كەزەكتەگى ەكونوميكالىق جاعداي جانە سوڭعى جارتى جىلداعى ەكونوميكالىق قىزمەت جونىندە
جۇڭگو كوممۋنيستىك پارتياسى ورتالىق كوميتەتى پارتيا سىرتىنداعى قايراتكەرلەردىڭ اڭگىمە ءماجىلىسىن اشتى
شي جينپيڭ باسقاردى ءارى ماڭىزدى ءسوز سويلەدى
لي كىچياڭ قاتىستى جاعدايلاردى حابارلاندىردى، ۋاڭ ياڭ، ۋاڭ حۋنيڭ، حان جىڭ قاتىناستى
7 - ايدىڭ 28 - كۇنى جۇڭگو كوممۋنيستىك پارتياسى ورتالىق كوميتەتى جۇڭنانحايدا پارتيا سىرتىنداعى قايراتكەرلەردىڭ اڭگىمە ءماجىلىسىن اشىپ، كەزەكتەگى ەكونوميكالىق جاعداي جانە سوڭعى جارتى جىلداعى ەكونوميكالىق قىزمەت جونىندە دەموكراتيالىق پارتيا - توپتار ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ جاۋاپتىلارىنىڭ جانە پارتيادا، توپتا جوق قايراتكەرلەردىڭ ۋاكىلدەرىنىڭ پىكىرلەرى مەن ۇسىنىستارىن تىڭدادى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ اڭگىمە ءماجىلىستى باسقاردى ءارى ماڭىزدى ءسوز سويلەپ، بىلاي دەپ باسا دارىپتەدى: كەزەكتەگى ەكونوميكالىق جاعدايدى دۇرىس تانىپ، ىشكەرىلەي تەكسەرۋ - زەرتتەۋ جۇرگىزىپ، رەفورمانى جاپپاي تەرەڭدەتۋدى اناعۇرلىم زور سەرپىنمەن ىلگەرىلەتىپ، دامۋدا ءدوپ كەلگەن ءار ءتۇرلى قيىن ماسەلەلەردى بەلسەنە شەشىپ، ءار جاقتان كەلگەن حاۋىپ - قاتەر، سىن - سايىستاردى جانە وراسان زور قىسىمدى باسەڭدەتىپ، رەفورمانى، دامۋدى ىلگەرىلەتۋگە، ءتۇرلى حاۋىپ - قاتەر، سىن - سايىستاردى جەڭۋگە كەڭ كولەمدى ورتاق تانىم ۇيىستىرۋ، قۋاتتى كۇش توپتاۋ كەرەك. بىزدە سىن - سايىسقا توتەپ بەرەتىن مىعىم بەكىم، بۇلجىماس جىگەر، بەرىك مەملەكەت قۋاتى بار، ءتۇرلى حاۋىپ - قاتەردى، سىناقتى جەڭۋگە جەتكىلىكتى قايرات، قابىلەت، اقىل - پاراسات بار، جۇڭحۋا ۇلتىنىڭ ۇلى گۇلدەنۋدى جۇزەگە اسىرۋىنىڭ تاريحي اياق الىسىنا ەشقانداي مەملەكەت، ەشقانداي ادام بوگەت بولا المايدى.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەلەرى لي كىچياڭ، ۋاڭ ياڭ، ۋاڭ حۋنيڭ، حان جىڭ اڭگىمە ماجىلىسكە قاتىناستى. لي كىچياڭ الدىڭعى جارتى جىلداعى ەكونوميكالىق قىزمەتتىڭ قاتىستى جاعدايلارىن حابارلاندىردى، جۇڭگو كوممۋنيستىك پارتياسى ورتالىق كوميتەتىنىڭ سوڭعى جارتى جىلداعى ەكونوميكالىق قىزمەتتى جاقسى ىستەۋ جونىندەگى ويىن تانىستىردى.
