«حالىق
گازەتى»، 1 – ايدىڭ 7 – كۇنى، بەيجيڭ (ءتىلشى لي شينپيڭ). ءتىلشىنىڭ 1 – ايدىڭ 7 –
كۇنى ادام كۇشى بايلىعى جانە قوعامدىق قامتاماسىزداندىرۋ مينيسترلىگىنەن ۇعىسۋىنشا،
ادام كۇشى بايلىعى جانە قوعامدىق قامتاماسىزداندىرۋ مينيسترلىگى بىرنەشە كۇننىڭ
الدىندا جۇڭگوشا اسپازدىق ءدام سايكەستىرۋشىلەرى، ورتالىق اۋا رەتتەگىش جۇيەسىنىڭ
اينالىس قىزمەتكەرلى قاتارلى مەملەكەتتىڭ 26 كاسىپتىك ونەر ولشەمىن جاريالاعان.
ولشەم جاريالانعان كۇننەن باستاپ مەملەكەتتىڭ بۇرىنعى سايكەستى كاسىپتىك ونەر
ولشەمى كۇشىن جويعان.
2017 – جىلى 9 – ايدا مەملەكەتتىك كەڭەستىڭ ماقۇل بولۋىمەن ادام
كۇشى بايلىعى جانە قوعامدىق قامتاماسىزداندىرۋ مينيسترلىگى «مەملەكەتتىڭ كاسىپتىك
تولىمدىلىق تىزىمدىگىن» جاريالادى. «مەملەكەتتىڭ كاسىپتىك تولىمدىلىق تىزىمدىگىن»
ارناعا ءتۇسىرىپ اتقارۋ ءۇشىن، ادام كۇشى بايلىعى جانە قوعامدىق قامتاماسىزداندىرۋ
مينيسترلىگى «مەملەكەتتىڭ كاسىپتىك ونەر ولشەمىن جاساۋ تەحنيكالىق ءتارتىبىن (2018
– جىلعى نۇسقاسى)» وزگەرىس ەنگىزىپ جاريالادى ءارى «مەملەكەتتىڭ كاسىپتىك
تولىمدىلىق تىزىمدىگىنە» ساياتىن كاسىپتەردەگى مەملەكەتتىڭ كاسىپتىك ونەر ولشەمىن
جاساۋ جانە وعان وزگەرىس ەنگىزۋ قىزمەتىن باستادى. قازىر جۇڭگوشا اسپازدىق ءدام
سايكەستىرۋشىلەرى قاتارلى مەملەكەتتىڭ 26 ءتۇرلى كاسىپتىك ونەر ولشەمىنەن تىس،
باسقا 25 ولشەمدە دە ءتۇردى بەلگىلەۋ، اشۋ، تۇراقتاندىرۋ قىزمەتى تامامدالدى، مۇنى
الدا ادام كۇشى بايلىعى جانە قوعامدىق قامتاماسىزداندىرۋ مينيسترلىگى الدا قاتىستى
تاراۋلارمەن بىرگە جاريالايتىن بولادى.
كەلۋ قاينارى: حالىق
تورابى
