1. اعىمداعى ورىن:
  2. باس بەت
  3. اعىم جاڭالىقتارى
  4. ەل ءىشى حابارالرى
  5. زاڭ - ەرەجە

شي جينپيڭ ازيا نەگىزدىك قۇرىلعىلارعا قارجى قوسۋ بانكەسىنىڭ 5 - كەزەكتى القالار كەڭەسى جىلدىق ءماجىلىسى بەينە ەكران ءماجىلىسىنىڭ اشىلۋ سالتىندا ارناۋ ءسوز سويلەدى

日期:2020年07月30日
来源:新疆日报
【字体:

ازيا نەگىزدىك قۇرىلعىلارعا قارجى قوسۋ بانكەسىنىڭ مۇشەلەردىڭ بىرگە دامۋىن جەبەيتىن، ادامزاتتىڭ تاعدىرلاس ورتاق تۇلعاسىن ورناتۋدى ىلگەرىلەتەتىن جاڭا تۇعىرعا اينالۋ كەرەكتىگىن باسا دارىپتەدى

  7 - ايدىڭ 28 - كۇنى مەملەكەت ءتوراعاسى شي جينپيڭ ازيا نەگىزدىك قۇرىلعىلارعا قارجى قوسۋ بانكەسىنىڭ 5 - كەزەكتى القالار كەڭەسى جىلدىق ءماجىلىسى بەينە ەكران ءماجىلىسىنىڭ اشىلۋ سالتىندا ارناۋ ءسوز سويلەدى. 

  مەملەكەت ءتوراعاسى شي جينپيڭ 7 - ايدىڭ 28 - كۇنى ازيا نەگىزدىك قۇرىلعىلارعا قارجى قوسۋ بانكەسىنىڭ 5 - كەزەكتى القالار كەڭەسى جىلدىق ءماجىلىسى بەينە ەكران ءماجىلىسىنىڭ اشىلۋ سالتىندا ءسوز سويلەدى. شي جينپيڭ ءماجىلىستى قۇتتىقتاپ، ازيا نەگىزدىك قۇرىلعىلارعا قارجى قوسۋ بانكەسىنىڭ ۇزدىكسىز دامىعاندىعىنا، زورايعاندىعىنا بەلسەندى باعا بەرىپ، بىلاي دەپ اتاپ كورسەتتى: ازيا نەگىزدىك قۇرىلعىلارعا قارجى قوسۋ بانكەسى مۇشەلەردىڭ بىرگە دامۋىن جەبەيتىن، ادامزاتتىڭ تاعدىرلاس ورتاق تۇلعاسىن ورناتۋدى ىلگەرىلەتەتىن جاڭا تۇعىرعا اينالۋى ءتيىس. مۇشەلەر نازاردى بىرگە دامۋعا شوعىرلاندىرىپ، جۇرەكتىلىكپەن ءورىس اشىپ، جاڭالىق اشىپ، ەڭ تاڭداۋلى امالياتتى جارىققا شىعارىپ، اشىقتىققا، سيىسىمدىلىققا تاباندى بولىپ، ازيا نەگىزدىك قۇرىلعىلارعا قارجى قوسۋ بانكەسىن الەمنىڭ بىرگە دامۋىن ىلگەرىلەتەتىن جاڭا تيپتى كوپ جاقتى وركەندەۋ بانكەسى، داۋىرمەن بىرگە العا باساتىن جاڭا تيپتى دامۋ امالياتى تۇعىرى، جوعارى ولشەمدى جاڭا تيپتى حالىقارالىق سەلبەستىك قۇرىلىمى جانە حالىقارالىق كوپ جاقتى سەلبەستىكتىڭ جاڭا ۇلگىسى ەتىپ قالىپتاستىرۋ كەرەك. جۇڭگو قاشاندا كوپ جاقتىلىققا قولداۋ كورسەتەدى جانە ونى امالياتتا ايگىلەيدى، اشىق ۇستاۋ، سەلبەسۋ، تەڭ يگىلىككە كەنەلۋ رۋحىن ۇستانا وتىرىپ ءار قايسى مۇشەلەرمەن بىرگە ازيا نەگىزدىك قۇرىلعىلارعا قارجى قوسۋ بانكەسىنە قولداۋ كورسەتىپ جانە ونى ويداعىداي باسقارىپ، حالىقارالىق قوعامنىڭ حاۋىپ - قاتەرگە، سىن - سايىسقا توتەپ بەرۋى، بىرگە دامۋدى جۇزەگە اسىرۋى ءۇشىن اناعۇرلىم زور ۇلەس قوسادى.

