200 ميلليون يۋان بولىپ، سايكەس مەزگىلدەگىدەن %6.4 تومەندەگەن. قازىنا مينيسترلىگىنىڭ قاتىستى جاۋاپتىسى مىنانى ءبىلدىردى: 1 - ايدان 9 - ايعا دەيىن قازىنالىق كىرىستە جالپى جاقتان ءبىرىنشى توقساندا زور مولشەردە تومەندەۋدەن كەيىن 2 – توقساندا از مولشەردە قالپىنا كەلۋ، 3 - توقساندا تەرىس ماننەن وڭ مانگە بۇرىلىس جاساۋ سىندى ءۇرتىس جاقسارۋ جاعدايى جارىققا شىقتى.
1 - ايدان 9 - ايعا دەيىنگى جيناق بويىنشا، بۇكىل ەلدىڭ جاي الەۋمەتتىك مەجە ەسەپ شىعىسى 17 تريلليون 518 ميلليارد 500 ميلليون يۋان بولىپ، سايكەس مەزگىلدەگىدەن %1.9 تومەندەدى، الايدا ىندەتتەن ساقتانۋ - تىزگىندەۋ، كەدەيلىكتەن ارىلتۋدان قامال الۋ، نەگىزگى ساتىلاردا «ءۇشتى قامتاماسىزداندىرۋ» سياقتى ءتۇيىندى سالالارداعى شىعىس پارمەندى قامتاماسىزداندىرىلدى، ىندەتتەن ساقتانۋ - تىزگىندەۋگە تىكەلەي قاتىستى الەۋمەتتىك دەنساۋلىق ساقتاۋ شىعىسى %66.1 ارتتى، كەدەيلەردى سۇيەمەلدەۋ، تۇرعىن ۇيمەن قامتاماسىزداندىرۋ، قوعامدىق قامتاماسىزداندىرۋ جانە جۇمىستانۋ شىعىسى جەكە - جەكە %14.3، %9.4، %8.2 ارتتى. بۇدان سىرت، 1 - ايدان 9 - ايعا دەيىنگى جيناق بويىنشا، ۇكىمەتتىك قور مەجە ەسەبىنە ەنگىزىلگەن جەرگىلىكتى ۇكىمەتتەردىڭ جاڭادان ارتقان ارناۋلى زايوم كىرىسىنە ورنالاستىرعان شىعىسى 2 تريلليون 800 ميلليارد يۋاننان اسىپ، سايكەس مەزگىلدەگىدەن 1.4 ەسە ارتتى، باستىسى ولقىلىقتاردى تولىقتاۋ كەلەلى قۇرىلىسىنا جۇمسالىپ، ءونىمدى قارجى قوسۋ كولەمى كەڭەيتىلدى، بۇل ىندەتتىڭ ىقپالىنا ۇتىمدى توتەپ بەرىپ، ەكونوميكانىڭ نەگىزگى جاعدايىن ورنىقتىرۋدا بەلسەندى رول اتقاردى.
1 - ايدان 9 - ايعا دەيىنگى جيناق بويىنشا، بۇكىل ەلدىڭ باجى كىرىسى 11 تريلليون 887 ميلليارد 600 ميلليون يۋان بولىپ، سايكەس مەزگىلدەگىدەن %6.4 تومەندەدى. نەگىزگى ەكونوميكالىق كورسەتكىشتەردىڭ ورنىقتى قالپىنا كەلۋىنە بايلانىستى، 9 - ايدا نەگىزگى باجى تۇرلەرىنىڭ ارتۋ مولشەرى جاپپاي وڭ مانگە بۇرىلىس جاسادى. قازىنا مينيسترلىگىنىڭ قاتىستى جاۋاپتىسى مىنانى ءبىلدىردى: بيىل جىل باسىنان بەرى باجىنى، اقىنى ازايتۋ شارالارىنىڭ تياناقتانۋى پارمەندى بولدى، ساياساتتان يگىلىكتەنۋ كولەمى كەڭەيدى، 1 - ايدان 8 - ايعا دەيىن مەملەكەت بويىنشا ءبىر تريلليون 877 ميلليارد 286 ميلليون يۋان باجى كەمەيتىلدى، تۇتاس جىلدا باجىنى، اقىنى كەمەيتۋ كولەمى 2 تريلليون 500 ميلليارد يۋاننان اساتىنى مەجەلەنۋدە.
