1. اعىمداعى ورىن:
  2. باس بەت
  3. اعىم جاڭالىقتارى
  4. ەل ءىشى حابارالرى
  5. زاڭ - ەرەجە

”ەكىدەن استە اۋىتقىماۋعا“ تاباندى بولىپ، حالىقتىق شارۋاشىلىق قايراتكەرلەرىن پارتيانىڭ توڭىرەگىنە ىنتىماقتاستىرىپ، حالىقتىق شارۋاشىلىقتىڭ اقاۋسىز دامۋىن ءتىپتى دە جاقسى ىلگەرىلەتۋ كەرەك

日期:2020年09月18日
来源:新疆日报
【字体:

شي جينپيڭ جاڭا داۋىردەگى حالىقتىق شارۋاشىلىقتىڭ بىرلىكساپ قىزمەتى جونىندە ماڭىزدى نۇسقاۋ بەرىپ، بىلاي دەپ باسا دارىپتەدى

”ەكىدەن استە اۋىتقىماۋعا“ تاباندى بولىپ، حالىقتىق شارۋاشىلىق قايراتكەرلەرىن پارتيانىڭ توڭىرەگىنە ىنتىماقتاستىرىپ، حالىقتىق شارۋاشىلىقتىڭ اقاۋسىز دامۋىن ءتىپتى دە جاقسى ىلگەرىلەتۋ كەرەك

ۋاڭ ياڭ مەملەكەتتىك حالىقتىق شارۋاشىلىقتىڭ بىرلىكساپ قىزمەتى ماجىلىسىنە قاتىناستى ءارى ءسوز سويلەدى

  جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ تاياۋدا جاڭا داۋىردەگى حالىقتىق شارۋاشىلىقتىڭ بىرلىكساپ قىزمەتىن جاقسى ىستەۋ جونىندە ماڭىزدى نۇسقاۋ بەرىپ بىلاي دەپ اتاپ كورسەتتى: رەفورما جاساعاننان، ەسىك اشقاننان، اسىرەسە، پارتيا 18 - قۇرىلتايىنان بەرى، حالىقتىق شارۋاشىلىقتىڭ بىرلىكساپ قىزمەتى ۇزدىكسىز كۇشەيىپ جانە كەمەلدەنىپ، پارتيا مەن مەملەكەتتىڭ وزەكتى قىزمەتىنە قىزمەت وتەۋدە ماڭىزدى رول اتقاردى. جالپىلىق مەنشىككە جاتپايتىن شارۋاشىلىق − سوتسياليستىك بازار شارۋاشىلىعىنىڭ ماڭىزدى قۇرامداس بولىگى، جالپىلىق مەنشىككە جاتپايتىن شارۋاشىلىقتىڭ اقاۋسىز دامۋىن جانە جالپىلىق مەنشىككە جاتپايتىن شارۋاشىلىق قايراتكەرلەرىنىڭ اقاۋسىز ءوسىپ - جەتىلۋىن جەبەۋ اسا كەلەلى ماڭىز الادى.

  شي جينپيڭ بىلاي دەپ باسا دارىپتەدى: ”ەكىدەن استە اۋىتقىماۋعا“ تاباندى بولىپ، حالىقتىق شارۋاشىلىق قايراتكەرلەرىن ويداعىداي ىنتىماقتاستىرۋدى، ويداعىداي جەتەكتەۋدى ماڭىزدى مىندەت ەتۋ كەرەك. ءار دارەجەلى پارتكومدار حالىقتىق شارۋاشىلىقتىڭ بىرلىكساپ قىزمەتىنە باسشىلىقتى كۇشەيتىپ، پارتيانىڭ باعىت - ساياساتىن جاپپاي دايەكتىلەندىرىپ، پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ دايەكتىلەندىرىلۋىن، تياناقتاندىرىلۋىن ويداعىداي يگەرۋ كەرەك. ءار دارەجەلى بىرلىكساپ قىزمەتى باسشىلىق گرۋپپالارى مەن پارتكومنىڭ بىرلىكساپ ءبولىمى باس بولىپ سايكەستىرۋ رولىن ساۋلەلەندىرۋى، ساۋدا - ونەركاسىپشىلەر بىرلەستىگى بۇقارالىق ۇيىمدىق رولىن ساۋلەلەندىرۋى، حالىقتىق شارۋاشىلىق قايراتكەرلەرىن پارتيانىڭ توڭىرەگىنە ىنتىماقتاستىرىپ، حالىقتىق شارۋاشىلىقتىڭ اقاۋسىز دامۋىن ءتىپتى دە جاقسى ىلگەرىلەتىپ، جاڭا داۋىردە جۇڭگوشا سوتسياليزم ىستەرىنە تاباندى بولۋ مەن ونى دامىتۋعا، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا قۇلشىنا كۇش قوسۋى كەرەك.

