1. اعىمداعى ورىن:
  2. باس بەت
  3. اعىم جاڭالىقتارى
  4. ەل ءىشى حابارالرى
  5. زاڭ - ەرەجە

شي جينپيڭ مالايزيانىڭ زۇڭليى ماحاتيرمەن تەلەفوندا سويلەستى

日期:2020年02月14日
来源:新疆日报
【字体:

شي جينپيڭ مالايزيانىڭ زۇڭليى ماحاتيرمەن تەلەفوندا سويلەستى

 مەملەكەت ءتوراعاسى شي جينپيڭ 2 - ايدىڭ 13 - كۇنى كەشتە ۇسىنىس بويىنشا مالايزيانىڭ زۇڭليى ماحاتيرمەن تەلەفوندا سويلەستى.

شي جينپيڭ بىلاي دەپ اتاپ كورسەتتى: زۇڭلي مىرزا جۇڭگو حالقىنىڭ بايىرعى دوسى، كەزەكتە جۇڭگو حالقىنىڭ جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانعان شەشۋشى ساتىندە، زۇڭلي مىرزا مەنىمەن تەلەفوندا سويلەسۋدى العا قويدى، بۇل مالايزيا جاقتىڭ دوستىق نيەتى مەن قولداۋىن ايگىلەدى. ىندەت جۇڭگو مەن مالايزيا حالقىنىڭ قالىپتى بارىس - كەلىسىنە ۋاقىتشا ىقپال جاساۋى مۇمكىن، الايدا، ەكى ەل حالقىنىڭ تەرەڭ دوستىعىن مىزعىتا المايدى. جۇڭگو مەن مالايزيا ەكى جاق قول ۇستاسىپ ىندەت سايىسىنا توتەپ بەرۋمەن بىرگە، ەكى ەل قاتىناسىن، اسىرەسە، ”ءبىر بەلدەۋ، ءبىر جول“دى بىرگە قۇرۋ سەلبەستىگىن ۇزدىكسىز تەرەڭدەتىپ، اناعۇرلىم مول سەلبەستىك تابىستارىن جاراتىپ، ەكى ەلگە جانە ەكى ەل حالقىنا باقىت جاراتادى.

شي جينپيڭ بىلاي دەپ باسا دارىپتەدى: ىندەت تۋىلعاننان بەرى، جۇڭگو ۇكىمەتى وسكەلەڭ ءمان بەرىپ، بۇكىل ەل بولىپ جۇمىلىپ، ءبىر نيەتپەن ىنتىماقتاسىپ، ەڭ جان - جاقتى، ەڭ قاتاڭ، ەڭ تۇبەگەيلى ساقتانۋ - تىزگىندەۋ شارالارىن قولدانىپ، بەلسەندى ونىمدىلىكتەرگە قول جەتكىزىپ، ناۋقاستان قايتىس بولۋ سالىستىرماسىن ءبىرشاما تومەن دەڭگەيدە ساقتاپ، ەمدەۋ ادىستەرىندە ۇزدىكسىز تىڭ ناتيجەلەر جاراتىپ، ەمدەپ ساۋىقتىرۋ سالىستىرماسىن ۇزدىكسىز جوعارىلاتتى. جۇڭگو ۇكىمەتى جۇڭگو حالقىن باستاپ سەنىمدى بەكەمدەپ، قيىندىقتى بىلەك بىرىكتىرە جەڭىپ، عىلمي ساقتانىپ - ەمدەپ، دالمە - ءدال شارا قولدانىپ، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە باتىل قول جەتكىزەدى. ءبىز، ءسوزسىز، ىندەت ىقپالىن ەڭ تومەنگى شەككە ءتۇسىرىپ، جۇڭگو ەكونوميكاسىنىڭ دامۋ تەبىنىن ساقتاپ، بيىلعى دامۋ نىسانا مىندەتتەرىن قۇلشىنا جۇزەگە اسىرامىز، سونىمەن بىرگە ۇزاق بولاشاقتىق نىسانالارعا جالعاستى بەرىك قادام تاستايمىز.