اڭگىمە ماجىلىستە جۇڭگو گومينداڭ توڭكەرىستىك كوميتەتى ورتالىق كوميتەتىنىڭ ءتوراعاسى ۋان ىشياڭ، جۇڭگو دەموكراتيالىق وداعى ورتالىق كوميتەتىنىڭ ءتوراعاسى ديڭ جۇڭلي، جۇڭگو دەموكراتيالىق مەملەكەت قۇرۋ قوعامى ورتالىق كوميتەتىنىڭ ءتوراعاسى حاۋ ميڭجين، جۇڭگو دەموكراتيانى ىلگەرىلەتۋ قوعامى ورتالىق كوميتەتىنىڭ ءتوراعاسى ساي دافىڭ، جۇڭگو شارۋا - جۇمىسشى دەموكراتيالىق پارتياسى ورتالىق كوميتەتىنىڭ ءتوراعاسى چىن جۋ، جۇڭگو ادىلەت پارتياسى ورتالىق كوميتەتىنىڭ ءتوراعاسى ۋان گاڭ، ”3 - قىركۇيەك“ ءىلمي قوعامى ورتالىق كوميتەتىنىڭ ءتوراعاسى ۋ ۋيحۋا، تايۋان دەموكراتيالىق اۆتونوميا وداعى ورتالىق كوميتەتىنىڭ ءتوراعاسى سۋ حۇي، جۇڭحۋا مەملەكەتتىك ساۋدا - ونەركاسىپشىلەر بىرلەستىگىنىڭ ءتوراعاسى گاۋ يۇنلۇڭ، پارتيادا، توپتا جوق قايراتكەرلەردىڭ ۋاكىلى لي ۋي ىركەس - تىركەس ءسوز سويلەدى. ولار جۇڭگو كوممۋنيستىك پارتياسى ورتالىق كوميتەتىنىڭ كەزەكتەگى ەلىمىزدىڭ ەكونوميكالىق جاعدايى جونىندەگى تالداۋىن جانە سوڭعى جارتى جىلداعى ەكونوميكالىق قىزمەت جونىندەگى ويىن قۇپتادى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا ەلىمىزدىڭ ىندەتتەن ساقتانۋ - تىزگىندەۋدە جانە ەكونوميكانى قالپىنا كەلتىرۋدە قول جەتكىزگەن كورنەكتى ناتيجەلەرىن جوعارى باعالادى ءارى ەل ءىشى مەن حالىقارا سىندى قوس اينالىم ءبىرىن - ءبىرى جەبەيتىن جاڭا دامۋ ارناسىن قالىپتاستىرۋ، ماكرولىق رەتتەۋ - تىزگىندەۋدەگى ستراتەگيالىق تاباندىلىقتى ساقتاۋ، كورەگەندىك ساياسات قورىن ويداعىداي دايىنداۋ، ”التىنى ورنىقتىرۋ“ قىزمەتىن جاقسى ىستەۋ، ”التىنى قامتاماسىز ەتۋ“ مىندەتىن تياناقتاندىرۋ، كوپ ءتۇرلى شارانى قاتار قولدانىپ ەلىمىزدىڭ كاسىپ سالاسى تىزبەگى مەن قامداۋ تىزبەگىنىڭ حاۋىپسىزدىگىنە شىنايى كەپىلدىك ەتۋ، ىندەتتەن ساقتانۋ - تىزگىندەۋدىڭ ۇدايىلانۋىن ءبىر تۇتاس جوسپارلاپ ىلگەرىلەتۋ، دەنساۋلىق ساقتاۋ، سالاماتتىق ىستەرىنىڭ دامۋىنداعى عىلىم - تەحنيكالىق تىرەكتى كۇشەيتۋ، جۇمىستانۋ ورىندارىن اشۋ، استىق حاۋىپسىزدىگىندەگى ىرىقتىلىقتى مىقتاپ يگەرۋ، كاسىپورىنداردىڭ جاڭا ەكولوگياسىن قالىپتاستىرۋ، شاعىن، ۇساق كاسىپورىنداردىڭ دامۋىن ىلگەرىلەتۋ، قارجى قوسۋدى باسقارۋدى كۇشەيتۋ، قارجى قوسۋدىڭ ونىمدىلىگىن جوعارىلاتۋ، ”ءبىر بەلدەۋ، ءبىر جولدى“ بىرگە قۇرۋدى ورنىقتى ىلگەرىلەتۋ، تاماشا حالىقارالىق ورتا قالىپتاستىرۋ سياقتىلار جونىندە پىكىر جانە ۇسىنىس قويدى.