  شي جينپيڭ سوزىندە بىلاي دەپ باسا دارىپتەدى: 2013 - جىلدىڭ سوڭىندا مەن جۇڭگو اتىنان، ازيا نەگىزدىك قۇرىلعىلارعا قارجى قوسۋ بانكەسىن قۇرىپ، ازيا وڭىرىندەگى نەگىزدىك قۇرىلعىلار قۇرىلىسىن جانە ۇلاستىرۋدى، تۇتاستىرۋدى ىلگەرىلەتىپ، وڭىرلىك سەلبەستىكتى تەرەڭدەتىپ، بىرگە دامۋ جونىندە ۇسىنىس قويعان بولاتىنمىن. جۇمىس باستاعان 4 جىلدان استام ۋاقىتتان بەرى، ازيا نەگىزدىك قۇرىلعىلارعا قارجى قوسۋ بانكەسى حالىقارالىق سيپاتقا، جۇيەلىلىككە، جوعارى ولشەمگە تاباندى بولىپ، تاماشا باستامانى جۇزەگە اسىرىپ، باستابىندا ىرگەسىن قالاعان 57 مۇشەدەن دامىپ بۇگىنگى تاڭدا 6 قۇرلىقتان كەلگەن 102 مۇشەگە كەڭەيدى، دوستار شەڭبەرى بارعان سايىن ۇلعايىپ، جاقسى سەرىكتەستەر اناعۇرلىم كوبەيىپ، سەلبەستىك ساپاسى جوعارىلاعان ۇستىنە جوعارىلاپ، كاسىبي، جوعارى ونىمدىلىككە يە، كىرشىكسىز، جاڭا تيپتى كوپ جاقتى دامىتۋ بانكەسىنىڭ شىت جاڭا وبرازىن كورسەتتى.

  شي جينپيڭ بىلاي دەپ اتاپ كورسەتتى: الەمدەگى جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋدىڭ امالياتى ادامزاتتىڭ بەينەت پەن زەينەتتى بىرگە وتكەرەتىن، تار جول، تايعاق كەشۋدى بىرگە وتكەرەتىن تاعدىرلاس ورتاق تۇلعا ەكەندىگىن، تەك ءوزارا قولداۋ كورسەتۋ، ىنتىماقتاسا سەلبەسۋ عانا داعدارىستى جەڭىپ شىعاتىن دۇنيەنىڭ دۇرىس جولى ەكەندىگىن كورسەتتى. ەكونوميكانىڭ جاھاندانۋ ۇدەرىسىندە جارىققا شىققان قايشىلىقتاردى شەشۋدە ءار ەل اناعۇرلىم سيىسىمدى الەمدىك جونگە سالۋ، اناعۇرلىم ءونىمدى كوپ جاقتى مەحانيزم، اناعۇرلىم بەلسەندى وڭىرلىك سەلبەستىك قالىپتاستىرۋعا قۇلشىنۋ ءتيىس. ازيا نەگىزدىك قۇرىلعىلارعا قارجى قوسۋ بانكەسى مۇشەلەردىڭ بىرگە دامۋىن جەبەيتىن، ادامزاتتىڭ تاعدىرلاس ورتاق تۇلعاسىن ورناتۋدى ىلگەرىلەتەتىن جاڭا تۇعىرعا اينالۋعا ءتيىس.

  ءبىرىنشى، نازاردى بىرگە دامۋعا شوعىرلاندىرىپ، ازيا نەگىزدىك قۇرىلعىلارعا قارجى قوسۋ بانكەسىن الەمنىڭ بىرگە دامۋىن ىلگەرىلەتەتىن جاڭا تيپتى كوپ جاقتى وركەندەۋ بانكەسى ەتىپ تۇلعالاۋ. ازيا نەگىزدىك قۇرىلعىلارعا قارجى قوسۋ بانكەسى بارلىق مۇشەلەردىڭ دامۋ قاجەتى ءۇشىن قىزمەت ەتۋگە كۇش سالىپ، نەگىزدىك قۇرىلعىلارعا اناعۇرلىم جوعارى ساپالى، وزىندىك قۇنى تومەن، باياندى قارجى قوسۋعا كۇش سالۋ، ءداستۇرلى نەگىزدىك قۇرىلعىلارعا قولداۋ كورسەتۋمەن بىرگە، جاڭا تيپتى نەگىزدىك قۇرىلعىلارعا دا قولداۋ كورسەتۋ، ازيانىڭ جانە باسقا دا وڭىرلەردىڭ ەكونوميكالىق، قوعامدىق دامۋىن جەبەۋ ءۇشىن تىڭ قوزعاۋشى كۇش ۇستەۋ ءتيىس.

