«حالىق
گازەتى»، 1 – ايدىڭ 15 - كۇنى، بەيجيڭ (ءتىلشى لۋ يانان). «2018 – جىلعى باجىنى
ازايتىپ، اقىنى تومەندەتۋ نەگىزىندە بيىل باجىنى ازايتىپ، اقىنى تومەندەتۋ ءتىپتى
دە كەڭ كولەمدە كورنەكتى جۇرگىزىلەدى». مەملەكەتتىك كەڭەس كەڭسەسى 1 – ايدىڭ 15 –
كۇنى وتكىزگەن ورتالىقتىڭ ەكونوميكالىق قىزمەت ءماجىلىسىنىڭ رۋحىن تياناقتاندىرۋ
جونىنەن اقپار جاريالاۋ ماجىلىسىندە قازىنا مينيسترىنىڭ كومەكشىسى شۇي حۇڭ ساي
وسىلاي دەدى.
جاڭا
كەزەكتەگى شارالار باستىسى 4 جاقتى قامتيدى. ءبىرىنشى، شاعىن كاسىپورىندارعا جاپپاي
جەڭىلدىك جاساۋ تۇرعىسىنان باجى كەمەيتىلەدى. بۇل ساياسات سىرتقا جاريالاندى.
ارتقان قۇن باجىسى بويىنشا شاعىن كولەمدە باجى تاپسىرۋشىلاردان باجى الۋ باستاما
ءتۇيىنى ايلىق ساتۋ سوماسى 30 مىڭ يۋان بولۋدان 100 مىڭ يۋان بولۋعا رەتتەلدى،
ياعني ايلىق ساتۋ سوماسى 100 مىڭ يۋاننان تومەندەردىڭ ەندىگارى ارتقان قۇن باجىسىن
تاپسىرۋىنىڭ قاجەتى جوق. شاعىن تيپتەگى پايداسى ماردىمسىز كاسىپورىندارعا
قاراتىلعان ولشەم بوساڭسىتىلادى ءارى تيىمدىلىك تەبىنى ارتتىرىلادى،
بوساڭسىتىلعاننان كەيىنگى شارت مىناداي: كاسىپورىننىڭ مال – مۇلىك جالپى سوماسى 50
ميلليون يۋاننان، كاسىپپەن شۇعىلدانعان ادام سانى 300 دەن، باجى تاپسىراتىن تابىس
سوماسى 3 ميلليون يۋاننان تومەن بولۋ. ەكىنشى، ارتقان قۇن باجىسى رەفورماسى
تەرەڭدەتىلىپ، باجىنىڭ ماندىك ازايتىلۋى ءۇرتىس ىلگەرىلەتىلەدى. ءۇشىنشى، وزگەرىس
ەنگىزىلگەننەن كەيىنگى جەكەلەر تابىس باجىسى زاڭى جانە ونى اتقارۋ ەرەجەسى جاپپاي
اتقارىلىپ، 6 تۇردەگى ارناۋلى قوسىمشانى شىعارىپ تاستاۋ ساياساتى ويداعىداي
تياناقتاندىرىلىپ، تۇرعىنداردىڭ باجى اۋىرتپالىعى جەڭىلدەتىلەدى. ءتورتىنشى،
قاتىستى تاراۋلارمەن سەلبەسۋ نەگىزىندە قوعامدىق قامسىزداندىرۋ اقى شاماسىن
تومەندەتۋ جالپىلىق جوباسى بەلسەندىلىكپەن زەرتتەپ جاسالىپ، كاسىپورىنداردىڭ
قوعامدىق قامسىزداندىرۋ اقىسىن تاپسىرۋ اۋىرتپالىعى اناعۇرلىم جەڭىلدەتىلەدى.
سونىمەن بىرگە، اقى الۋ اداقتالىپ، ارناعا ءتۇسىرىلىپ، الباتى اقى الۋدى تەكسەرىپ
ءبىر جاقتى ەتۋ تەبىنى ارتتىرىلادى.مەملەكەتتىك دامۋ جانە رەفورما كوميتەتىنىڭ
ورىنباسار مەڭگەرۋشىسى ليان ۋەيلياڭ بىلاي دەدى: بيىل قارجى قوسۋ سالاسىنداعى
ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى ۇشتاستىرۋ، ساپالى قىزمەت
وتەۋ رەفورماسى تەرەڭدەتىلىپ، نىسانداردى تەكسەرىپ بەكىتۋ ۋاقىتى بارىنشا
ازايتىلادى، 16 رايوندا تۇيىندە سىناق ەتۋ قىزمەتىن ورىستەتۋ نەگىزىندە بۇكىل ەل
كولەمىندە ينجەنەريا - قۇرىلىس نىساندارىن تەكسەرىپ بەكىتۋ ۋاقىتىن جارىمىنداي
ازايتۋ ىلگەرىلەتىلەدى. بازارعا كىرۋگە رۇقسات بەرۋدى اناعۇرلىم بوساڭسىتۋ ءۇشىن،
بيىل بۇكىل ەل كولەمىندە بازارعا كىرۋگە رۇقسات بەرۋدەگى كاسىپورىنداردىڭ شەكتەلگەن
سالالار تىزىمدىگى ءتۇزىمى جاپپاي اتقارىلادى. ءتۇيىن ەتىلگەن 22 قالا نەگىزىندە
بۇكىل ەلدىڭ ءىرى، ورتا قالالارىندا، مەملەكەت دارەجەلى جاڭا رايونداردا ساۋدا
ورتاسىن سىناق رەتىندە باعالاۋ جاپپاي ورىستەتىلەدى. نىسانداردى ىلگەرىلەتۋ جاعىندا
بيىل ءبىرىنشى توقساندا ورتالىقتىڭ باسىم كوپ ساندى مەجە ەسەبى ىشىندەگى قارجى قوسۋ
جوسپارىن تۇسىرۋگە قۇلشىنىس جاسالىپ، سالىنۋ ۇستىندەگى نىسانداردىڭ جەدەل اتقارىلۋى
ىلگەرىلەتىلىپ، جۇمىس باستالىپ، جوسپارعا ەنگىزىلگەن ءىرى نىساندار جەدەلدەتىلىپ،
اناعۇرلىم كوپ جۇمىستى ناقتى ءبىتىرۋ جاعدايى قالىپتاستىرىلادى.
كەلۋ قاينارى: حالىق
تورابى
