جۋىردا مەملەكەت ءتوراعاسى شي جينپيڭ پاپۋا - جاڭا گۆينەيا بۇتۇكا مەكتەبىنە جاۋاپ حات جازدى. شي جينپيڭ حاتىندا 2018 - جىلى پاپۋا جاڭا - گۆينەياعا ساپارلاي بارعاندا بۇتۇكا مەكتەبىنىڭ اشىلۋ سالتىنا قاتىناسقان كەزدەگى جاعدايدى قۋانىشپەن ەسكە الىپ، مەكتەپتىڭ وقىتۋ ناتيجەلەرىن تۇراقتاندىرىپ، مەكتەپتىڭ جاقىندا جاڭا تيپتى ايدارشا ۆيرۋس وكپە قابىنۋ ىندەتىنىڭ ىقپالىن جويىپ، ساباقتى قالپىنا كەلتىرگەندىگىنە قۋاناتىندىعىن ءبىلدىرىپ، جۇڭگو جاقتىڭ مەكتەپتىڭ دامۋى ءۇشىن ۇزدىكسىز قاجەتتى قولداۋ كورسەتەتىندىگىن، كومەك بەرەتىندىگىن اتاپ كورسەتتى.
وسىدان بۇرىن، پاپۋا - جاڭا گۆينەيا بۇتۇكا مەكتەبىنىڭ مەكتەپ جاعى ءتوراعا شي جينپيڭگە حات جازىپ، ءتوراعا شي جينپيڭنىڭ مەكتەپتىڭ دامۋىنا كوڭىل بولگەندىگىنە شىنايى العىس ايتىپ، جۇڭگو جاقتىڭ بۇكىل الەمنىڭ جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ جونىندەگى حالىقارالىق سەلبەستىكتى ىلگەرىلەتۋ جولىندا قوسقان بەلسەندى ۇلەستەرىن جوعارى باعالاپ، جۇڭگو جاقتىڭ كومەگىندە مەكتەپتىڭ ىندەتتىڭ ىقپالىن جويىپ، ساباقتى قالپىنا كەلتىرگەندىگىن ءبىلدىردى.
بۇتۇكا مەكتەبى 2018 - جىلى 11 - ايدا اشىلعاننان بەرى، 3000داي وقۋشى قابىلداپ، جەرگىلىكتى ورىننىڭ وقىتۋ شارت - جاعدايىن جاقسارتىپ، پاپۋا جاڭا - گۆينەيا ۇكىمەتى مەن حالقىنىڭ ءبىر اۋىزدى جاقسى باعاسىنا يە بولدى.
