تايۋاندىق باۋىرلاستارعا حات» جاريالانعاندىعىنىڭ 40 جىلدىعىن ەسكە ءتۇسىرۋ عىلمي تالقى ءماجىلىسى بەيجيڭدە وتكىزىلدى

حالىق گازەتى، 1 – ايدىڭ 3 – كۇنى (ءتىلشى: چىڭ لۇڭ) بۇعازدىڭ ەكى جاعالاۋى قارىم – قاتىناسىن زەرتتەۋ ورتالىعى ۇيىمداستىرعان «تايۋاندىق باۋىرلاستارعا حات» جاريالانعاندىعىنىڭ 40 جىلدىعىن ەسكە ءتۇسىرۋ عىلمي تالقى ءماجىلىسى 1 – ايدىڭ 3 – كۇنى بەيجيڭدە وتكىزىلدى.

ج ك پ ورتالىق كوميتەتى تايۋان قىزمەتى كەڭسەسى مەن مەملەكەتتىك كەڭەس تايۋان ىستەرى كەڭسەسىنىڭ مەڭگەرۋشىسى ليۋ جيە – ي تالقى ماجىلىسىندە مىنانى ءبىلدىردى: باس شۋجي شي جينپيڭ 1 – ايدىڭ 2 – كۇنى جاريالاعان «ۇلتتىڭ ۇلى گۇلدەنۋىن ىسكە اسىرۋ، وتاننىڭ بەيبىت جولمەن بىرلىككە كەلۋىن ىلگەرىلەتۋ ءۇشىن بىرگە كۇرەسەيىك» تاقىرىبىنداعى ماڭىزدى سوزىندە، ءبىزدىڭ جاڭا ءداۋىردى تياناق ەتە وتىرىپ، ۇلتتىڭ گۇلدەنۋى ۇردىسىندە وتاننىڭ بەيبىت جولمەن بىرلىككە كەلۋىن ىلگەرىلەتۋدەي كەلەلى ساياساتتىق دارىپتەمەمىزدى جان – جاقتىلى ءتۇسىندىردى، بۇل ءداۋىر بولگىش مانگە يە، جاڭا داۋىردەگى تايۋان قىزمەتىنە جول نۇسقايتىن پروگراممالىق سيپاتتاعى قۇجات ەسەپتەلەدى.

تايۋان قىزمەتىنە قاتىستى جاۋاپتىلار مەن مامان – وقىمىستىلار بولىپ، 100گە جۋىق ادام عىلمي تالقى ماجىلىسىنە قاتىناستى. ماجىلىستە 5 مامان ءسوز سويلەدى، ولار مىنانى ءبىلدىردى: باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنىپ جانە ۇعىنىپ، ماڭىزدى سوزدە ورتاعا قويىلعان كەلەلى ساياساتتىق دارىپتەمەلەردى توڭىرەكتەي وتىرىپ، ىشكەرىلەي زەرتتەۋ جۇرگىزىپ، ءتۇيىندى، قيىن ماسەلەلەردى كۇش سالا شەشىم ەتىپ، وتاندى بىرلىككە كەلتىرۋ ۇلى ءىسىن ورىنداۋ ءۇشىن تىڭ ۇلەستەر قوسۋىمىز كەرەك.

كەلۋ قاينارى: حالىق تورابى