شينحۋا
اگەنتتىگىنىڭ 2019 - جىلى 1 - ايدىڭ 1 - كۇنى بەيجيڭنەن بەرگەن حابارى. 2019 - جىلى
1 - ايدىڭ 1 - كۇنى مەملەكەت ءتوراعاسى شي جينپيڭ مەن ا ق ش - تىڭ زۇڭتۇڭى ترامپ
ءوزارا قۇتتىقتاۋ حات جولداپ، ەكى ەلدىڭ ديپلوماتيالىق قارىم - قاتىناس
ورناتقاندىعىنىڭ 40 جىلدىعىن قىزۋ قۇتتىقتادى.
شي جينپيڭ
قۇتتىقتاۋ حاتىندا بىلاي دەپ اتاپ كورسەتتى: جۇڭگو - ا ق ش ديپلوماتيالىق قارىم -
قاتىناس ورناتقان 40 جىلدان بەرى، ەكى ەل قارىم - قاتىناسى بوراندى - شاشىندى
باستان كەشىرىپ، تاريحي دامۋعا قول جەتكىزىپ ەكى ەل حالقىنا وراسان زور پايدا
جەتكىزدى ءارى دۇنيە ءجۇزىنىڭ بەيبىتشىلىگىنە، ورنىقتىلىعىنا، گۇلدەنىپ -
كوركەيۋىنە ماڭىزدى ۇلەس قوستى. تاريح سەلبەستىك − ەكى ەلدىڭ ەڭ تاماشا تالعامى
ەكەنىن تولىق دالەلدەدى.
شي جينپيڭ
مىنالاردى باسا دارىپتەدى: كەزەكتە جۇڭگو - ا ق ش قارىم - قاتىناسى ماڭىزدى كەزەڭدە
تۇر. مەن جۇڭگو - ا ق ش قارىم - قاتىناسىنىڭ دامۋىنا وسكەلەڭ ءمان بەرەمىن، زۇڭتۇڭ
مىرزامەن بىرگە ەكى ەل قارىم - قاتىناسىنىڭ دامۋ تاجىريبەلەرىن قورىتىندىلاپ،
ەكەۋىمىز كەلىسكەن ورتاق تانىمداردى تياناقتاندىرىپ، سايكەسۋدى، سەلبەسۋدى،
ورنىقتىلىقتى نەگىزگى اۋەن ەتكەن جۇڭگو - ا ق ش قارىم - قاتىناسىن بىرگە
ىلگەرىلەتىپ، ەكى ەل قارىم - قاتىناسىنىڭ دامۋى ارقىلى ەكى ەل حالقى مەن دۇنيە
جۇزىندەگى ءار ەل حالقىنا اناعۇرلىم يگىلىك جەتكىزۋگە مۇمكىندىك جاساۋدى قالايمىن.
ترامپ
قۇتتىقتاۋ حاتىندا بىلاي دەدى: 2019 - جىلى 1 - ايدىڭ 1 - كۇنى − امەريكا قۇراما
شتاتى مەن جۇڭحۋا حالىق رەسپۋبليكاسى ديپلوماتيالىق قارىم - قاتىناس
ورناتقاندىعىنىڭ 40 جىلدىعىن ەسكە ءتۇسىرۋ كۇنى. كوپ جىلدان بەرى ەكى ەل قارىم -
قاتىناسى وراسان زور دامۋعا قول جەتكىزدى. ا ق ش پەن جۇڭگونىڭ سەلبەستىگىن جانە
ورەلى قارىم - قاتىناسىن دامىتۋ مەنىڭ الدىمەن ويلاساتىن ءىسىم. ءبىزدىڭ مىزعىماس
دوستىعىمىز ەكى ەلدىڭ بولاشاقتاعى تالايلاعان جىلداردا ۇلى تابىستارعا قول
جەتكىزۋىنە تاماشا نەگىز قالادى.
كەلۋ قاينارى : شينجياڭ
گازەتى