شي جينپيڭ بۇكىل ەلدەگى قالىڭ شارۋالاردىڭ جانە اۋىل شارۋاشىلىعى، اۋىل - قىستاق، شارۋالار شەبىندە قىزمەت ىستەپ جاتقان جولداستاردىڭ مەرەكەسىن قۇتتىقتادى جانە ولاردان شىنايى حال سۇرادى

3 - رەتكى ”جۇڭگو شارۋالار مول ءونىم مەرەكەسى“ قارساڭىندا

　　شي جينپيڭ بۇكىل ەلدەگى قالىڭ شارۋالاردىڭ جانە اۋىل شارۋاشىلىعى، اۋىل - قىستاق، شارۋالار شەبىندە قىزمەت ىستەپ جاتقان جولداستاردىڭ مەرەكەسىن قۇتتىقتادى جانە ولاردان شىنايى حال سۇرادى

　　بۇكىل قوعامدا اۋىل شارۋاشىلىعىنا ءمان بەرەتىن، اۋىل - قىستاققا كوڭىل بولەتىن، شارۋالارعا قامقورلىق جاسايتىن قويۋ راي قالىپتاستىرىپ، اۋىلداستاردىڭ تۇرمىسىن بارعان سايىن جاقسارتۋدى باسا دارىپتەدى

　　3 - رەتكى ”جۇڭگو شارۋالار مول ءونىم مەرەكەسى“ قارساڭىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ پارتيا ورتالىق كوميتەتى اتىنان بۇكىل ەلدەگى قالىڭ شارۋالاردىڭ جانە اۋىل شارۋاشىلىعى، اۋىل - قىستاق، شارۋالار شەبىندە قىزمەت ىستەپ جاتقان جولداستاردىڭ مەرەكەسىن قۇتتىقتادى جانە ولاردان شىنايى حال سۇرادى.

　　شي جينپيڭ بىلاي دەپ اتاپ كورسەتتى: قازىر كۇزگى استىقتان ءونىم الاتىن مەزگىل، وتانىمىزدىڭ بايتاق دالاسىنىڭ بار الابى مول ءونىم بەينەسىنە شومدى. بيىلعى مول ءونىم وڭاي - وسپاق قولعا كەلگەن جوق، توسىن تۋىلعان جاڭا تيپتى ايدارشا ۆيرۋس وكپە قابىنۋ ىندەتى، چاڭجياڭ الابىنداعى اۋىر تاسقىن اپاتى، شىعىس سولتۇستىك وڭىردەگى جازعى قۋاڭشىلىق، ارت - ارتىنان سوققان تايفىڭ داۋىلىنىڭ سوققىسى استىق پەن اۋىل شارۋاشىلىق وندىرىسىنە سىن - سايىس اكەلدى. بۇكىل ەلدەگى قالىڭ شارۋالار مەن نەگىزگى ساتى كادرلارى ىندەتكە قارسى اتتانۋ ۇلى رۋحىن ساۋلەلەندىرىپ، ىندەتتەن ساقتانۋ - تىزگىندەۋ بارىسىندا كوكتەمگى ەگىسكە كەپىلدىك ەتىپ، ەگىس ۋاقىتىن زايا جىبەرمەي ءوندىرىستى يگەرىپ، اپاتقا قارسى تۇرىپ، مول ءونىم الۋعا تاباندى بولىپ، ەكونوميكالىق، قوعامدىق كەلەلى جاعدايدىڭ ورنىقتىلىعىن ساقتاۋدى پارمەندى تىرەكپەن قامتاماسىز ەتتى.

　　شي جينپيڭ بىلاي دەپ باسا دارىپتەدى: ءار دارەجەلى پارتكوم مەن ۇكىمەت پارتيا ورتالىق كوميتەتىنىڭ اۋىل شارۋاشىلىعى، اۋىل - قىستاق، شارۋالار قىزمەتى جونىندەگى كەلەلى باعىت - ساياساتتارىن جانە قىزمەت ورنالاستىرۋلارىن شىنايى ويداعىداي تياناقتاندىرىپ، بۇكىل قوعامدا اۋىل شارۋاشىلىعىنا ءمان بەرەتىن، اۋىل - قىستاققا كوڭىل بولەتىن، شارۋالارعا قامقورلىق جاسايتىن قويۋ راي قالىپتاستىرىپ، اۋىلداستاردىڭ تۇرمىسىن بارعان سايىن جاقسارتۋ كەرەك. بۇكىل ەلدەگى قالىڭ شارۋالاردىڭ پارتيانىڭ توڭىرەگىنە تىعىز ىنتىماقتاسىپ، اۋىل - قىستاقتار جاپپاي گۇلدەنگەن كورىكتى ەرتەڭ ءۇشىن، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن قۇلشىنا كۇرەس جۇرگىزۋىن ءۇمىت ەتەمىن!