  مەملەكەتتىك حالىقتىق شارۋاشىلىقتىڭ بىرلىكساپ قىزمەتى ءماجىلىسى 9 - ايدىڭ 16 - كۇنى بەيجيڭدە اشىلدى. ماجىلىستە شي جينپيڭنىڭ ماڭىزدى نۇسقاۋى جەتكىزىلدى.

  جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت بىرلىكساپ قىزمەتى باسشىلىق گرۋپپاسىنىڭ باستىعى ۋاڭ ياڭ ماجىلىسكە قاتىناستى ءارى ءسوز سويلەدى. ول بىلاي دەپ باسا دارىپتەدى: باس شۋجي شي جينپيڭنىڭ ماڭىزدى نۇسقاۋىنىڭ رۋحىن مۇقيات ۇيرەنىپ، ۇعىنىپ، جاڭا داۋىردەگى حالىقتىق شارۋاشىلىقتىڭ بىرلىكساپ قىزمەتىن جاقسى ىستەۋدىڭ كەلەلى ءمانىن ساياسي تۇرعىدان تەرەڭ تانىپ، سەنىم ارتۋ، ىنتىماقتاسۋ، قىزمەت وتەۋ، جەتەكتەۋ، تاربيەلەۋ باعىتىنا تاباندى بولىپ، حالىقتىق شارۋاشىلىق قايراتكەرلەرىن ”ەكىدەن استە اۋىتقىماۋدى“ تولىق، دۇرىس ءتۇسىنىپ، ءتۇزىم سەنىمىن بەكەمدەۋگە جەتەكتەپ، ولاردى پارتيانىڭ توڭىرەگىنە اناعۇرلىم جاقسى ىنتىماقتاستىرىپ، ۇلتتىڭ گۇلدەنۋىن جۇزەگە اسىرۋعا زەيىن - زەردە، كۇش - قۋاتتى شوعىرلاندىرۋ كەرەك.

  ۋاڭ ياڭ بىلاي دەپ اتاپ كورسەتتى: حالىقتىق شارۋاشىلىقتىڭ بىرلىكساپ قىزمەتىنىڭ تۇيىندەرى كوپ، اۋماعى كەڭ، جەلىسى ۇزىن، ءار دارەجەلى بىرلىكساپ قىزمەتى باسشىلىق گرۋپپالارىنا مۇشە ورىندار پارتكومنىڭ باسشىلىعىندا ءوز مىندەتتەرىن ادا ەتۋى، كوپ بولىپ اقىل قوسۋى، كۇش سالۋى كەرەك. حالىقتىق شارۋاشىلىق قايراتكەرلەرىن وزدىگىنەن ۇيرەنۋدى، ءوزىن تاربيەلەۋدى، ءوز دەڭگەيىن ءوسىرۋدى كۇشەيتىپ، جەكە ادامنىڭ تابىسقا جەتۋى ءوزىنىڭ قۇلشىنىسىنان كەلەتىندىگىن، ونان دا ماڭىزدىسى، ۇلى ءداۋىردىڭ، ۇلى ءىستىڭ، ۇلى پارتيانىڭ ارقاسى ەكەندىگىن تەرەڭ تانۋعا، جۇڭگو كوممۋنيستىك پارتياسى مەن جۇڭگوشا سوتسياليزمدى ساياسي جاقتان شىنايى مويىنداۋدى، يدەيالىق جاقتان شىنايى مويىنداۋدى، سەزىمدىك جاقتان شىنايى مويىنداۋدى كۇشەيتۋگە جۇمىلدىرۋ كەرەك. حالىقتىق شارۋاشىلىق قايراتكەرلەرىن وتباسى - وتان سۇيىسپەنشىلىگىن ورناتىپ، كاسىپتەرى ارقىلى وتان ءۇمىتىن اقتاۋدى، شارۋاشىلىق ارقىلى مەملەكەتتى قۇدىرەتتەندىرۋدى ءوز مىندەتتەرى ساناپ، كاسىپورىنشىلار رۋحى مەن ۇستالىق رۋحتى اسقاقتاتىپ، ابىرويلى ىستەرگە جانە كەدەيلەردى دالمە - ءدال سۇيەمەلدەۋگە بەلسەنە ات سالىسىپ، وتاندى ءسۇيىپ، كاسىپتى قادىرلەۋدىڭ، زاڭعا بويسۇنىپ شارۋاشىلىق جۇرگىزۋدىڭ، يگىلىك جاراتىپ جاڭالىق اشۋدىڭ، قوعامنىڭ قارىمجىسىن قايتارۋدىڭ ۇلگىسى بولۋعا جەتەكتەۋ كەرەك. حالىقتىق شارۋاشىلىق ۋاكىل قايراتكەرلەرى قوسىنى قۇرىلىسىن ويداعىداي يگەرىپ، ساپانى ءوسىرۋدى، قۇرىلىمدى ساپالىلاندىرۋدى، رولدى ساۋلەلەندىرۋدى نىسانا ەتىپ، جالپىلىق باعالاۋ قىزمەتىن جاقسارتىپ، جاس بۋىندى تاربيەلەۋگە ءمان بەرۋ كەرەك. حالىقتىق كاسىپورىنداردىڭ دامۋ جاعدايى مەن تالاپ - تىلەگىن دەر كەزىندە يەلەپ، پارتيا ورتالىق كوميتەتىنىڭ حالىقتىق شارۋاشىلىقتىڭ دامۋىن قولداۋ ساياساتتىق شارالارىن ءبىر نيەتپەن سەلبەسە ناقتاپ تياناقتاندىرىپ، كاسىپورىنداردىڭ كوز الداعى قيىنشىلىقتاردى دۇرىس تانىپ جانە جەڭىپ، دامۋ سەنىمىن كۇشەيتۋىنە كومەكتەسۋ كەرەك. ەتەنە، كىرشىكسىز ۇكىمەت - ساۋدا قاتىناسىن ورناتۋ تالابىنا ساي، ۇكىمەت پەن كاسىپورىنداردىڭ تىلدەسۋ، كەڭەسۋ ءتۇزىمىن اقاۋسىزداندىرىپ، حالىقتىق كاسىپورىنداردىڭ ۇقىق - مۇددەسىن قورعاۋ مەحانيزمىن كەمەلدەندىرىپ، كادرلاردى ىرىقتىلىقپەن ىسكەرلىك كورسەتۋگە، الدىڭعى شەپتە تۇرىپ قىزمەت وتەۋگە شابىتتاندىرىپ، ”ەتەنەلىكتىڭ“ ۇيلەسىمدى بولۋىن، ”كىرشىكسىزدىكپەن“ ءىس تىندىرۋدى ىسكە اسىرۋ كەرەك. ساۋدا - ونەركاسىپشىلەر بىرلەستىگى مەن ساۋدا قوعامدارىنىڭ رولىن ويداعىداي ساۋلەلەندىرىپ، جۇڭگوشا ەرەكشەلىككە يە ساۋدا قوعامى ۇيىمدارىن بەلسەنە جەتىلدىرۋ جانە دامىتۋ كەرەك.

