«ىزدەنۋ» جۋرنالى باس شۋجي شي جينپيڭنىڭ «ادال، كىرشىكسىز، جاۋاپكەرلىك ارقالايتىن ساپالى كادرلار قوسىنىن قۇرۋعا قۇلشىنايىق» اتىنداعى ماڭىزدى ماقالاسىن جاريالايدى

شينحۋا اگەنتتىگى، 1 – ايدىڭ 15 - كۇنى، بەيجيڭ. 1 – ايدىڭ 16 – كۇنى باسپادان شىعاتىن «ىزدەنۋ» جۋرنالىنىڭ 2 – سانىندا ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ «ادال، كىرشىكسىز، جاۋاپكەرلىك ارقالايتىن ساپالى كادرلار قوسىنىن قۇرۋعا قۇلشىنايىق» اتىنداعى ماڭىزدى ماقالاسى جاريالانادى.

ماقالادا مىنالار دارىپتەلدى: تاريحي تاجىريبەلەردى قابىلداۋعا ءمان بەرۋ − پارتيامىزدىڭ تاماشا ءداستۇرى. جۇڭگو تاريحىنداعى ۇلىقتاردىڭ جۇمىس ستيلى جانە بيلەۋ ناتيجەسى تۋرالى ۇيرەنۋدىڭ ماقساتى ەلىمىز تاريحىنداعى ۇلىقتاردىڭ جۇمىس ستيلى جانە بيلەۋ ناتيجەسىنىڭ تابىسىن، ساتسىزدىگىن ءتۇسىنۋ، ساپالى كادرلار قوسىنىن قۇرۋعا ۇلگى – ونەگە كورسەتۋ. دۇرىس ساياسي لۋشيانعا دۇرىس ۇيىمدىق لۋشيان ارقىلى كەپىلدىك ەتۋ كەرەك. پارتيامىز حالىقتى ىنتىماقتاستىرىپ جانە باستاپ، «ەكى 100 جىلدىق» كۇرەس نىساناسىن ىسكە اسىرىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن ىسكە اسىرۋدا جاڭا داۋىردەگى پارتيانىڭ ۇيىمدىق لۋشيانىن جاپپاي دايەكتىلەندىرىپ، ءمورال – قابىلەت ولشەمىن قاتاڭ يگەرىپ، ادام ىستەتۋدە ءادىل بولۋدان جازباي، ادام ىستەتۋدەگى كوز اياسىن كەڭەيتىپ، كادرلاردىڭ بەلسەندىلىگىنە دەم بەرىپ، ادال، كىرشىكسىز، جاۋاپكەرلىك ارقالايتىن ساپالى كادرلار قوسىنىن قۇرۋعا قۇلشىنۋ كەرەك. ماقالادا مىنالار اتاپ كورسەتىلدى: ءمورال – قابىلەت ولشەمىن قاتاڭ يگەرۋ كەرەك. كادرلار ساياسي ءمورال، كاسىپتىك ءمورال، قوعامدىق جالپىلىق ءمورال، وتباسىلىق تاماشا ءمورال جاقتارىندا قاتاڭ سىننان ءوتۋى، بارىنەن ماڭىزدىسى، ساياسي ءمورالدا قاتاڭ سىننان ءوتۋى كەرەك. ادام ىستەتۋدە ءادىل بولۋدان جازباۋ كەرەك. ادام ىستەتۋدە ءادىل بولۋ − پارتيامىزدىڭ جالپى ءۇشىن پارتيا قۇرىپ، حالىق ءۇشىن بيلىك جۇرگىزۋىنىڭ ۇيىمدىق لۋشيانداعى بەينەلەنۋى، بۇل ءبىزدىڭ ادام تاڭداۋداعى، ادام ىستەتۋدەگى ءتۇبىرلى تالابىمىزعا اينالۋعا ءتيىس. ادامدى ءادىل ىستەتۋدەگى ادىلدىك كوپشىلدىكتە، ادىلدىك ىستە، ادىلدىك دۇرىس ستيلدە. ادام ىستەتۋدەگى كوز اياسىن كەڭەيتۋ كەرەك. كوز اياسىن كەڭەيتىپ، كادرلار قوسىنى مەن ءار جاقتاعى دارىندىلاردىڭ رولىن تولىق ساۋلەلەندىرۋ كەرەك. كادرلاردىڭ بەلسەندىلىگىنە دەم بەرىپ، ادام تاڭداۋدا، ادام ىستەتۋدە جاۋاپكەرلىكتى دارىپتەۋدىڭ، جاۋاپكەرلىككە ءمان بەرۋدىڭ ايقىن بەتالىسىن بەلگىلەپ، كادرلاردىڭ ءىس تىندىرىپ، ناتيجە شىعارۋداعى رۋح – جىگەرىنە دەم بەرۋ كەرەك.

كەلۋ قاينارى: حالىق تورابى