كوپشىلىكتىڭ ءسوزىن مۇقيات تىڭداعان سوڭ، شي جينپيڭ ماڭىزدى ءسوز سويلەدى. ول مىنالاردى ءبىلدىردى: الگىندە كوپشىلىك سوزدەرىندە الدىڭعى جارتى جىلدا ەكونوميكالىق قىزمەتتە قول جەتكەن ناتيجەلەردى تولىق تۇراقتاندىردى ءارى كەزەكتەگى ەكونوميكالىق جاعدايدى دۇرىس تانۋ، سوڭعى جارتى جىلداعى ەكونوميكالىق قىزمەتتى جاقسى ىستەۋ جونىندە باعىتتامالىلىعى اسا كۇشتى پىكىرلەردى ورتاعا قويدى. ءبىز مۇقيات زەرتتەپ، بەلسەنە قابىلدايمىز.
شي جينپيڭ بىلاي دەپ اتاپ كورسەتتى: بيىلعى جىل باستالىسىمەن ءبىز توسىن قاتاڭ سىناققا ءدوپ كەلدىك. بۇل جولعى جاڭا تيپتى ايدارشا ۆيرۋس وكپە قابىنۋ ىندەتى − جاڭا جۇڭگو قۇرىلعاننان بەرى ەلىمىز تاپ بولعان تارالۋ جىلدامدىعى ەڭ تەز، جۇعىمدالۋ كولەمى ەڭ كەڭ، ساقتانۋ - تىزگىندەۋدىڭ قيىندىعى ەڭ زور ءبىر رەتكى توسىن تۋىلعان اۋىر الەۋمەتتىك دەنساۋلىق ساقتاۋ وقيعاسى، ەلىمىزدىڭ ەكونوميكالىق، قوعامدىق دامۋىنا بۇرىن بولماعان سوققى بولىپ ءتيدى. وسى جولعى اۋىر كۇرەستە دەموكراتيالىق پارتيا - توپتار، ساۋدا - ونەركاسىپشىلەر بىرلەستىگى جانە پارتيادا، توپتا جوق قايراتكەرلەر جۇڭگو كوممۋنيستىك پارتياسى ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، تياناقتاندىرىپ، قالىڭ مۇشەلەردى ەمدەۋ، قۇتقارۋ - كومەكتەسۋ، عىلمي زەرتتەۋدەن قامال الۋ، جىلۋعا اقشا، زات اتاۋ، جۇمىستى، ءوندىرىستى قالپىنا كەلتىرۋ، ۇسىنىس قويىپ، اقىل - كەڭەس بەرۋ سياقتى قىزمەتتەرگە بەلسەنە ات سالىسۋعا جەتەكتەپ، ىندەتتەن ساقتانۋ - تىزگىندەۋ حالىقتىق شايقاسىنىڭ، جالپى تۇلعالىق شايقاسىنىڭ، توسقاۋىل شايقاسىنىڭ جەڭىسىنە قول جەتكىزۋگە ماڭىزدى ۇلەس قوستى. كوپشىلىك ەكونوميكالىق، قوعامدىق دامۋعا نازار اۋدارىپ، ”رەفورمانى، جاڭالىق اشۋدى بەلسەنە ىلگەرىلەتۋ، ەكونوميكالىق دامۋدىڭ جاڭا قوزعاۋشى قۋاتىن قاۋلاتۋ“، ”جونگە سالۋ يقۋاتىن جوعارىلاتۋ، حالىق تۇرمىسىن قامتاماسىز ەتۋ، جاقسارتۋ“ سياقتى جاقتاردى ارقاۋ ەتىپ، جەرگىلىكتى ورىندارعا تاپسىرۋ، ينفورماتسيالانعان ءتاسىلدى قولدانۋ سياقتى فورمالارمەن يكەمدىلىكپەن تەكسەرۋ - زەرتتەۋ ورىستەتىپ، جاعدايدى قانىق بىلۋگە، ماسەلەنى