جۇڭگو مەن ۆيەتنام ديپلوماتيالىق قارىم - قاتىناس ورناتقاندىعىنىڭ 70 جىلدىعى بايلانىسىمەن
شي جينپيڭ ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى رۋان فۋجۇڭمەن ءوزارا قۇتتىقتاۋ تەلەگرامماسىن جولدادى
لي كىچياڭ ۆيەتنام ۇكىمەتىنىڭ زۇڭليى رۋان چۇنفۋمەن ءوزارا قۇتتىقتاۋ تەلەگرامماسىن جولدادى
1 - ايدىڭ 18 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ مەن ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى رۋان فۋجۇڭ جۇڭگو - ۆيەتنام ديپلوماتيالىق قارىم - قاتىناس ورناتقاندىعىنىڭ 70 جىلدىعى بايلانىسىمەن ءوزارا قۇتتىقتاۋ تەلەگرامماسىن جولدادى.
شي جينپيڭ قۇتتىقتاۋ تەلەگرامماسىندا بىلاي دەپ اتاپ كورسەتتى: جۇڭگو مەن ۆيەتنام تاۋ - سۋى جالعاسقان، ەتەنە بايلانىس ورناتقان سوتسياليستىك كورشى ەل، سونداي - اق ستراتەگيالىق مانگە يە تاعدىرلاس ورتاق تۇلعا. ديپلوماتيالىق قارىم - قاتىناس ورناتقان 70 جىلدان بەرى، ەكى ەلدىڭ اعا بۋىن باسشىلارى ءوز قولدارىمەن نەگىزىن قالاعان جانە دەن قويا ماپەلەگەن ءداستۇرلى دوستىعى گۇل اشىپ، جەمىس بەردى ءارى ”ۇزاق ۋاقىت ورنىقتى بولۋ، بولاشاققا بەت الۋ، تاتۋ كورشى بولۋ، جان - جاقتى سەلبەستىك جاساۋ“ سىندى 16 ارىپتىك باعىتىنىڭ جانە ”جاقسى كورشى، جاقسى دوس، جاقسى جولداس، جاقسى سەرىك“ رۋحىنىڭ جەتەكشىلىگىندە ارشىنداي دامىدى. رۋان فۋجۇڭ جولداس ەكەۋىمىز 2 رەت تاريحي سيپاتتى ءوزارا ساپاردا بولىپ، جاڭا جاعدايدا ەكى ەلدىڭ جاقىن كورشىلىك دوستىعىن بەكەمدەۋ، ءوزارا پايدا جەتكىزىپ سەلبەستىك جاساۋىن تەرەڭدەتۋ جونىندە ماڭىزدى ورتاق تانىمعا كەلىپ، ەكى پارتيانىڭ، ەكى ەلدىڭ قارىم - قاتىناسىنىڭ جاڭا داۋىرگە وتۋىنە بىرگە جەتەكشىلىك ەتتىك.
شي جينپيڭ بىلاي دەپ باسا دارىپتەدى: قازىرگى دۇنيە ءجۇزى 100 جىلدا بولماعان زور وزگەرىسكە ءدوپ كەلۋدە، جۇڭگو مەن ۆيەتنام قارىم - قاتىناسى دا بۇرىنعىعا مۇراگەر، كەيىنگىگە بۇيداگەر بولۋدىڭ شەشۋشى كەزەڭىنە ءوتتى. مەن جۇڭگو مەن ۆيەتنامنىڭ قارىم - قاتىناسىن دامىتۋعا وسكەلەڭ ءمان بەرەمىن، رۋان فۋجۇڭ جولداسپەن بىرگە جۇڭگو مەن ۆيەتنام قارىم - قاتىناسىنىڭ العا باسۋ دۇرىس بەتالىسىن مىقتاپ يگەرىپ، ەكى ەلدىڭ ءداستۇرلى دوستىعىنىڭ اۋەلگى ماقساتىن اسقاقتاتىپ، ورتاق مۇرات - سەنىم مەن تاريحي بورىشتى ەستە بەرىك ساقتاپ، جاڭا مەزگىلدەگى جۇڭگو - ۆيەتنام جان - جاقتى ستراتەگيالىق سەلبەستىك سەرىكتەستىك قارىم - قاتىناسىنىڭ ۇزدىكسىز تىڭ ساتىعا كوتەرىلۋىن ىلگەرىلەتۋدى قالايمىن.
