1. اعىمداعى ورىن:
  2. باس بەت
  3. اعىم جاڭالىقتارى
  4. ەل ءىشى حابارالرى
  5. زاڭ - ەرەجە

حۋاڭ كۇنميڭ جاڭا تيپتى ايدارشا ۆيروس وكپە قابىنۋ ىندەتى جونىندەگى ارناۋلى تاقىرىپتىق كورمەسىنىڭ اشىلۋ سالتىنا قاتىناستى ءارى مىنانى باسا دارىپتەدى

ىندەتكە قارسى اتتانۋ ۇلى رۋحىن ساۋلەلەندىرىپ، ىنتىماقتاسا وتىرىپ، اتويلاي العا ۇمتىلاتىن كۇش – قۋاتتى قاۋلاتۋىمىز كەرەك

日期:2020年10月16日
来源:人民网
【字体:

10 – ايدىڭ 15 – كۇنى، «حالىقتى بارىنەن جوعارى قويۋ، ادام ءومىرىن بارىنەن جوعارى قويۋ» اتىنداعى جاڭا تيپتى ايدارشا ۆيروس وكپە قابىنۋ ىندەتىنە قارسى اتتانۋ جونىندەگى ارناۋلى تاقىرىپتىق كورمەسىنىڭ اشىلۋ سالتى حۋبەي ولكەسى ۋحان قالاسىندا وتكىزىلدى. ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت ۇگىت ءبولىمىنىڭ باستىعى حۋاڭ كۇنميڭ اشىلۋ سالتىنا قاتىناستى ءارى ءسوز سويلەدى.

حۋاڭ كۇنميڭ مىنانى اتاپ كورسەتتى: شي جينپيڭ جولداستى ۇيتقى ەتكەن پارتيا ورتالىق كوميتەتى بۇكىل ەل حالقىن ىنتىماقتاستىرىپ جانە ولارعا جەتەكشىلىك ەتىپ، ىندەتكە قارسى اتتانۋدىڭ سۇراپىل شايقاسىن جۇرگىزىپ، جاپالى دا تاڭعاجايىپ تاريحي ءىرى سىناقتان ءوتتى، بۇل جۇڭگو كوممۋنيستىك پارتياسىنىڭ باسشىلىعى مەن جۇڭگوشا سوتسياليستىك ءتۇزىمنىڭ كورنەكتى باسىمدىلىعىن تولىق ايگىلەدى، حالىق ىستەردىڭ ءساتتى – ءساتسىز بولۋىن بەلگىلەيتىن ءتۇبىرلى كۇش ەكەنىن تولىق ءتۇسىندىردى، جۇڭگو رۋحىنىڭ قۋاتتى ۇيىستىرعىش كۇشكە جانە ۇندەگىشتىك كۇشكە يە ەكەنىن تولىق تانىتتى. ارناۋلى تاقىرىپتىق كورمە ىندەتكە قارسى اتتانۋ كۇرەسىنىڭ ۇلى ءامالياتىن قايتا ەسكە ءتۇسىرىپ، ىندەتكە قارسى اتتانۋ ۇلى رۋحىن ساۋلەلەندىرىپ، ىنتىماقتاسا وتىرىپ، اتويلاپ العا ۇمتىلاتىن كۇش - قۋاتتى قاۋلاتۋىمىزدا ەرەكشە ءارى ماڭىزدى ءمان الادى.

حۋاڭ كۇنميڭ مىنانى باسا دارىپتەدى: قازىر ىندەتتەن ساقتانۋ جانە ونى تىزگىندەۋ مەن ەكونوميكا جانە قوعام دامۋىن ءبىرتۇتاس جوسپارلاۋ مىندەتى ءالى دە ماشاقاتتى. وسى رەتكى كورمەنى وراي ەتىپ، جۇڭگونىڭ ىندەتكە قارسى اتتانۋ حيكاياسىن، حۋبەيدىڭ ىندەتكە قارسى اتتانۋ حيكاياسىن جان – جاقتىلى ويداعىداي بايانداپ، سوتسياليستىك وزەكتى قۇن كوزقاراسىن جەتىلدىرۋ جانە ونى ءامالياتتا ايگىلەۋ، «ءتورت تانىمدى» اناعۇرلىم كۇشەيتىپ، «ءتورت سەنىمدىلىكتە» تاباندى بولىپ، «ەكىنى قورعاۋدى» ويداعىداي ورىنداۋ، ىندەتكە قارسى اتتانۋ ۇلى رۋحىن جاپپاي دوڭگەلەك داۋلەتتى قوعام قۇرۋدىڭ شەشۋشى جەڭىسىنە قول جەتكىزۋدەگى، كەدەيلىكتەن ارىلتۋدان قامال الۋدىڭ شەشۋشى شايقاسىنىڭ جەڭىسىنە قول جەتكىزۋدەگى ۇلى كۇشكە اينالدىرۋىمىز قاجەت.

ارناۋلى تاقىرىپتىق كورمەگە ورتالىق كوميتەت ۇگىت ءبولىمى جەتەكشىلىك ەتكەن، حۋبەي ولكەلىك پارتكوم مەن ولكەلىك ۇكىمەت ۇيىمداستىرعان، جيىنى 6 بولىككە بولىنگەن، كورمەدە 1100 دەن استام سۋرەت، 1000 دانادان استام ناقتى بۇيىم، 45 كەسكىن قويىلعان، 33 ورىنعا كولەمدى تاقىرىپتىق كورىنىس ورنالاستىرىلعان. كورمەنىڭ اشىلۋ سالتىنا ورتالىق كوميتەتتىڭ ۇگىت ءبولىمى، مەملەكەتتىك دامۋ – رەفورما كوميتەتى، مەملەكەتتىك دەنساۋلىق ساقتاۋ – سالاماتتىق كوميتەتى، ورتالىق اسكەري ىستەر كوميتەتىنىڭ ارتقى شەپ قامسىزداندىرۋ ءبولىمى قاتارلى ورىندارداعى جاۋاپتى جولداستار، «حالىق باتىرى» مەملەكەتتىك داڭقتى اتاعىنىڭ يەگەرلەرى، حۋبەي ولكەسىندەگى ءارقايسى سالالاردىڭ ۋاكىلدەرى بولىپ، جيىنى 800 دەن استام ادام قاتىناستى.

http://kazakh.people.com.cn/155419/15826855.html