1. اعىمداعى ورىن:
  2. باس بەت
  3. اعىم جاڭالىقتارى
  4. ەل ءىشى حابارالرى
  5. زاڭ - ەرەجە

لي كىچياڭ شاڭحايدا قىزمەت تەكسەرگەندە مىنانى دارىپتەدى

رەفورما جاساپ، قاقپا اشۋدى ىلگەرىلەتىپ، جاڭالىق اشا دامۋدى جەبەپ، جۇمىستانۋدى اناعۇرلىم ورنىقتىرىپ، ەكونوميكانىڭ قالپىنا كەلۋ سيپاتتى ارتۋ نەگىزىن بەكەمدەۋ كەرەك

日期:2020年09月23日
来源:人民网
【字体:

  ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ ج ك پ ورتالىق كوميتەتى ساياسي بيۋروسىنىڭ مۇشەسى، شاڭحاي قالالىق پارتكومنىڭ شۋجيى لي چياڭ مەن قالا باستىعى گۇڭ جىڭنىڭ سەرىك بولۋىندا 9 – ايدىڭ 21 – كۇنىنەن 22 – كۇنىنە دەيىن شاڭحايدا قىزمەت تەكسەردى.

  گيمالاي سەرىكتىگىندە كاسىپورىن جاۋاپتىسى ينتەرنەتتى ارقاۋ ەتىپ سان ميلليونداعان جاسامپازدىق جاراتۋشىلاردىڭ جەلىدە جاڭالىق جاراتۋىنا سۇيەنىپ 600 ميلليوننان استام ادامعا دىبىس – بەينە تۋىندىلارىن قابىلداۋ جاعىندا قىزمەت وتەپ جاتقاندارىن تانىستىردى. لي كىچياڭ دىبىس – بەينە تۋىندىلارىنىڭ اۆتورلارىمەن پىكىر الماستىردى. ول بىلاي دەدى: وسىزامانعى كوپ ءتۇرلى دىبىس - بەينە ونىمدەرىن جاراتىپ، زور تۇتىنۋ بازارىن اشۋمەن بىرگە، قىرۋار ادامدى كاسىپتەندىرۋگە، سونىمەن بىرگە، حالىق بۇقاراسىنىڭ مۋزىكا جاعىنداعى قاجەتىن ويداعىداي قاناعاتتاندىرۋعا بولادى. تەكشەلەرىڭىزدى ءتىپتى دە جاقسى جاساپ، جاسامپازدىقپەن شۇعىلدانۋشىلاردىڭ جانە تىڭدارمانداردىڭ تۇرمىسىن بايىتۋعا كۇش سالۋلارىڭىزدى ءۇمىت ەتەمىن.

  لي كىچياڭ شاڭحاي ەركىن ساۋدا رايونىنا كەلىپ، پۋدۇڭنىڭ كوركەيتۋ، قاقپا اشۋ تابىستارى، ەركىن ساۋدا رايونى رەفورماسىن دامىتۋ جانە شاڭحايدا ۇكىمەت قۇرىلىمدارىن ىقشامداپ، ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى ۇشتاستىرۋ، قىزمەت وتەۋدى ساپالىلاندىرۋ رەفورماسىن تەرەڭدەتۋ، اكىمشىلىك قىزمەت وتەۋدى ساپالىلاندىرۋ جونىندەگى مالىمەتتى تىڭدادى. ول شاڭحايدىڭ شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدەن جازباي، رەفورما جاساۋ، قاقپا اشۋ جاعىندا ۇزدىكسىز الدىمەن اتقارىپ، الدىمەن سىناق ەتىپ، اناعۇرلىم جوعارى دەڭگەيدەگى ۇلگى ورناتۋىن ءۇمىت ەتتى. لي كىچياڭ ەركىن ساۋدا رايونىنداعى شەتەل كاپيتالىمەن قۇرىلعان كاسىپورىن − SAP جۇڭگو زەرتتەۋ مەكەمەسىندە تەكسەرۋ جۇرگىزدى، جۇڭگولىق، شەتەلدىك ينجەنەرلەرمەن اڭگىمەلەسىپ، جۇڭگونىڭ جاساۋ كاسىپورىندارىمەن سەلبەستىك جاساۋ جاعدايىن ۇعىستى. ول مىنالاردى دارىپتەدى: ونەركاسىپ تورى ارقىلى جاساۋ كاسىبىنە باعىتتالعان قىزمەت وتەۋدى زور كۇشپەن دامىتىپ، قاقپا اشۋ سەلبەستىگىن تەرەڭدەتىپ، جۇڭگونىڭ جاساۋ كاسىبىنىڭ ساپاسىن، دارەجەسىن جوعارىلاتۋدى جەبەپ، كاسىپ تىزبەگى مەن قامداۋ تىزبەگىن ورنىقتىرىپ جانە نىعايتىپ، دامۋدىڭ جاڭا قوزعاۋشى كۇشىن جەتىلدىرۋ كەرەك.

http://kazakh.people.com.cn/155419/15825042.html