حان جىڭ: ورمان، جايىلىم ىستەرىنىڭ ساپالى دامۋىن بار كۇشپەن ىلگەرىلەتۋ كەرەك

شينحۋا اگەنتتىگى، 1 – ايدىڭ 4 - كۇنى، بەيجيڭ. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى حان جىڭ 1 – ايدىڭ 4 – كۇنى مەملەكەتتىك ورمان، جايىلىم مەكەمەسىنە بارىپ تەكسەرىپ – زەرتتەۋ جۇرگىزدى ءارى اڭگىمە ءماجىلىسىن باسقارىپ اشتى، ماجىلىستە شي جينپيڭنىڭ جاڭا ءداۋىر جۇڭگوشا سوتسياليزم يدەياسى مەن پارتيا 19 – قۇرىلتايىنىڭ رۋحى مۇقيات دايەكتىلەندىرىلىپ، كەلەسى ساتىداعى ورمان، جايىلىم قىزمەتىنە زەرتتەۋ نەگىزىندە ورنالاستىرۋ جاسالدى. حان جىڭ رەفورما جاساپ، ەسىك اشۋدىڭ 40 جىلدىعى اتىنداعى ورمان، جايىلىم قۇرىلىسى تابىس كورمەسىن كوردى؛ كوپ مەديا كورسەتپەسىمەن ۇشتاستىرىپ، شىعىس سولتۇستىك جولبارىس – قابىلانى مەملەكەتتىك باقشاسىنىڭ ەكران ارقىلى جالعاسقان باقىلاۋ – ولشەۋ جۇيەسىنىڭ جاعدايىن ۇعىستى، كەسكىندى جالعاۋ ارقىلى ءبىرىنشى شەپتەگى قىزمەتكەرلەرمەن پىكىر الماستىردى؛ ءبىر ءبولىم تارماق سەرىكتىك، مەكەمەلەرگە، باسقارما، كەڭسەلەرگە بارىپ، كادر، جۇمىسشى – قىزمەتشىلەرمەن امانداسىپ، ورمان ءوسىرۋ، جاسىلداندىرۋ، ەكولوگيالىق الەۋمەتتىك ورماندى قورعاۋ – باسقارۋ، جايىلىم بايلىعىن قورعاۋ – باسقارۋ، ەكولوگيانى قالپىنا كەلتىرۋ، كوركەيتىپ – پايدالانۋدى باقىلاپ – باسقارۋ سياقتى قىزمەتتەردىڭ ورىستەتىلۋ جاعدايىنا تەكسەرىپ – زەرتتەۋ جۇرگىزدى.

ورمان، جايىلىم قىزمەتىندە قول جەتكىزىلگەن تابىستاردى تۇراقتاندىرعان سوڭ حان جىڭ بىلاي دەدى: مەملەكەتتىك ورمان – جايىلىم مەكەمەسىن ۇيىمداستىرىپ قۇرۋ ــ شي جينپيڭ جولداس ۇيىتقى بولعان پارتيا ورتالىق كوميتەتى شىعارعان كەلەلى شەشىم. قۇرىلىم رەفورماسىنان كەيىن ورمان – جايىلىم جۇيەسى جاڭا بەينە، تىڭ سەرپىلىس تانىتۋى، رەفورما جۇرگىزىپ، جاڭالىق جاراتۋدان جازباي، باتىلدىقپەن جاۋاپكەرلىك ارقالاپ، ورمان – جايىلىم ىستەرىنىڭ ساپالى دامۋىن بار كۇشپەن ىلگەرىلەتۋى كەرەك. جاراتىلىستىق قورعالاتىن وڭىرلەردى قۇرىلىستاندىرۋدى جانە باسقارۋدى كۇشەيتىپ، مەملەكەتتىك باقشا ءتۇزىلىسىن تۇيىندە سىناق ەتۋ قىزمەتىن جاقسى ىستەۋ، وبيەكتيۆ زاڭدىلىققا بويسۇنىپ، ماسەلەنى نىشان ەتۋدەن جازباي، ماسەلەنى ۇزدىكسىز بايقاۋ، شەشۋ بارىسىندا ءتۇزىلىس – مەحانيزمدى ورناتۋ، كەمەلدەندىرۋ كەرەك. امالياتتى شىعار ءتۇيىن ەتىپ، «ءۇش رايون، ءۇش لەنيانى» عىلميلىقپەن ايىرىپ، يكەمدى، باياندى بولۋعا كەپىلدىك ەتىپ، بەدەلدى نىعايتىپ، اتقارۋ قۋاتىن جوعارىلاتۋ كەرەك. بيولوگيالىق كوپ تۇرلىلىكتى قورعاۋعا ءمان بەرىپ، جەرگىلىكتى ورىننىڭ ەكولوگيانى قورعاۋ، قالپىنا كەلتىرۋ قىزمەتىنە جەتەكشىلىك ەتۋدى كۇشەيتىپ، عىلميلىقپەن ورمان ءوسىرىپ، ءشوپ ەگىپ، تابيعي ورماندى جالپى بەتتىك قورعاپ، جابايى حايۋاناتتاردى قورعاۋدى كۇشەيتۋ كەرەك. زاڭمەن باسقارۋ قۇرىلىسىن كۇشەيتىپ، ورمان، جايىلىم قىزمەتىندەگى زاڭمەن باسقارۋ ورەسىن جوعارىلاتىپ، ەكولوگيا بايلىعىن بۇلدىرەتىن زاڭعا قايشىءتۇرلى قىلمىستىق ارەكەتتەرگە زاڭ بويىنشا قاتاڭ سوققى بەرۋ كەرەك.

كەلۋ قاينارى: حالىق تورابى