ءتىلشىنىڭ ورتالىقتىڭ شارلاپ تەكسەرۋ كەڭسەسىنەن ۇعىسۋىنشا، 10 - ايدىڭ 14 - كۇنىنە دەيىن پارتيا 19 - كەزەكتى ورتالىق كوميتەتىنىڭ 6 - رەتكى شارلاپ تەكسەرۋى بويىنشا 15 شارلاۋ گرۋپپاسىنىڭ 32 جەرگىلىكتى ورىن مەن مەكەمە - ورىنعا بارىپ جايعاسۋ قىزمەتى اياقتالعان، پارتيا 19 - كەزەكتى ورتالىق كوميتەتىنىڭ 6 - رەتكى شارلاۋ قىزمەتى جاپپاي ورىستەتىلگەن.
پارتيا ورتالىق كوميتەتىنىڭ بەكىتۋىمەن پارتيا 19 - كەزەكتى ورتالىق كوميتەتىنىڭ 6 - كەزەكتى شارلاۋىندا بەيجيڭ قالاسى، تيانجين قالاسى، ىشكى موڭعۇل اۆتونوميالى رايونى، جيلين ولكەسى، شاڭحاي قالاسى، جىجياڭ ولكەسى، انحۇي ولكەسى، جياڭشي ولكەسى، حۋبەي ولكەسى، گۋاڭشي جۋاڭزۋ اۆتونوميالى رايونى، چۇڭچيڭ قالاسى، يۇننان ولكەسى، شيزاڭ اۆتونوميالى رايونى، شانشي ولكەسى، گانسۋ ولكەسى، چيڭحاي ولكەسى، شينجياڭ ۇيعۇر اۆتونوميالى رايونى، شينجياڭ ءوندىرىس - قۇرىلىس بيڭتۋانى، مەملەكەتتىك حالىق قۇرىلتايى تۇراقتى كوميتەتى ورگانى، مەملەكەتتىك ساياسي كەڭەس ورگانى، قوعام حاۋىپسىزدىگى مينيسترلىگى، قازىنا مينيسترلىگى، سۋ ىستەرى مينيسترلىگى، اۋىل شارۋاشىلىعى، اۋىل - قىستاق مينيسترلىگى، مەملەكەتتىك دەنساۋلىق ساقتاۋ، سالاماتتىق كوميتەتى، قازىنالىق باقىلاۋ مەكەمەسى، مەملەكەتتىك ەمدەلۋدى قامتاماسىزداندىرۋ مەكەمەسى، مەملەكەتتىك كوشپەندىلەردى باسقارۋ مەكەمەسى، مەملەكەتتىك جۇڭگوشا ءدارى - دارمەك باسقارۋ مەكەمەسى، جۇڭگو اۋىل شارۋاشىلىق عىلىم اكادەمياسى، جۇڭگو حالىقارالىق ساۋدانى جەبەۋ كوميتەتى، جۇڭگو حالىقارالىق ساۋدانى ىلگەرىلەتۋ كوميتەتى، جۇڭگو مۇگەدەكتەر بىرلەستىگى كوميتەتى سىندى 32 جەرگىلىكتى ورىننىڭ، مەكەمە - ورىننىڭ پارتيا ۇيىمدارىنا داعدىلى شارلاۋ جۇرگىزىلەدى. «جۇڭگو كوممۋنيستىك پارتياسىنىڭ شارلاۋ قىزمەتى ەرەجەسىندەگى» بەلگىلەمەگە ساي 6 - رەتكى شارلاۋ قىزمەتىنە ساياتىن چاڭچۇن، حاڭجوۋ، نيڭبو، ۋحان، شي - ان سىندى تەتە ولكە دارەجەلى 5 قالانىڭ پارتكومدارى مەن حالىق قۇرىلتايى تۇراقتى كوميتەتتەرىنىڭ، ۇكىمەتتەرىنىڭ، ساياسي كەڭەس پارتگرۋپپالارىنىڭ نەگىزگى جاۋاپتىلارى شارلاۋ كولەمىنە بىرگە ەنگىزىلدى.
