جۇڭحۋا حالىق رەسپۋبليكاسىنىڭ سىرتقى ىستەر مينيسترلىگى، مەملەكەتتىك كوشپەندىلەردى باسقارۋ مەكەمەسى 9 - ايدىڭ 23 - كۇنى 3 ءتۇرلى كۇشكە يە قونىستانۋ رۇقساتىن العان شەتەلدىكتەردىڭ شەكارادان كىرۋىنە رۇقسات ەتۋ جونىندەگى حابارلاندىرۋدى جاريالادى. حابارلاندىرۋدىڭ تولىق مازمۇنى تومەندەگىدەي:
جۇڭحۋا حالىق رەسپۋبليكاسى سىرتقى ىستەر مينيسترلىگىنىڭ، مەملەكەتتىك كوشپەندىلەردى باسقارۋ مەكەمەسىنىڭ ءۇش ءتۇرلى كۇشكە يە قونىستانۋ رۇقساتى بار شەتەلدىكتەردىڭ شەكارادان كىرۋىنە رۇقسات ەتۋ جونىندەگى حابارلاندىرۋى
قازىرگى جاڭا تيپتى ايدارشا ۆيرۋس وكپە قابىنۋ ىندەتىنىڭ جاعدايىنا جانە ودان ساقتانۋ قاجەتىنە نەگىزدەلىپ، 2020 – جىلى 3 – ايدىڭ 26 – كۇنى سىرتقى ىستەر مينيسترلىگى، مەملەكەتتىك كوشپەندىلەردى باسقارۋ مەكەمەسى بىرگە جاريالاعان «كۇشكە يە جۇڭگو ۆيزاسى، قونىستانۋ رۇقساتى بار شەتەلدىكتەردىڭ شەكارادان كىرۋىن ۋاقىتشا توقتاتۋ جونىندەگى حابارلاندىرۋداعى» ءبىر ءبولىم شارالارعا تومەندەگىدەي رەتتەۋ جۇرگىزدىك:
2020 – جىلى 9 - ايدىڭ 28 - كۇنى ساعات نولدەن باستاپ، جۇڭگونىڭ قىزمەت تۇرىندەگى، جەكە ىستەر تۇرىندەگى جانە توپتىق تۇردەگى قونىستانۋ رۇقساتى بار شەتەلدىكتەردىڭ شەكارادان كىرۋىنە رۇقسات ەتىلەدى، قاتىستى ادامداردىڭ ۆيزا اشتىرۋىنىڭ قاجەتى جوق. مىسالى، شەتەلدىكتەردىڭ جوعارىدا ايتىلعان ءۇش ءتۇرلى قونىستانۋ رۇقساتىنىڭ 2020 – جىلى 3 - ايدىڭ 28 - كۇنى ساعات نولدەن كەيىن ۋاقىتى وتپەك بولسا، رۇقسات كۋالىگى يەلەرىنىڭ جۇڭگوعا كەلۋ سەبەبى وزگەرمەگەن جاعدايدا ۋاقىتى وتكەن قونىستانۋ رۇقسات قاعازىن جانە قاتىستى ماتەريالدارىن الىپ جۇڭگونىڭ شەتەلدەردە تۇراتىن ەلشىحاناسىنان، كونسۋلحاناسىنان سايكەستى ۆيزا الىپ شەكارادان كىرۋدى ءوتىنىش ەتۋىنە بولادى. جوعارىدا ايتىلعان ادامدار جۇڭگونىڭ ىندەتتەن ساقتانۋدى باسقارۋ بەلگىلەمەسىنە قاتاڭ بويسۇنۋى كەرەك.
http://kazakh.people.com.cn/155419/15825171.html