مەملەكەتتىك كەڭەس كەڭسەسى بىرنەشە كۇننىڭ الدىندا «مەديتسينالىق وقۋ - اعارتۋدى جاڭالىق جاراتۋ نەگىزىندە دامىتۋدى جەدەلدەتۋ جونىندەگى جەتەكشى پىكىردى» باسىپ تاراتىپ، 4 جاقتاعى 17 تارماقتى رەفورما شاراسىن ورتاعا قويدى.
ءبىرىنشى، مەديتسينا دارىندىلارىن جەتىلدىرۋ قۇرىلىمىن جاپپاي ساپالىلاندىرۋ. مەديتسينالىق كاسىپتىك ماعلۇماتتىق ءبىلىم بەرۋ دەڭگەيى جوعارىلاتىلادى. مەديتسينالىق پاندەر قۇرىلىسى كۇشەيتىلىپ، ناركوز، ينفەكسيالانۋ، سالماقتى اۋرۋ، بالالار اۋرۋى سياقتى تاپشى كاسىپتىك پاندەر قۇرىلىسى مەن دارىندىلاردى جەتىلدىرۋ ىلگەرىلەتىلەدى. جالپىلىق مەديتسينا دارىندىلارىن تاربيەلەۋ تەبىنى ارتتىرىلىپ، تاپسىرىس بويىنشا شيپاگەرلىك وقۋشىلارىن باعىتتامالى اقىسىز تاربيەلەۋ كولەمى بىرتىندەپ كەڭەيتىلىپ، ساقتانۋ مەن ەمدەۋ ۇشتاستىرىلعان جالپىلىق مەديتسينا دارىندىلارى جەدەل جەتىلدىرىلەدى، بارلىق مەديتسينالىق وقۋشىلارعا باعىتتالعان جالپىلىق مەديتسينالىق تاربيە كۇشەيتىلىپ، جالپىلىق شيپاگەرلەردىڭ ەڭبەكاقى ءتۇزىمى رەفورماسىن جەدەل ىلگەرىلەتىلەدى.
ەكىنشى، مەكتەپتەردىڭ مەديتسينا دارىندىلارىن تاربيەلەۋ ساپاسى كۇش سالا جوعارىلاتىلادى. وقۋشى قاينارىنىڭ ساپاسى جوعارىلاتىلىپ، ورتالىقتاعى تاراۋلارعا قاراستى جوعارى مەكتەپتەردىڭ تولىق كۋرس مەديتسينا كاسىبىنە وقۋشى قابىلداۋ كولەمى كەڭەيتىلەدى. شيپاگەرلىك وقۋ - اعارتۋ ساپاسىن باعالاۋ، كۋالاندىرۋ ءتۇزىمى ورناتىلادى جانە كەمەلدەندىرىلەدى، شيپاگەرلىك كاسىبىن تولىق قامتىعان مەديتسينالىق وقۋ - اعارتۋدى كۋالاندىرۋ جۇيەسى قۇرىلىپ، جۇڭگوشا ەرەكشەلىككە يە، حالىقارالىق ءمانى دارەجەلەس مەكتەپتەردىڭ مەديتسينالىق وقۋ - اعارتۋ كاسىبىن كۋالاندىرۋ ءتۇزىمى ورناتىلادى. ەمدەۋ، ءدارى - دارمەك نەگىزدىك زەرتتەۋ، جاڭالىق اشۋ بازاسىن قۇرۋ جەدەلدەتىلىپ، «مەديتسينا + X» ۇلگىسىندەگى كوپ ءپاندى توعىستىرۋ تەكشەسى مەن مەحانيزمى ورناتىلادى.
ءۇشىنشى، بالنيتسا شيپاگەرلەرىن تاربيەلەۋ جانە مەديتسينالىق وقۋ - اعارتۋ رەفورماسى تەرەڭدەتىلەدى. بالنيتسا شيپاگەرلەرىن جۇيەلى تاربيەلەۋ ءتۇزىمى اقاۋسىزداندىرىلىپ، بالنيتسالاردىڭ تاپشى جالپىلىق كاسىپتىك شيپاگەرلەرىن تاربيەلەۋ تەبىنى ارتتىرىلىپ، ساقتانۋ - ەمدەۋ تيبىندەگى ءبىر توپ الەۋمەتتىك دەنساۋلىق ساقتاۋ دارىندىلارى جەدەل جەتىلدىرىلەدى. بالنيتسا شيپاگەرلەرىنىڭ لايىقتى مامىلەسى قامتاماسىزداندىرىلادى.
ءتورتىنشى، قامتاماسىزداندىرۋ شارالارى كەمەلدەندىرىلەدى. مەملەكەتتىڭ كەلەلى ستراتەگيالىق ينجەنەرياسى اتقارىلىپ، مەديتسينالىق وقۋ - اعارتۋعا قوسىلىمدى قامتاماسىزداندىرۋ كۇشەيتىلىپ، ورتالىقتىڭ قارجىسىنان مەديتسينا مەكتەپتەرىن قولداۋ تەبىنى ارتتىرىلادى.
http://kazakh.people.com.cn/155419/15825164.html
