مەملەكەت ءتوراعاسى شي جينپيڭ بۇگىن يوسيحيدە سۋگاعا تەلەگرامما جولداپ، ونىڭ جاپونيانىڭ باس ءۋازىرى بولىپ سايلانعانىن قۇتتىقتادى.
شي جينپيڭ قۇتتىقتاۋ تەلەگرامماسىندا مىنالاردى اتاپ كورسەتتى: جۇڭگو مەن جاپونيا دوس كورشىلەر، ەكەۋى دە ازيا جانە دۇنيە جۇزىندەگى ماڭىزدى ەلدەر، ورنىقتى، دوستىق سەلبەستىك قاتىناسىن ۇزاق ۋاقىت دامىتۋ ەكى ەل حالىقتارىنىڭ ءتۇبىرلى مۇددەسىنە ۇيلەسەدى، ازيا مەن دۇنيە ءجۇزىنىڭ بەيبىتشىلىگىنە، ورنىقتىلىعىنا، گۇلدەنۋىنە دە ءتيىمدى. ەكى جاق جۇڭگو مەن جاپونيانىڭ ءتورت ساياسي قۇجاتىندا بەلگىلەنگەن ءتۇرلى پرينسيپتەر مەن ورتاق تانىم رۋحىنا بويسۇنىپ، جاڭا ءداۋىردىڭ تالابىنا سايكەس كەلەتىن قاتىناس ورناتۋدى بەلسەندىلىكپەن ىلگەرىلەتىپ، ەكى ەل مەن ەكى ەل حالىقتارىنا باقىت جاراتىپ، دۇنيە ءجۇزىنىڭ بەيبىتشىلىگىن قورعاۋ، ورتاق دامۋدى جەبەۋ جولىندا بەلسەندى ۇلەس قوسۋى كەرەك.
سول كۇنى مەملەكەتتىك كەڭەستىڭ زۇڭليى لي كىچياڭ تەلەگرامما جولداپ يوسيحيدە سۋگانىڭ جاپونيانىڭ باس ءۋازىرى بولىپ سايلانعانىن قۇتتىقتادى، جۇڭگونىڭ جاپونيامەن بىرگە ەكى ەلدىڭ ءار سالاداعى دوستىق اۋىس - كۇيىسى مەن ناقتى سەلبەستىگىن كۇشەيتىپ، ەكى ەل قاتىناسىنىڭ تىڭ دا اناعۇرلىم زور دامۋشىلىقتارعا قول جەتكىزۋىن بىرگە ىلگەرىلەتۋگە پەيىل ەكەنىن ءبىلدىردى.
http://kazakh.people.com.cn/155419/15824455.html
