شىرعالاڭنىڭ، اپاتتىڭ كوپ تۋىلۋ اۋقىمىن باتىل تەجەپ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىن بار كۇشپەن قامتاماسىز ەتۋدى تالاپ ەتتى

شي جينپيڭ سىچۋاننىڭ شيچاڭ قالاسىنىڭ جيڭجيۋ اۋىلىندا تۋىلعان ورمان ءورت اپاتى جونىندە ماڭىزدى نۇسقاۋ بەرىپ

شىرعالاڭنىڭ، اپاتتىڭ كوپ تۋىلۋ اۋقىمىن باتىل تەجەپ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىن بار كۇشپەن قامتاماسىز ەتۋدى تالاپ ەتتى

لي كىچياڭ بەكىتۋ جازدى

3 - ايدىڭ 30 - كۇنى ساعات 16 مولشەرىندە، سىچۋاننىڭ لياڭشان وبلىسى شيچاڭ قالاسى جيڭجيۋ اۋىلىنىڭ ما - ان قىستاعىندا ورمان ءورت اپاتى تۋىلىپ، ءاپ - ساتتە جەل باعىتى تۇتقيىل وزگەرىپ، جەل كۇشى زورايىپ، ءورت سوندىرۋشىلەر تاسالانۋعا ۇلگىرە الماي، 19 ادام ءولىپ، 3 ادام جارالاندى. ورمان ءورتىن ءسوندىرۋ جۇمىسى ءالى جالعاسۋدا.

اپات تۋىلعاننان كەيىن، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ باسا ءمان بەردى، سونداي - اق ماڭىزدى نۇسقاۋ بەرىپ، دەرەۋ كۇش ۇيىستىرىپ، عىلمي قۇتقارىپ، ءورت سوندىرۋشىلەردىڭ حاۋىپسىزدىگىنە شىنايى كەپىلدىك ەتۋ العى شارتىندا ءورت ءسوندىرۋ جۇمىسىن كۇش سالا ۇيىمداستىرىپ، اپاتتىڭ قايتا تۋىلۋىنان قاتاڭ ساقتانۋدى تالاپ ەتتى. قازىر ورمان ءورت اپاتى سياقتى جاراتىلىستىق اپاتتار وڭاي تۋىلاتىن، كوپ تۋىلاتىن مەزگىل، تاياۋدا سىچۋان، يۇننان، فۋجيان، حۋنان سياقتى جەرلەردە ورمان ءورت اپاتى جانە حاۋىپسىزدىك شىرعالاڭى ارت - ارتىنان تۋىلدى، چيڭميڭنىڭ، جازعىتۇرىمعى تاسقىن مەزگىلىنىڭ تاياي تۇسۋىنە وراي، ءورت اپاتى، تاسقىن سياقتى حاۋىپسىزدىك كومەسكى كىناراتتارى كورنەكتىلەنە ءتۇستى، وعان، ءسوز جوق، باسا ءمان بەرۋ كەرەك. ءار دارەجەلى پارتكومدار مەن ۇكىمەتتەر، سونداي - اق قاتىستى تاراۋلار ىندەتتەن ساقتانۋ - تىزگىندەۋدى جانە جۇمىستى، ءوندىرىستى قالپىنا كەلتىرۋدى ءبىر تۇتاس جوسپارلاپ ورنالاستىرۋمەن بىرگە، حاۋىپسىزدىك قاتەرىنەن ساقتانۋ قىزمەتتەرىن ناقتاپ يگەرىپ، سالعىرتتىق يدەيانى باتىل جەڭىپ، ءورت اپاتى، لاي كوشكىنى، ءوندىرىس حاۋىپسىزدىگى سياقتى الۋان ءتۇرلى كومەسكى كىناراتتاردى ىشكەرىلەي ءبىر - بىرلەپ تەكسەرىپ، ءار جاقتىڭ جاۋاپكەرشىلىگىن نىعايتىپ، شىرعالاڭنىڭ، اپاتتىڭ كوپ تۋىلۋ اۋقىمىن باتىل تەجەپ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىن بار كۇشپەن قامتاماسىز ەتۋ كەرەك.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ بەكىتۋ جازىپ مىنالاردى تالاپ ەتتى: جارالانعانداردى بار كۇشپەن قۇتقارىپ، ورمان ءورتىن عىلمي، ءونىمدى ءسوندىرىپ، قازا بولعانداردىڭ ارتقى جۇمىسىن جاقسى ىستەپ، ورتەنگەن جەردىڭ ماڭايىنداعى ءتۇيىندى جەرلەردى، ورىنداردى جانە قۇرىلعىلاردى ويداعىداي قورعاۋ كەرەك. تاياۋدان بەرى تۋىلعان ورمان ءورت اپاتى مەن جارالانۋ، ءولىم - ءجىتىم ساباعىن تەرەڭ قورىتىندىلاپ، ءار جاقتىڭ، ءار بۋىننىڭ جاۋاپكەرشىلىگىن ونان ارى نىعايتىپ، كومەسكى كىناراتتاردى ىشكەرىلەي ءبىر - بىرلەپ تەكسەرىپ، باقىلاۋدى، ساقتاندىرۋدى كۇشەيتىپ، اۋىر، ەرەكشە اۋىر ورمان ءورت اپاتىنىڭ تۋىلۋىن باتىل تەجەۋ كەرەك.

شي جينپيڭنىڭ نۇسقاۋى مەن لي كىچياڭنىڭ تالابىنا ساي، شۇعىل جاعدايعا توتەپ بەرۋ باسقارۋ مينيسترلىگى دەرەۋ قىزمەت گرۋپپاسىن ءورت كەتكەن جەرگە جىبەرىپ جەتەكشىلىك ەتتى، سونداي - اق مەملەكەتتىك ورمان ءورتىن ءسوندىرۋ، ورتتەن ساقتانۋ جانە ءورت ءسوندىرۋ، قۇتقارۋ - كومەكتەسۋ قوسىنىن شۇعىل كومەككە جىبەردى. سىچۋان ولكەسى، لياڭشان وبلىسى ءورت سوندىرۋگە كۇش ۇيىمداستىرىپ، ماڭايداعى بۇقارانى شۇعىل باسقا جەرگە كوشىردى، سونداي - اق ماڭايىنداعى مەكتەپ، ماي قۇيۋ پۋنكتى سياقتى ءتۇيىندى ورىندار مەن جەرلەردى قورعاۋ شاراسىن اتقاردى. قازىر ءورت ءسوندىرىپ اپاتتان قۇتقارۋ، جارالانعانداردى قۇتقارۋ، ادامداردى بىتىراتۋ سياقتى قىزمەتتەر ورىستەتىلۋدە.