ساياسيدى دارىپتەۋدە سىلدىر ءسوزدىڭ مايىن تامىزۋ ەمەس، بوسقا ۇرانداۋ ەمەس، قايتاساياسيدى پارتيا مەن مەملەكەتتىڭ ءتۇرلى قىزمەتتەرىندە تياناقتاندىرۋ كەرەك. جۋىردا، باس شۋجي شي جينپيڭ ورتالىق كوميتەتتىڭ قازىنا – ەكونوميكا كوميتەتىنىڭ سەگىزىنشى كەزەكتى ءماجىلىسىن باسقارىپ اشتى. ماجىلىستە مىنالار اتاپ كورسەتىلدى: «ەكىنى قورعاۋدى» ورىنداۋدىڭ شەشۋشى ءتۇيىنى، ونى ارەكەتتە ايگىلەۋ كەرەك، نەگىزگى ماقسات تانىمىن كۇشەيتۋ كەرەك، قىزمەت ناتيجەسى جونىندە دۇرىس تانىم ورناتىپ، ساياسيدى دارىپتەۋ سىندى بيىك تۇرعىدا تۇرىپ، تياناقتاندىرۋدى مىقتى ۇستاۋ كەرەك. بۇل قالىڭ كادرلاردان ساياسيدى دارىپتەۋدى شارۋاشىلىق قۇرىپ، كاسىپ كوزىن اشۋداعى قوزعاۋشى كۇشكە اينالدىرۋدى، پارتيا ورتالىق كوميتەتىنىڭ ءتۇرلى شەشىمدەرى مەن ورنالاستىرۋلارىن ناقتى تياناقتاندىرۋدى تالاپ ەتەدى.
ساياسات قانشا جاقسى بولعانىمەن، تياناقتاندىرىلماسا ، قۇر سوزبەن تەڭ، شەشىم قانشا جاقسى بولعانىمەن، دايەكتىلەندىرىلمەسە ،ناقتى ناتيجەگە قول جەتكىزۋ مۇمكىن ەمەس. ءىس جۇزىندە، كەيبىر قىزمەتتەردىڭ تولىق تياناقتاندىرىلماۋىندا ءىشىنارا وبيەكتيۆ فاكتورلاردىڭ ىقپالى بولۋىن جوققا شىعارۋعا بولمايدى، الايدا، كوبىندە، سۋبيەكتيۆ تانىمنىڭ جەتكىلىكتى بولماۋى ءارى ساياسيدى دارىپتەۋ سىندى بيىك تۇرعىدا تۇرىپ، تياناقتاندىرۋدى مىقتى ۇستاماۋ باستى سەبەپ بولىپ تابىلادى. باسشى كادردىڭ ساياسيدى دارىپتەگەن –دارىپتەمەگەنىنە، ونىڭ «ەكىنى قورعاۋدى» ورىنداعان – ورىنداماعانىنا باعا بەرگەندە، تەك ماتەريالعا قاراۋعا بولمايدى، قايتا ساياسيدى دارىپتەۋدەي بيىك تۇرعىدا تۇرىپ، تياناقتاندىرۋدى مىقتى ۇستاعان – ۇستاماعانىنا، ىسكە شىنداپ كىرىسىپ، ازۋلىلارمەن ايقاسقان – ايقاسپاعانىنا، يگەرۋگە، باسقارۋعا باتىل بولعان – بولماعانىنا، قيىن ماسەلەلەردى شەشكەن – شەشپەگەنىنە، جاڭا جاعدايدى جاراتقان – جاراتپاعانىنا قاراۋ كەرەك. ءار دارەجەلى باسشى كادرلار جونىنەن ايتقاندا، پوزيتسيا ءبىلدىرۋ كەرەك، ونان دا ماڭىزدىسى ۇلگى بولا ءءبىلۋ كەرەك، قولباسشىلىق ەتۋ كەرەك، ونان دا ماڭىزدىسى جورىققا دا شىعۋ كەرەك، شىنايى يگەرىپ، ناقتى جۇمىس تىندىرۋ بارىسىندا نەگىزگى ماقسات تانىمىن ايگىلەۋ، قىزمەت ناتيجەسى جونىندەگى دۇرىس كوزقاراسىن شارۋاشىلىق قۇرىپ، كاسىپ كوزىن اشۋ بارىسىنا ءسىڭىرۋ، پارتيا ورتالىق كوميتەتىنىڭ شەشىمدەرى مەن ورنالاستىرۋلارىن شىنايى تياناقتاندىرىپ، شىنايى ونىمدىلىككە قول جەتكىزۋى كەرەك.
تياناقتاندىرۋدىڭ باستى ءتۇيىنى ناقتى ونىمدىلىكتە، ساياساتتى بەلگىلەگەن كەزدەگى نىسانانىڭ ورىندالعان – ورىندالماعانى شەشۋشى ءتۇيىن ەسەپتەلەدى. ساياسيدى دارىپتەۋدىڭ ءتۇيىنى جاۋاپكەرشىلىكتى ارقالاي بىلۋدە، پارتيا ورتالىق كوميتەتىنىڭ شەشىمدەرى مەن ورنالاستىرۋلارىن دايەكتى تياناقتاندىرۋدا، تەك نەنى ىستەگەنىنە عانا قاراپ قالماستان، قانداي ىستەردى ءساتتى ىستەگەنىنە دە قاراۋ كەرەك، ساياساتتى بەلگىلەگەن كەزدەگى نىسانانىڭ ورىندالعان – ورىندالماعانىنا قاراۋ كەرەك. مىسالى، جاڭا تيپتى ايدارشا ۆيروس وكپە قابىنۋ ىندەتىنەن ساقتانۋ جانە ونى تىزگىندەۋدى ۇدايىلاندىرعان جاعدايدا، ىندەتتەن ساقتانۋ – تىزگىندەۋ جانە ەكونوميكا مەن قوعام دامۋى قىزمەتىن ءبىرتۇتاس جوسپارلاپ ىلگەرىلەتۋدە، جەر – جەردىڭ تياناقتاندىرۋ ونىمدىلىگىن باعالاعاندا، ىندەتتەن ساقتانۋ – تىزگىندەۋ ونىمدىلىگىنە، جۇمىستى، ءوندىرىستى، بازاردى قالپىنا كەلتىرۋ جاعدايى قاتارلى ناقتى نىسانالارعا قاراۋ كەرەك.
http://kazakh.people.com.cn/158373/15825020.html
