1. اعىمداعى ورىن:
  2. باس بەت
  3. اعىم جاڭالىقتارى
  4. ەل ءىشى حابارالرى
  5. زاڭ - ەرەجە

شي جينپيڭ مەن كولۋمبيانىڭ زۇڭتۇڭى دۋكۋە ەكى ەلدىڭ ديپلوماتيالىق قارىم - قاتىناس ورناتقاندىعىنىڭ 40 جىلدىعى بايلانىسىمەن ءوزارا قۇتتىقتاۋ تەلەگرامماسىن جولدادى

日期:2020年02月08日
来源:新疆日报
【字体:

مەملەكەت ءتوراعاسى شي جينپيڭ 2 - ايدىڭ 7 - كۇنى كولۋمبيا رەسپۋبليكاسىنىڭ زۇڭتۇڭى دۋكۋەمەن ءوزارا قۇتتىقتاۋ تەلەگرامماسىن جولداپ، ەكى ەلدىڭ ديپلوماتيالىق قارىم - قاتىناس ورناتقاندىعىنىڭ 40 جىلدىعىن قۇتتىقتادى.

شي جينپيڭ قۇتتىقتاۋ تەلەگرامماسىندا بىلاي دەپ اتاپ كورسەتتى: ديپلوماتيالىق قارىم - قاتىناس ورناتقان 40 جىلدان بەرى، جۇڭگو مەن كولۋمبيا ەكى جاق ءوزارا قۇرمەت ەتۋ، ءوزارا پايدا جەتكىزىپ، تەڭ يگىلىككە كەنەلۋ، بىرگە دامۋ پرينسيبىنەن جازباي، ساياسي جاقتاعى ءوزارا سەنىمدىلىك پەن ناقتى سەلبەستىكتى تەرەڭدەتىپ، ەكى جاقتى قارىم - قاتىناستىڭ بەلسەندى، جاقسى بەتالىسقا قاراي دامۋ جاعدايىن ساقتادى. 2019 - جىلى 7 - ايدا دۋكۋە زۇڭتۇڭ جۇڭگودا ءساتتى مەملەكەت ىستەرى ساپارىندا بولدى، ءبىز اشىق - جارقىن، دوستىق بەينەدە اۋىس - كۇيىس جاسادىق، سونداي - اق كەلەلى ورتاق تانىمعا كەلدىك، بۇل جۇڭگو مەن كولۋمبيا قارىم - قاتىناسىنىڭ ۇزاق بولاشاقتىق دامۋىنا تىڭ تەبىن قوستى. مەن جۇڭگو مەن كولۋمبيا قارىم - قاتىناسىنا وسكەلەڭ ءمان بەرەمىن، دۋكۋە زۇڭتۇڭمەن بىرگە قۇلشىنىپ، ەكى ەلدىڭ ديپلوماتيالىق قارىم - قاتىناس ورناتقاندىعىنىڭ 40 جىلدىعىن تىڭ باستاما ەتىپ، جۇڭگو - كولۋمبيا قارىم - قاتىناسىنىڭ تىڭ تاريحي كەزەڭگە ءوتۋىن ورتاق جەبەۋدى قالايمىن.

دۋكۋە قۇتتىقتاۋ تەلەگرامماسىندا مىنالاردى ءبىلدىردى: 2019 - جىلى مەن جۇڭگودا مەملەكەت ىستەرى ساپارىندا بولىپ، ءتوراعا شي جينپيڭمەن كوپتەگەن جاقتاردا تىڭ ورتاق تانىمعا كەلىپ، ەكى جاقتى ساياسي، ەكونوميكا، قوعام، مادەنيەت سياقتى سالالارداعى دوستىق سەلبەستىككە تىڭ تەبىن قوستىق. مەن جۇڭگونىڭ ەكى جاقتى سەلبەستىك ارقىلى كولۋمبيانىڭ ەكونوميكالىق، قوعامدىق دامۋىنا قوسقان ماڭىزدى ۇلەسىن وسكەلەڭ تۇرعىدان القايمىن جانە شىن جۇرەكتەن العىس ايتامىن. مەن كولۋمبيا حالقى اتىنان، ءتوراعا شي جينپيڭمەن بىرگە ەكى ەل قارىم - قاتىناسىنىڭ الداعى 40 جىلداعى دامۋ جولى كارتاسىن ويداعىداي جاساپ، ەكى جاقتى قارىم - قاتىناستىڭ تىڭ ساتىعا كوتەرىلۋىن جەبەپ، ەكى ەل حالقى ءۇشىن باقىت جاراتۋدى قالايتىندىعىمدى قايتالاي دارىپتەيمىن.