ءداپ باسىپ تابۋعا، شارالاردى ناقتاپ شىعارۋعا قۇلشىندى. اسىرەسە، ىندەتتىڭ كەدەيلىكتەن ارىلتۋدان قامال الۋعا قويعان ”ۇستەمە ەمتيحان سۇراۋى“ الدىندا، دەموكراتيالىق پارتيا - توپتارداعى نەگىزگى جاۋاپتى جولداستار كوپ ءتۇرلى ءتاسىل مەن ارنا ارقىلى نەگىزگى ماتەريالدى مەڭگەرىپ، ءبىرىنشى شەپتىڭ ءۇنىن تىڭداپ، كەدەيلىكتەن ارىلتۋدان قامال الۋدى دەموكراتيالىق باقىلاۋ ءىسىن مۇقيات ورىستەتىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋگە بەلسەندى ۇلەس قوستى.
شي جينپيڭ بىلاي دەپ باسا دارىپتەدى: قازىر ىندەتتەن ساقتانۋ - تىزگىندەۋ جاعدايى ورنىقتى، ەكونوميكالىق اينالىم نەگىزىنەن قالپىنا كەلدى، 3 -، 4 - توقساندا قولايلى ساتتە قيمىلداپ، ىندەتتەن ساقتانۋ - تىزگىندەۋ مەن ەكونوميكانىڭ قالپىنا كەلۋىنىڭ تابىستارىن بەكەمدەپ، كەڭەيتىپ، الدىڭعى جارتى جىلداعى زياننىڭ ورنىن تولتىرۋعا قۇلشىنۋ كەرەك. ورنىقتىلىق بارىسىندا ىلگەرىلەۋ قىزمەت جالپى ارناسىنان جازباي، جاڭا دامۋ ۇستانىمىنا تاباندى بولىپ، ىندەتتەن ساقتانۋ - تىزگىندەۋدى ۇدايىلاندىرۋ جانە ەكونوميكالىق، قوعامدىق دامۋ قىزمەتىن اناعۇرلىم ويداعىداي ءبىر تۇتاس جوسپارلاپ، قامداۋ جاعىنداعى قۇرىلىمدىق رەفورمانى نەگىزگى جەلى ەتۋگە تاباندى بولىپ، ىشكى سۇرانىستى كەڭەيتۋ سىندى ستراتەگيالىق نەگىزگى ءتۇيىندى مىقتاپ يگەرىپ، بازار تۇلعالارىنىڭ ومىرشەڭدىگىن زور كۇشپەن قورعاپ جانە قاۋلاتىپ، ”التىنى ورنىقتىرۋ“ قىزمەتىن تىڭعىلىقتى ويداعىداي ىستەپ، ”التىنى قامتاماسىز ەتۋ“ مىندەتىن جالپى بەتتىك تياناقتاندىرىپ، ماكرولىق ەكونوميكالىق ساياساتتىڭ تياناقتانىپ ءونىم بەرۋىنە شىنايى كەپىلدىك ەتىپ، كاسىپ تىزبەگىنىڭ، قامداۋ تىزبەگىنىڭ ورنىقتىلىعى مەن باسەكەلىك قۋاتىن جوعارىلاتىپ، رەفورما جاساۋ، ەسىك اشۋدى اناعۇرلىم زور سەرپىنمەن ىلگەرىلەتىپ، ەكونوميكانىڭ جوعارى ساپالى دامۋىن ىلگەرىلەتىپ، حالىق تۇرمىسىن قامتاماسىز ەتۋ جانە تاسقىننان ساقتانۋ، قۇتقارۋ قىزمەتىن جاقسى ىستەپ، قوعام ورنىقتىلىعى كەلەلى جاعدايىن قورعاپ، تۇتاس جىلداعى ەكونوميكالىق، قوعامدىق دامۋ نىسانالارى مەن مىندەتتەرىن قۇلشىنا ورىنداۋ كەرەك.
