جان سانى جاعدايى — ءبىر مەملەكەتتىڭ ەڭ نەگىزگى مەملەكەت جاعدايى، جان سانىنا جالپى بەتتىك تەكسەرۋ جۇرگىزۋ — جان سانىنىڭ «جاعدايىن» يەلەۋدەگى ماڭىزدى ءتاسىل
مەملەكەت بويىنشا جەتىنشى رەت جان سانىنا جالپى بەتتىك تەكسەرۋ جۇرگىزۋدى ورىستەتۋ ارقىلى جان سانىنىڭ ارتۋ مولشەرىن، ەڭبەككۇشپەن قامداۋ جاعدايىن، جىلجىمالى جان سانىنىڭ وزگەرىس جاعدايىن ۇعىنۋعا بولادى، بۇل جان سانىن دامىتۋ ستراتەگياسى مەن ساياساتتىق جۇيەسىن كەمەلدەندىرۋگە، جان سانىنىڭ ۇزاق ۋاقىت بويى تەڭگەرىمدى دامۋىن ىلگەرىلەتۋگە پايدالى
شاعىن اۋماقتا جاڭا تۋعان نارەستە كوپ، بۇدان بىلاي ولاردىڭ وقۋعا ءتۇسۋى قيىن با، جوق پا؛ كەي جولداردا قاتىناس كەپتەلىسى وتە اۋىر، قالاي جوسپارلاعاندا اناعۇرلىم عىلىمي بولادى؛ وقۋ – اعارتۋ جاعىنداعى APP قولدانباسىن جارىققا شىعارسا، بازار كولەمى قانشالىق زور بولادى ... وسى تەكتەس حالىق جۇرتشىلىعىنىڭ مۇددەسىمەن تىعىز قاتىستى، ەكونوميكا مەن قوعام دامۋىمەن تىعىز بايلانىستى ماسەلەلەردى ويداعىداي شەشىم ەتۋدەگى ماڭىزدى جاقتاردىڭ ءبىرى، جان سانى جاعدايىنىڭ دامۋ وزگەرىسىن يگەرۋ بولىپ تابىلادى.
جان سانى جاعدايى — ءبىر مەملەكەتتىڭ نەگىزگى مەملەكەت جاعدايى، جان سانىنا جالپى بەتتىك تەكسەرۋ جۇرگىزۋ — جان سانىنىڭ «جاعدايىن» يگەرۋدەگى ماڭىزدى ءتاسىل. جاڭا جۇڭگو قۇرىلعاننان بەرى، ەلىمىز جان سانىنا التى رەت جالپى بەتتىك تەكسەرۋ جۇرگىزىپ، جان سانىنىڭ نەگىزگى جاعدايى جونىندە جان – جاقتىلى ساندى مالىمەتتەرگە يە بولدى. مەملەكەت بويىنشا جان سانىنا جەتىنشى رەت جالپى بەتتىك تەكسەرۋ جۇرگىزۋدەگى بارلىق وتباسىلارعا بارىپ جاعداي انىقتاۋ قىزمەتى 10 – ايدىڭ 11 – كۇنىنەن باستاپ ورىستەتىلدى، 11 – ايدىڭ 1 – كۇنىنەن باستاپ وتباسىلارعا بارىپ تىزىمدەۋ قىزمەتى رەسمي باستالادى. بۇل جۇڭگوشا سوتسياليزم جاڭا داۋىرگە قادام تاستاعاننان كەيىن مەملەكەت جاعدايى مەن مەملەكەت قۋاتى جاعىندا جۇرگىزىلگەلى وتىرعان ءبىر رەتكى ءىرى تەكسەرۋ، سونىمەن بىرگە، جاپپاي دوڭگەلەك داۋلەتتى قوعام قۇرۋدىڭ شەشۋشى جەڭىسىنە قول جەتكىزۋ، سوتسياليستىك وسىزاماندانعان مەملەكەتتى جاپپاي ورناتۋ جاڭا ساپارىنا اتتانۋ سىندى شەشۋشى ساتتەگى جان سانىنا جالپى بەتتىك تەكسەرۋ جۇرگىزۋ قىزمەتى بولىپ تابىلادى. بۇل جان سانى دامۋىنىڭ جاڭا جاعدايىن، جاڭا ەرەكشەلىگىن، جاڭا بەتالىسىن دۇرىس يگەرۋ، ەلىمىز جان سانى مەن ەكونوميكاسىنىڭ، قوعامىنىڭ سايكەستى دامۋىن ىلگەرىلەتۋ جونىنەن كەلەلى دە تەرەڭ ماڭىزعا يە.
http://kazakh.people.com.cn/155425/15827260.html
جان سانى — قوعامدىق ءوندىرىس پەن تۇرمىستىڭ نەگىزگى تۇلعاسى، سونىمەن بىرگە، ەكونوميكا مەن قوعام دامۋىنىڭ نەگىزى. قازىرگى تاڭدا، ەلىمىز ەكونوميكاسى دامۋ تاسىلىنە وزگەرىس ەنگىزۋ، ەكونوميكا قۇرىلىمىن كەمەلدەندىرۋ، ارتۋ قوزعاۋشى كۇشىن اۋىستىرۋ سىندى قامال الۋ مەزگىلىندە تۇر. جان سانىنا دەر كەزىندە جالپى بەتتىك ساناق جۇرگىزىپ، ەلىمىزدىڭ جان سانىنىڭ مولشەرى، قۇرىلىمى، تارالۋى قاتارلى ەڭ جاڭا جاعدايلاردى جان – جاقتىلى يەلەۋ ارقىلى قاجەتسىنۋ قۇرىلىمى، قالا – اۋىل قۇرىلىمى، وڭىرلىك قۇرىلىم، كاسىپ سالاسى قۇرىلىمى قاتارلى جاقتارداعى جاعدايلاردى اناعۇرلىم دۇرىس مەڭگەرىپ، جاڭا دامۋ اۋقىمىن جەدەل قالىپتاستىرىپ، ەكونوميكانىڭ جوعارى ساپالى دامۋىنا اناعۇرلىم قۋاتتى قولداۋ كورسەتۋگە بولادى.
