2 - ايدىڭ 6 - كۇنى كەشتە مەملەكەت ءتوراعاسى شي جينپيڭ ۇسىنىس بويىنشا ساۋد ارابياسىنىڭ پاتشاسى سالمانمەن تەلەفوندا سويلەستى.
شي جينپيڭ بىلاي دەپ اتاپ كورسەتتى: جۇڭگو جاڭا تيپتەگى ايدارشا ۆيرۋسپەن جۇعىمدالۋدان بولعان وكپە قابىنۋ ىندەتىنە قارسى تۇرعان شەشۋشى ساتتە، پاتشا اعزام مەن ساۋد ارابياسى جاق تالاي رەت جۇڭگونى باتىل قولدايتىندىقتارىن ءبىلدىرىپ، جۇڭگو - ساۋد ارابياسى ەكى ەلىنىڭ شىنايى دوستىعى مەن جان - جاقتى ستراتەگيالىق سەرىكتەستىك قارىم - قاتىناسىنىڭ جوعارى ورەسىن تولىق ايگىلەدى، مەن مۇنى بارىنشا القايمىن. جۇڭگو جاق ساۋد ارابياسى جاقپەن ءبىر - ءبىرىنىڭ وزەكتى مۇددەسى مەن ەلەۋلى ءجىتى قاداعالاپ وتىرعان ىستەرىنە ءوزارا قولداۋ كورسەتىپ، ەكى جاقتى قارىم - قاتىناستىڭ اناعۇرلىم زور دامۋعا قول جەتكىزۋىن جەبەۋدى قالايدى.
شي جينپيڭ بىلاي دەپ باسا دارىپتەدى: ىندەت تۋىلعاننان بەرى، جۇڭگو جاق بۇكىل ەل بولىپ ارەكەتتەنىپ، بۇكىل ەل جوعارىدان تومەنگە دەيىن ءبىر نيەتتە بولىپ، بار كۇشپەن توتەپ بەرىپ، ەڭ تۇبەگەيلى، ەڭ قاتاڭ ساقتانۋ - تىزگىندەۋ شاراسىن قولدانىپ، ىندەتتەن ساقتانۋ - تىزگىندەۋدىڭ ءبىر رەتكى حالىقتىق شايقاسىن باستادى. قازىر ءبىزدىڭ ساقتانۋ - تىزگىندەۋ قىزمەتىمىز بەلسەندى ونىمدىلىككە قول جەتكىزۋدە. جۇڭگو قۋاتتى جۇمىلدىرۋ قابىلەتىنە يە، الەۋمەتتىك دەنساۋلىق ساقتاۋ وقيعاسىنا توتەپ بەرۋدىڭ مول تاجىريبەسى بار، وسى رەتكى ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە جەتەتىن سەنىم بار، قابىلەت بار. جۇڭگونىڭ پارمەندى شارا قولدانۋى جۇڭگو حالقىنىڭ سالاماتتىعىنا جاۋاپتى بولىپ قانا قالماستان، سونىمەن بىرگە دۇنيە ءجۇزىنىڭ الەۋمەتتىك حاۋىپسىزدىگىنە دە قوسقان وراسان زور ۇلەسى. ءار ەلدىڭ دۇنيە جۇزىلىك دەنساۋلىق ساقتاۋ ۇيىمىنىڭ ساياحات جانە دەنساۋلىق ساقتاۋ جونىندەگى جەتەكشى پىكىرىن دەر كەزىندە ۇعىنۋىن جانە وعان بويسۇنۋىن ءۇمىت ەتەمىن. جۇڭگو جاق جۇڭگوداعى ساۋد ارابياسىندىقتار سياقتى بارلىق شەتەل ازاماتتارىنىڭ سالاماتتىعى مەن حاۋىپسىزدىگىنە وسكەلەڭ ءمان بەرەدى، ۇزدىكسىز ءونىمدى شارا قولدانىپ، ولاردىڭ قىزمەت جانە تۇرمىس شارت - جاعدايىن جاقسى قامتاماسىز ەتەدى. جۇڭگو جاق ۇزدىكسىز اشىق، جاريا بولۋ پوزيتسياسى نەگىزىندە، ساۋد ارابياسىن قامتىعان ءار ەلمەن بىرگە، ىندەتكە تىزە قوسا، ءونىمدى توت−ەپ بەرىپ، دۇنيە ءجۇزىنىڭ جانە ءوڭىردىڭ الەۋمەتتىك دەنساۋلىق ساقتاۋ حاۋىپسىزدىگىن قورعايدى.
سالمان ساۋد ارابياسى ۇكىمەتى مەن حالقى اتىنان، جۇڭگو جۇرگىزىپ وتىرعان جاڭا تيپتەگى ايدارشا ۆيرۋسپەن جۇعىمدالۋدان بولعان وكپە قابىنۋ ىندەتىنە قارسى تۇرۋ كۇرەسىن باتىل قولدايتىندىعىن ءبىلدىردى، ىندەت تۋدىرعان زيان جونىندە دوس جۇڭگو حالقىنان حال سۇرادى. سالمان مىنالاردى ءبىلدىردى: ساۋد ارابياسى جاق جۇڭگو ۇكىمەتىنىڭ ىندەتكە توتەپ بەرۋدە قولدانعان پارمەندى شاراسىن وسكەلەڭ القايدى، جۇڭگونىڭ، ءسوز جوق، ىندەتكە قارسى تۇرۋدىڭ جەڭىسىنە قول جەتكىزەتىندىگىنە سەنەدى. ساۋد ارابياسى جاق جۇڭگومەن جان - جاقتى ستراتەگيالىق سەرىكتەستىك قارىم - قاتىناسىنا وسكەلەڭ ءمان بەرەدى، ءارقانداي جاعدايدا تۇگەلدەي جۇڭگو جاقپەن باتىل ءبىر جاقتا تۇرادى. قازىر جۇڭگو قيىنشىلىققا ءدوپ كەلىپ وتىرعان ساتتە، ساۋد ارابياسى بار كۇشىن سالىپ، جۇڭگو جاقتىڭ ىندەتكە قارسى تۇرۋىنا قولداۋ جانە كومەك كورسەتۋدى قالايدى. ساۋد ارابياسى جاق جۇڭگو جاقپەن دوستىق سەلبەستىكتى كۇشەيتۋدى ءۇمىت ەتەدى.
