1. اعىمداعى ورىن:
  2. باس بەت
  3. اعىم جاڭالىقتارى
  4. ەل ءىشى حابارالرى
  5. زاڭ - ەرەجە

رەفورما جاساپ، ەسىك اشۋدى اناعۇرلىم بيىك ورەدە ىلگەرىلەتەيىك

— باس شۋجي شي جينپيڭنىڭ شىنجىن ەكونوميكالىق ەرەكشە رايونى قۇرىلعاندىعىنىڭ 40 جىلدىعىن قۇتتىقتاۋ ماجىلىسىندە سويلەگەن ماڭىزدى ءسوزى قىزۋ اڭىس قوزعادى

日期:2020年10月16日
来源:人民网
【字体:

10 – ايدىڭ 14 – كۇنى، باس شۋجي شي جينپيڭ شىنجىن ەكونوميكالىق ەرەكشە رايونى قۇرىلعاندىعىنىڭ 40 جىلدىعىن قۇتتىقتاۋ ماجىلىسىندە ماڭىزدى ءسوز سويلەپ، قالىڭ كادرلار مەن جۇرتشىلىق اراسىندا كۇشتى اڭىس قوزعادى. جۇرتشىلىق جابال مىنانى ءبىلدىردى: باس شۋجي شي جينپيڭ شىنجىن قاتارلى ەكونوميكالىق ەرەكشە رايونداردىڭ شۇعىلالى ناتيجە جاراتقانىنا جوعارى باعا بەرىپ، ەكونوميكالىق ەرەكشە رايوننىڭ 40 جىلدان بەرگى رەفورما جاساپ، ەسىك اشۋ، جاڭالىق جاراتا دامۋ جاقتارىندا جيناقتاعان قىمباتتى تاجىريبەلەرىن تەرەڭ قورىتىندىلادى، جاڭا داۋىردە ەكونوميكالىق ەرەكشە رايوننىڭ رەفورما جاساپ، ەسىك اشۋدى اناعۇرلىم جوعارى ورەدە العا ىلگەرىلەتۋى جونىندە كەلەلى ستراتەگيالىق ورنالاستىرۋ جاسادى. پارتيا ورتالىق كوميتەتىنىڭ شەشىمدەرى مەن ورنالاستىرۋلارىن بۇلجىتپاستان دايەكتى تياناقتاندىرىپ، تاۋەكەلگە بەل بۋۋ، باتىلدىقپەن سىناقتان وتكىزۋ، باسقالاردان بۇرىن ارەكەتتەنۋ، قاجىرلىلىقپەن جۇمىس ىستەۋ سىندى ەرەكشە رايون رۋحىن ۇزدىكسىز ساۋلەلەندىرىپ، اناعۇرلىم مول «كوكتەم حيكايالارىن» قۇلشىنا جازۋ كەرەك.

ءارقايسى ەكونوميكالىق ەرەكشە رايوندار جۇڭگوشا سوتسياليزم ۇلى ءۇردىسى بارىسىندا ەرلىكپەن العا تارتۋ، ءورىس اشا العا ىلگەرىلەۋدىڭ شۇعىلالى پاراقتارىن جازدى

باس شۋجي شي جينپيڭ مىنانى اتاپ كورسەتتى: «ەكونوميكالىق ەرەكشە رايونداردى كوركەيتۋ — پارتيا مەن مەملەكەتتىڭ رەفورما جاساپ، ەسىك اشۋدى جانە سوتسياليستىك وسىزامانداندىرۋ قۇرىلىسىن ىلگەرىلەتۋدەگى ۇلى باستاماسى»، «ۇزاق ۋاقىتتان بەرى، پارتيا ورتالىق كوميتەتىنىڭ پارمەندى باسشىلىعى مەن بۇكىل ەلىمىزدەگىلەردىڭ كۇش سالا قولدانۋىندا، ءارقايسى ەكونوميكالىق ەرەكشە رايوندار يدەيانى ازات ەتىپ، رەفورما جاساپ، جاڭالىق جاراتىپ، بورىشتى باتىلدىقپەن ارقالاپ، ۇدەرە العا تارتىپ، جۇڭگوشا سوتسياليزم قۇرۋ ۇلى ءۇردىسى بارىسىندا ەرلىكپەن العا تارتۋ، ءورىس اشا العا ىلگەرىلەۋدىڭ شۇعىلالى پاراقتارىن جازىپ، بۇكىل ەلىمىزدىڭ رەفورما جاساپ، ەسىك اشۋ جانە سوتسياليستىك وسىزامانداندىرۋ قۇرىلىسى جاعىندا كەلەلى ۇلەس قوستى.

«باس شۋجي شي جينپيڭنىڭ ءسوزى، ەرەكشە رايون كادرلارى مەن جۇرتشىلىعىن ايرىقشا ىقىلاسقا بولەپ، بارىنشا جىگەرلەندىردى»، — شىنجىن يانتيان رايوندىق پارتكوم شۋجيى چىن چيڭ مىنانى ءبىلدىردى: شىنجىن — رەفورما جاساپ، ەسىك اشقان سوڭ، پارتيا مەن حالىق ءوز قولىمەن قۇرىپ شىققان جاڭا قالا، جۇڭگوشا سوتسياليزمنىڭ اق قاعاز بەتىندەگى تارتىمدى تۋىندىسى ىسپەتتى. يانتيان رايونى كەمەجايعا بايلانىستى سالىنعان، شىنجىننىڭ ۇشقان قۇستاي دامۋىنىڭ ىقشام كورىنىسى، — «ءبىز يانتياننىڭ حالىقارالىق تەڭىز تاسىمالى تۇيىنىندىك ورنىن ۇزدىكسىز بەكەمدەپ، اناعۇرلىم جوعارى ورەدەگى اشىق تيپتەگى ەكونوميكانى الدىمەن كوركەيتەمىز».

«باس شۋجيدىڭ ماڭىزدى ءسوزى، ءبىزدىڭ جاڭا داۋىردە رەفورما جاساپ، ەسىك اشۋدى ىلگەرىلەتۋىمىزگە، قايتادان ساپارعا اتتانۋىمىزعا ايقىن باعدار نۇسقادى»، — دەدى جۋحاي قالالىق پارتكومنىڭ ورىنباسار باس حاتشىسى، قالالىق پارتكوم رەفورما كەڭسەسىنىڭ ۇنەمىلىك ىستەرگە جاۋاپتى ورىنباسار مەڭگەرۋشىسى گى شياۋيۇي، جۋحاي الدا رەفورما جۇيەسىنىڭ شوعىرلى، سايكەسىمدى، ءونىمدى بولۋىن ىلگەرىلەتىپ، جاڭا داۋىردە رەفورمانى جاپپاي تەرەڭدەتۋدە الدىمەن ناتيجە كورسەتىپ، الدىڭعى قاتاردا جۇرەتىن بولادى.

http://kazakh.people.com.cn/158373/15826853.html