جاڭ ۋ – فىڭ
بيىل 10 – ايدىڭ 16 – كۇنى — 40 – كەزەكتى «دۇنيە جۇزىلىك استىق كۇنى»، ب م ۇ استىق جانە ديقاندار ۇيىمى بەلگىلەگەن قيمىل تاقىرىبى — «بىرگە جەتىلۋ، بىرگە كوركەيۋ، بىرگە جالعاستىرۋ. ارەكەت بولاشاقتى جاراتادى». «مەملەكەتتىك استىق حاۋىپسىزدىگىن ۇگىتتەۋ اپتالىعى» قيمىلى «دۇنيە جۇزىلىك استىق كۇنى» وتكىزىلەتىن اپتادا ىشكەرىلەي ورىستەتىلەدى، بيىلعى نەگىزگى تاقىرىبى — «جۇڭگولىقتاردىڭ ازىق - تۇلىگىن شىنايى قامتاماسىزداندىرىپ، دۇنيە جۇزىلىك استىق حاۋىپسىزدىگىن بىرگە ورناتايىق». دۇنيە جۇزىلىك سيپاتتاعى ءىرى تاقىرىپ بولعان استىق حاۋىپسىزدىگى — دۇنيە ءجۇزىنىڭ بەيبىتشىلىگى مەن دامۋىنىڭ ماڭىزدى كەپىلى، ادامزاتتىڭ تاعدىرلاس ورتاق تۇلعاسىن قۇرۋدىڭ ماڭىزدى نەگىزى. ەلىمىز جونىنەن ايتقاندا، ءبىر ميلليارد 400 ميلليون ادامنىڭ تاماقتانۋ ماسەلەسى ەڭ ءىرى مەملەكەت جاعدايى ەسەپتەلەدى، تاماقتانۋ ماسەلەسىن شەشىم ەتۋ — ەل باسقارۋداعى ەڭ باستى ءىرى ءىس.
پارتيا 18 – قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى استىق حاۋىپسىزدىگىن ەل باسقارۋداعى ەڭ باستى ءىرى ءىس رەتىندە قاراپ، ازىق – تۇلىك حاۋىپسىزدىگى جونىندە «ازىق – تۇلىكپەن نەگىزىنەن ءوزىن – ءوزى قامداۋعا، ازىق – تۇلىك جاعىنداعى ابسوليۋتتى حاۋىپسىزدىككە كەپىلدىك ەتۋ» سىندى جاڭا كوزقاراستى ورتاعا قويىپ، «ءوزىمىزدى نەگىز ەتۋ، ەل ىشىن تياناق ەتىپ، ءوندىرىس قۋاتىنا كەپىلدىك ەتۋ، ۇيلەسىمدى مولشەردە يمپورت ەتۋ، عىلىم – تەحنيكانى تىرەك ەتۋ» سىندى مەملەكەتتىڭ استىق حاۋىپسىزدىگى ستراتەگياسىن تۇراقتاندىرىپ، استىق حاۋىپسىزدىگى جاعىنداعى نازاريادا جاڭالىق جاراتۋ، تۇزىمدە جاڭالىق جاراتۋ جانە ءامالياتتا جاڭالىق جاراتۋدى ىلگەرىلەتىپ، جۇڭگوشا استىق حاۋىپسىزدىگى جولىمەن ءجۇردى. جۇڭگو دۇنيە جۇزىندەگى ەگىستىك جەردىڭ جالپى مولشەرىنىڭ %9 ىنەن، تۇشتى سۋ بايلىق قاينارىنىڭ %6 ىنەن پايدالانا وتىرىپ استىق ءوندىرىپ، دۇنيە ءجۇزى جان سانىنىڭ %20 كە جۋىعىنىڭ ازىق – تۇلىك ماسەلەسىن شەشىپ، «تويا تاماقتانا الماۋدان» «تويا تاماقتانۋعا»، ونان سوڭ، «جاقسى تاماقتانۋعا» وتكەن تاريحي بۇرىلىستى ىسكە اسىردى.
بۇل عالامات جەتىستىك، دۇنيە ءجۇزى جونىنەن ايتقاندا، ۇلى ۇلەس. توساتتان تۋىلعان جاڭا تيپتى ايدارشا ۆيروس وكپە قابىنۋ ىندەتىنە ءدوپ كەلگەن ساتتە، ءار دارەجەلى، قاتىستى تاراۋلار مەن كاسىپورىندار بۇيرىقتى ەستي سالا ارەكەتكە كىرىسىپ، جاۋاپكەرشىلىكتەرىن باتىلدىقپەن اتقاردى، ىندەتتەن ساقتانۋ – تىزگىندەۋ مەن ەكونوميكا – قوعام دامۋىن ءبىرتۇتاس جوسپارلاۋ سىندى جاعدايدا، ەلىمىز قوعامى باستان – اياق ورنىقتىلىقتى ساقتادى، ازىق – تۇلىك پەن نەگىزگى اۋىل شارۋاشىلىعى قوسىمشا ونىمدەرىمەن قامداۋدىڭ ورنىقتى بولۋىنىڭ ۇلەسى زور بولدى. ءاماليات: پارتيا ورتالىق كوميتەتى مەن مەملەكەتتىك كەڭەستىڭ مەملەكەتتىڭ استىق حاۋىپسىزدىگى ستراتەگياسى سىندى شەشىمى مەن ورنالاستىرۋى بۇكىلدەي دۇرىس ەكەنىن، قامداۋعا كەپىلدىك ەتىپ، باعانى ورنىقتىرۋ جاعىنداعى بەكىتكەن ساياساتتىق شارالارى عىلىمي ءارى ءونىمدى بولعانىن دالەلدەدى.
http://kazakh.people.com.cn/158373/15826861.html