  جۇڭگو كوممۋنيستىك پارتياسى ورتالىق كوميتەتى شۋجيچۋىنىڭ شۋجيى، ورتالىق كوميتەت بىرلىكساپ ءبولىمىنىڭ باستىعى يوۋ چۋان ءماجىلىستى باسقاردى ءارى ءسوز سويلەدى. ول مىنانى ءبىلدىردى: ءار دارەجەلى بىرلىكساپ تاراۋلارى باس شۋجي شي جينپيڭنىڭ ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، دايەكتىلەندىرۋدى، تياناقتاندىرۋدى وسكەلەڭ جاۋاپكەرشىلىك سەزىممەن جانە بورىشتىلىق سەزىممەن ويداعىداي يگەرىپ، ساياسي دەڭگەيدى جوعارىلاتىپ، نازاردى ءتۇيىندى مىندەتتەرگە شوعىرلاندىرىپ، ءبىر تۇتاس جوسپارلاپ سايكەستىرۋدى كۇشەيتىپ، جاڭا داۋىردەگى حالىقتىق شارۋاشىلىقتىڭ بىرلىكساپ قىزمەتىنىڭ جاڭا جاعدايىن قۇلشىنا اشۋ كەرەك.

  ورتالىق ينتەرنەت ينفورماتسيا كەڭسەسىندەگى، مەملەكەتتىك دامۋ - رەفورما كوميتەتىندەگى، جىجياڭ ولكەلىك پارتكوم بىرلىكساپ بولىمىندەگى، گۋاڭدۇڭ ولكەلىك پارتكوم بىرلىكساپ بولىمىندەگى جاۋاپتى جولداستار، قاتىستى حالىقتىق كاسىپورىنشىلاردىڭ ۋاكىلدەرى پىكىر اۋىستىرىپ ءسوز سويلەدى.

  مەملەكەتتىك ساياسي كەڭەستىڭ ورىنباسار ءتوراعاسى، مەملەكەتتىك ساۋدا - ونەركاسىپشىلەر بىرلەستىگىنىڭ ءتوراعاسى گاۋ يۇنلۇڭ ماجىلىسكە قاتىناستى.

  ءماجىلىس تەلەۆيزور - تەلەفون ءماجىلىسى فورماسىندا اشىلدى. ورتالىق پەن مەملەكەت ورگاندارىنىڭ قاتىستى تاراۋلارىنداعى، قاتىستى حالىقتىق توپتارداعى جاۋاپتى جولداستار نەگىزگى ءماجىلىس الاڭىندا ماجىلىسكە قاتىناستى. ءارقايسى ولكە، اۆتونوميالى رايون، توتە قاراستى قالا جانە شينجياڭ ءوندىرىس - قۇرىلىس بيڭتۋانى پارتكومدارىنىڭ بىرلىكساپ بولىمىندەگى، ساۋدا - ونەركاسىپشىلەر بىرلەستىگىندەگى جاۋاپتى جولداستار بولىمشە ءماجىلىس الاڭدارىندا ماجىلىسكە قاتىناستى.