شي جينپيڭ بىلاي دەپ اتاپ كورسەتتى: جۇڭگو جاقتىڭ ىندەتكە قاراتا پارمەندى شارا قولدانۋى ءوز ەلى حالقىنىڭ ءومىرىنىڭ حاۋىپسىزدىگى مەن دەنساۋلىعىنا بولعان جاۋاپكەرشىلىگى ءارى دۇنيە ءجۇزىنىڭ الەۋمەتتىك دەنساۋلىق ىستەرى ءۇشىن قوسقان ۇلەسى ەسەپتەلەدى، الەمدىك دەنساۋلىق ساقتاۋ ۇيىمى مەن دۇنيە جۇزىندەگى ءارقايسى ەلدىڭ تولىق تۇراقتاندىرۋىنا يە بولدى. ءبىز جالعاستى ادامزاتتىڭ تاعدىرلاس ورتاق تۇلعاسى تانىمىن ۇستانىپ، حالىقارالىق قوعاممەن سەلبەستىكتى كۇشەيتىپ، ىندەتتى بىرلىكتە جەڭىپ شىعامىز. جۇڭگو جاق حالىقارالىق قوعامنىڭ بىزگە كورسەتكەن قىمباتتى تۇسىنىستىگى مەن قولداۋىن ايرىقشا القايدى، اسىرەسە، مالايزيا سياقتى توڭىرەكتەگى دوس مەملەكەتتەر، ۇكىمەتتەن تارتىپ حالىق اراسىنا دەيىن بەلسەندى ارەكەتكە كەلىپ، جۇڭگو جاققا قارلى ايازدا وتىن جەتكىزگەندەي كومەك كورسەتتى. بۇل وسى وڭىردەگى مەملەكەتتەردىڭ ءوزارا قول ۇشىن بەرۋىنىڭ جاندى بەينەسى. ءبىز ۇزدىكسىز اشىق، جاريا ۇستاۋ پوزيتسياسىمەن، مالايزيانى قامتىعان شىعىس وڭتۇستىك ازيا مەملەكەتتەر وداعىنداعى ەلدەرمەن ساقتانۋ - تىزگىندەۋ سەلبەستىگىن كۇشەيتىپ، ءوڭىردىڭ الەۋمەتتىك دەنساۋلىق ساقتاۋ حاۋىپسىزدىگىن بىرگە قورعايمىز. ءبىز ءوز ەل ازاماتتارىمىزعا مامىلە جاساعانداي، مالايزيا مەن باسقا دا ەلدەردىڭ جۇڭگوداعى قىزمەتكەرلەرىنە ويداعىداي قارايلاسامىز.

ماحاتير مالايزيا ۇكىمەتى اتىنان جاڭا تيپتى ايدارشا ۆيرۋس وكپە قابىنۋ ىندەتىنە وراي جۇڭگو ۇكىمەتى مەن جۇڭگو حالقىنان حال سۇرادى. ماحاتير مىنالاردى ءبىلدىردى: مالايزيا جاق جۇڭگو جاقتىڭ ىندەتكە توتەپ بەرۋگە جاساعان زور قۇلشىنىستارىن جانە قول جەتكىزگەن بەلسەندى ىلگەرىلەۋشىلىگىن القايدى، مۇنى جۇڭگو جاقتىڭ جاۋاپكەرشىلىك ارقالايتىن ءىرى ەل رەتىندە دۇنيە ءجۇزىنىڭ الەۋمەتتىك حاۋىپسىزدىگىنە قوسقان ۇلەسى دەپ ەسەپتەيدى. جۇڭگونىڭ شىن نيەتتى دوسى رەتىندە، مالايزيا جاق جۇڭگو جاقتى ءبىر توپ ەمدەۋ جابدىقتارىمەن قامدادى ءارى جۇڭگو جاققا ۇزدىكسىز كومەك بەرۋدى قالايدى. شىعىس وڭتۇستىك ازيا مەملەكەتتەر وداعىنداعى ەلدەر جۇڭگو جاقپەن ىندەتتەن ساقتانۋ - تىزگىندەۋ سەلبەستىگىن ورىستەتۋدى قالايدى. مالايزيا جاق ءتوراعا شي جينپيڭنىڭ جەتەكشىلىگىندە، باسشىلىعىندا، جۇڭگو حالقىنىڭ، ىندەتتى، ءسوزسىز، جەڭىپ شىعاتىندىعىنا، جۇڭگونىڭ دامۋى، ءسوزسىز، قالپىنا كەلە الاتىندىعىنا كامىل سەنەدى. مالايزيا جاق جۇڭگو جاقتىڭ ۇزاق مەزگىلدەن بەرى مالايزيانىڭ دامۋىن جەبەۋگە قوسقان ۇلەسىن بارىنشا القايدى، جۇڭگو جاقپەن بولعان ناقتى سەلبەستىكتى تەرەڭدەتىپ، ەكى ەلدىڭ دوستىق قاتىناسىن ىلگەرىلەتۋدى قالايدى.