شي جينپيڭ دەموكراتيالىق پارتيا - توپتارعا، ساۋدا - ونەركاسىپشىلەر بىرلەستىگىنە جانە پارتيادا، توپتا جوق قايراتكەرلەرگە 3 ءتۇرلى ءۇمىت ارتتى. ءبىرىنشى، ەكونوميكالىق دامۋدا جولىققان قيىنشىلىقتار مەن سىن - سايىستارعا جان - جاقتى، ديالەكتيكالىق، دامۋ تۇرعىسىنان قاراپ، قالىڭ مۇشەلەردى سەنىم مەن بەكىمدى نىعايتىپ، ەكونوميكانىڭ باياندى، اقاۋسىز دامۋىنا تىڭ ۇلەس قوسۋعا جەتەكتەۋ كەرەك. ەكىنشى، نازاردى نىسانالار مەن مىندەتتەرگە شوعىرلاندىرىپ، جۇڭگو كوممۋنيستىك پارتياسى ورتالىق كوميتەتى نازار اۋدارعان ءتۇيىندى ماسەلەلەرگە، مەملەكەتتىڭ ەكونوميكالىق، قوعامدىق دامۋىنداعى شەشۋشى ماسەلەلەرگە شوعىرلاندىرىپ، ءوز ەرەكشەلىكتەرى مەن باسىمدىقتارىن ساۋلەلەندىرىپ، ءار دارەجەلى ۇيىمداردىڭ جانە ءار جاقتاعى دارىندىلاردىڭ بەلسەندىلىگى مەن جاسامپازدىعىن ساۋلەلەندىرىپ، ءار ءتۇرلى دارىندىلار بايلىعى مەن ماماندىق اقىل - پاراسات قويماسىن ءبىر تۇتاس جوسپارلاپ ويداعىداي پايدالانىپ، تاتىمدى، قۇندى پىكىرلەر مەن ۇسىنىستاردى العا قويىپ، جوعارى ساپالى دامۋدى ىلگەرىلەتۋگە كەڭەس بەرىپ، كۇش قوسۋ كەرەك. ءۇشىنشى، يدەيالىق جەتەكشىلىكتى كۇشەيتىپ، قالىڭ مۇشەلەردى رەفورمانى، دامۋدى تەرەڭدەتۋ بارىسىندا جارىققا شىققان قايشىلىقتار مەن ماسەلەلەردى دۇرىس تانىپ جانە وعان دۇرىس مامىلە جاساپ، ەل ءىشى - سىرتىنان كەلگەن ءتۇرلى حاۋىپ - قاتەر، سىن - سايىستاردى دۇرىس تانىپ جانە وعان دۇرىس مامىلە جاساپ، كۇدىك - كۇمانداردان ارىلتۋ، كوڭىل كۇيدى رەتتەۋ، قايشىلىقتاردى شەشۋ قىزمەتىن جاقسى ىستەۋ كەرەك.
ديڭ شۋەشياڭ، حۋ چۇنحۋا، يوۋ چۋان، ۋاڭ يۇڭ، شياۋ جيە، حى ليفىڭ، جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك كەڭەستىڭ قاتىستى تاراۋلارىنىڭ جاۋاپتىلارى اڭگىمە ماجىلىسكە قاتىناستى.
پارتيا سىرتىنداعى قايراتكەرلەردەن تاعى چىن شياۋگۋاڭ، جىڭ جيانباڭ، گۋ شىڭزۋ، ليۋ شينچىڭ، حى ۋي، شاۋ حۇڭ جانە جياڭ زوجۇن، لي يۋەفىڭ، حۋاڭ رۇڭ، ۋاڭ مەيشياڭ قاتارلىلار اڭگىمە ماجىلىسكە قاتىناستى.