  ەكىنشى، جۇرەكتىلىكپەن ءورىس اشىپ، جاڭالىق اشىپ، ازيا نەگىزدىك قۇرىلعىلارعا قارجى قوسۋ بانكەسىن داۋىرمەن بىرگە العا باساتىن جاڭا تيپتى دامۋ امالياتى تۇعىرى ەتىپ قالىپتاستىرۋ. ازيا نەگىزدىك قۇرىلعىلارعا قارجى قوسۋ بانكەسى دامۋ ۇستانىمىندا، كاسىپ ۇلگىسىندە، قۇرىلىمدىق جونگە سالۋدا جاڭالىق اشۋ، يكەمدى، الۋان ءتۇرلى دامۋعا قارجى قۇراۋ ونىمدەرى ارقىلى ۇلاستىرۋدى، تۇتاستىرۋدى جەبەپ، جاسىل دامۋدى ىلگەرىلەتىپ، تەحنيكانىڭ العا باسۋىنا قولداۋ كورسەتۋ ءتيىس.

  ءۇشىنشى، ەڭ تاڭداۋلى امالياتتى جارىققا شىعارىپ، ازيا نەگىزدىك قۇرىلعىلارعا قارجى قوسۋ بانكەسىن جوعارى ولشەمدى جاڭا تيپتى حالىقارالىق سەلبەستىك قۇرىلىمى ەتىپ قالىپتاستىرۋ. ازيا نەگىزدىك قۇرىلعىلارعا قارجى قوسۋ بانكەسى حالىقارادا ءبىر تۇتاس قولدانىلاتىن ولشەمگە بويسۇنۋدى، جالپىلىق دامۋ زاڭدىلىعىنا قۇرمەت ەتۋدى ءاربىر مۇشەنىڭ ءوز دامۋىنا ۇيلەسەتىن ءىس جۇزىندىك قاجەتىمەن ورگانيكالى تۇردە ۇشتاستىرۋ، حالىقارالىق دامۋ سەلبەستىگىنىڭ ەڭ تاڭداۋلى امالياتىن جارىققا شىعارۋ كەرەك.

  ءتورتىنشى، اشىقتىققا، سيىسىمدىلىققا تاباندى بولىپ، ازيا نەگىزدىك قۇرىلعىلارعا قارجى قوسۋ بانكەسىن حالىقارالىق كوپ جاقتى سەلبەستىكتىڭ جاڭا ۇلگىسى ەتىپ قالىپتاستىرۋ. بىرگە اقىلداسۋ، بىرگە قۇرۋ، بىرگە يگىلىكتەنۋ پرينسيبىنە تاباندى بولىپ، الەمدىك ەكونوميكالىق ارنانىڭ رەتتەلۋ، وزگەرۋ اۋقىمىنا ۇيلەسىپ، اناعۇرلىم كوپ دامۋ سەرىكتەستەرمەن سەلبەستىك ورىستەتىپ، وڭىرلىك ەكونوميكانىڭ ءبىر تۇلعالانۋىن ىلگەرىلەتىپ، ەكونوميكانىڭ جاھاندانۋىنىڭ اناعۇرلىم اشىق، سيىسىمدى، جالپىعا ءتيىمدى، تەڭگەرىمدى، تەڭ يگىلىككە كەنەلەتىن بەتالىسقا قاراي دامۋىن ىلگەرىلەتۋ كەرەك.

  شي جينپيڭ سوڭىندا بىلاي دەپ باسا دارىپتەدى: جۇڭگو قاشاندا كوپ جاقتىلىقتى قولدايدى، كوپ جاقتىلىقتى امالياتتا ايگىلەيدى، اشىق ۇستاۋ، سەلبەسۋ، تەڭ يگىلىككە كەنەلۋ رۋحىن ۇستانا وتىرىپ دۇنيە جۇزىندەگى ءار ەلمەن بىرگە دامۋدى قاراستىرادى. جۇڭگو ءارقايسى مۇشەلەرمەن بىرگە ازيا نەگىزدىك قۇرىلعىلارعا قارجى قوسۋ بانكەسىنە قولداۋ كورسەتىپ، ازيا نەگىزدىك قۇرىلعىلارعا قارجى قوسۋ بانكەسىن ويداعىداي باسقارىپ، حالىقارالىق قوعامنىڭ حاۋىپ - قاتەرگە، سىن - سايىسقا توتەپ بەرۋى، بىرگە دامۋدى جۇزەگە اسىرۋى ءۇشىن اناعۇرلىم زور ۇلەس قوسادى.