حالىق گازەتى ”شۋانياننىڭ“ اۆتورلى ماقالاسىن جاريالايدى
داڭق قاھارمان جۇڭگو حالقىنا ءتان
9 - ايدىڭ 18 - كۇنى باسپادان شىعاتىن حالىق گازەتى ”شۋانياننىڭ“ «داڭق قاھارمان جۇڭگو حالقىنا ءتان» اتتى اۆتورلى ماقالاسىن جاريالايدى.
ماقالادا بىلاي دەلىنگەن: باس شۋجي شي جينپيڭ ىندەتكە قارسى اتتانۋ كۇرەسىنىڭ ۇلى امالياتى جۇڭگو حالقىنا ءتان قايىسپاس قايسار ەرىك - جىگەردىڭ العا باسۋ جولىنداعى بارلىق قيىندىقتاردى، بوگەتتەردى جەڭەتىن كۇش قاينارى ەكەندىگىن قايتالاي دالەلدەپ بەردى دەپ انىق اتاپ كورسەتتى. وسى ماڭىزدى بايىمداۋ حالىقتىڭ تاريحتى جاراتاتىن ۇلى كۇشىنە اۋەلگىدەي كامىل سەنىپ، ىندەتكە قارسى اتتانۋ كۇرەسىنىڭ كۇش قاينارىن، ءتۇيىنىن تەرەڭدەي ايگىلەدى.
ماقالادا بىلاي دەپ اتاپ كورسەتىلدى: توسىننان تۋىلعان ىندەت الدىندا پارتيامىز ”حالىقتىق شايقاستىڭ“ ۇلى تۋىن بيىك ۇستاپ، بۇكىل ەل حالقىن باستاپ جان تەبىرەنتەرلىك حالىقتىق شايقاستى، جالپى تۇلعالىق شايقاستى، توسقاۋىل شايقاستى جۇرگىزدى. ىندەتكە قارسى اتتانۋدىڭ الدىڭعى شەبىنەن ىندەتتەن ساقتانۋدىڭ ارتقى شەبىنە دەيىن، ەمدەۋ قىزمەتكەرلەرىنەن ءاربىر جاي ادامعا دەيىن 100 ميلليونداعان حالىق بىلەك بىرىكتىرە تىك تۇرىپ، قول ۇستاسا ىسكە كىرىسىپ، بۇلىنبەس، مىزعىماس اسقاق ۇلى قورعان تۇرعىزدى. حالىق ءۇشىن ومىرگە كەلىپ، حالىق ءۇشىن گۇلدەنگەن جۇڭگو كوممۋنيستىك پارتياسى ءبارى دە حالىق ءۇشىن، بارىندە حالىققا سۇيەنۋ كەرەك دەگەننەن جازباي، حاۋىپ - قاتەردەن تايسالماي، قۇربان بەرۋدەن قورىقپاي، قاسقايا قارسى اتويلاپ، ايتسا ايتقانداي جۇڭگو حالقىنىڭ جانە جۇڭحۋا ۇلتىنىڭ اۆانگارد قوسىنى بولدى.
ماقالادا بىلاي دەپ اتاپ كورسەتىلدى: تاسقىنعا قارسى اتتانۋدان، سارسقا قارسى اتتانۋدان، جەر سىلكىنىسىنە قارسى اتتانۋدان ىندەتكە قارسى اتتانۋعا دەيىن جۇڭگو حالقى ەشقاشان مويىعان ەمەس، ەشقاشان تايساقتاعان ەمەس. جۇڭگو قارقىنىنىڭ، جۇڭگو ونىمدىلىگىنىڭ، جۇڭگو بەكىمىنىڭ استارىندا اسقاق تا ايبىندى حالىقتىڭ كۇشى جاتىر. مۇنداي كۇش − ىنتىماق پەن ۇيىسۋدىڭ، ءتارتىپ پەن جاۋاپكەرشىلىكتىڭ، قايسارلىق پەن ۇمىتكەرلىكتىڭ، كۇرەس پەن جاسامپازدىقتىڭ كۇشى. جۇڭحۋا ۇلتى ىندەتكە قارسى اتتانۋدىڭ جاپالى دا ەرەن كۇرەسىندە لاۋلاعان ورتتە شىڭالىپ، قايسارلىقپەن شىڭدالىپ، ىندەتكە قارسى اتتانۋدا ءومىردى بارىنەن جوعارى قويۋ، بۇكىل ەل بويىنشا ءبىر نيەتپەن جۇمىلۋ، باسىن ءباي تىگۋ، عىلىمعا قۇرمەت ەتۋ، تاعدىرلاس بولۋ سىندى ۇلى رۋحتى سومداپ، تاعى ءبىر وشپەس ەسكەرتكىش ورناتتى.
ماقالادا بىلاي دەپ ۇندەلدى: تاۋلار اسقار بولسا دا، نيەتتەستەر جەڭەدى قيىندىقتى. ءبىز ءتىپتى دە سەنىمدى، ءتىپتى دە ىنتىماقتى، ءتىپتى دە ەكپىندەي ىلگەرىلەۋىمىز كەرەك. قاھارمان جۇڭگو حالقى ىندەتكە قارسى اتتانۋ كۇرەسىنىڭ ۇلى امالياتىندا داۋىرگە لايىق شەكسىز داڭقتى ىستەردى جارىققا شىعاردى! قاھارمان جۇڭگو حالقىنىڭ ايبىنى كۇشتى ۇلى كۇرەس بارىسىندا ۇلتتىڭ گۇلدەنۋىنىڭ جاڭا تاريحي ۇلى ءىسىن ورىندايتىندىعى داۋسىز!
