شي جينپيڭ رەسەيدىڭ پرەزيدەنتى پۋتينگە حال سۇراۋ تەلەگرامماسىن جولدادى

شينحۋا اگەنتتىگى، 1 – ايدىڭ 2 - كۇنى، بەيجيڭ. مەملەكەت ءتوراعاسى شي جينپڭ 1 – ايدىڭ 2 – كۇنى رەسەيدىڭ ماگنيتوگورسكي قالاسىنداعى تۇرعىندار عيماراتىندا كومىر گازى قوپارىلىسى تۋىلىپ، اۋىر ءولىم – ءجىتىم بولۋىنا بايلانىستى رەسەيدىڭ پرەزيدەنتى پۋتينگە حال سۇراۋ تەلەگرامماسىن جولدادى.

شي جينپيڭ حال سۇراۋ تەلەگرامماسىندا بىلاي دەدى: ەلدەرىڭىزدىڭ ماگنيتوگورسكي قالاسىنداعى تۇرعىندار عيماراتىندا كومىر گازى قوپارىلىسى تۋىلىپ، اۋىر ءولىم – ءجىتىم جانە مال – مۇلىك شىعىنى بولعانى جونىندەگى توسىن حاباردى ەستىدىم. مەن جۇڭگو ۇكىمەتى جانە جۇڭگو حالقى اتىنان، سونداي – اق ءوز اتىمنان قازا بولعاندارعا قايعىلى ازا بىلدىرەمىن، جارالانعانداردان جانە قازا بولعانداردىڭ ءۇي ىشىندەگىلەردەن شىنايى حال سۇرايمىن.

وسى ساتتە قۇتقارۋ، كومەك بەرۋ قيمىلى ءالى دە جۇرگىزىلۋدە. مەن پرەزيدەنت مىرزانىڭ پارمەندى باسشىلىعىندا وسى شۇعىل جاعدايدىڭ، ءسوزسىز، ۇيلەسىمدى ءبىر جاقتى ەتىلەتىنىنە كامىل سەنەمىن.

سول كۇنى مەملەكەتتىڭ كەڭەستىڭ زۇڭليى لي كىچياڭ دا وسى بايلانىسپەن رەسەيدىڭ پرەمەر مينيسترى مەدۆەدەۆكە حال سۇراۋ تەلەگرامماسىن جولداپ، قازا بولعاندارعا قايعىلى ازا بىلدىرەتىنىن، قازا بولعانداردىڭ ءۇي ىشىندەگىلەردەن شىنايى حال سۇرايتىنىن ءبىلدىردى.

كەلۋ قاينارى: حالىق تورابى