رۋان فۋجۇڭ قۇتتىقتاۋ تەلەگرامماسىندا مىنانى ءبىلدىردى: ۆيەتنام مەن جۇڭگو ديپلوماتيالىق قارىم - قاتىناس ورناتقان 70 جىلدان بەرى، ەكى پارتيا، ەكى ەل جانە ەكى ەل حالقى تىزە قوسا سەلبەسىپ، ءوز ەلىنىڭ ۇلت ازاتتىعى جانە سوتسياليزم قۇرىلىس ىستەرىنىڭ تابىسقا جەتۋى ءۇشىن ۇلەس قوستى. ۆيەتنام مەن جۇڭگو قارىم - قاتىناسىن ۇزدىكسىز ويداعىداي بەكەمدەۋ جانە دامىتۋ ەكى جاق ارقالاعان تاريحي جاۋاپكەرشىلىك، ەكى ەل حالقىنىڭ ورتاق ارمان - تىلەگىنە ۇيلەسەدى. ۆيەتنام جاق جۇڭگومەن قارىم - قاتىناسىن دامىتۋدى باستان - اياق ديپلوماتيالىق ساياساتتىڭ ەڭ ماڭىزدى ماڭداي الدى ورنىنا قويادى، ەكى پارتيا، ەكى ەل باسشىلارىنىڭ تىكە كوڭىل بولۋىندە جانە جەتەكشىلىك ەتۋىندە ەكى جاقتىڭ جان - جاقتى ستراتەگيالىق سەلبەستىك سەرىكتەستىك قارىم - قاتىناسىنىڭ ۇزدىكسىز تىڭ دەڭگەيگە كوتەرىلەتىندىگىنە كامىل سەنەمىن.
سول كۇنى مەملەكەتتىك كەڭەستىڭ زۇڭليى لي كىچياڭ مەن ۆيەتنام ۇكىمەتىنىڭ زۇڭليى رۋان چۇنفۋ دا ءوزارا قۇتتىقتاۋ تەلەگرامماسىن جولدادى. لي كىچياڭ قۇتتىقتاۋ تەلەگرامماسىندا بىلاي دەدى: جاڭا جاعدايدا، جۇڭگو جاق ۆيەتنام جاقپەن بىرگە تەڭىز، قۇرلىق، فينانس سىندى سەلبەستىك 3 جەلىسىن تەڭ جۇرگىزۋ ستراتەگيالىق ويىنا ساي، ”ءبىر بەلدەۋ، ءبىر جول“مەن ”ەكى ءدالىز، ءبىر شەڭبەر”دى ءتۇيىستىرۋ، ءوندىرىس قۋاتى، نەگىزدىك قۇرىلعىلار قۇرىلىسى سياقتى ءتۇيىندى سالالارداعى سەلبەستىكتى تەرەڭدەتىپ، ەكى جاقتىڭ ءوزارا تيىمدىلىك جەتكىزىپ، تەڭ يگىلىككە كەنەلەتىن جاڭا جاعدايىن كۇش سالا جاراتىپ، ەكى ەلدىڭ جان - جاقتى ستراتەگيالىق سەلبەستىگىنىڭ جاڭا تاراۋىن بىرگە جازۋدى قالايدى. رۋان چۇنفۋ قۇتتىقتاۋ تەلەگرامماسىندا بىلاي دەدى: جۇڭگو جاقپەن ەكى ەلدىڭ جوعارى جىكتەگىلەرىنىڭ ورتاق تانىمىن ويداعىداي تياناقتاندىرىپ، ەكى جاقتىڭ ءار سالاداعى سەلبەستىگىنىڭ ونىمدىلىگىن ۇزبەي جوعارىلاتىپ، ديپلوماتيالىق قارىم - قاتىناس ورناتقاندىعىن ەسكە ءتۇسىرۋ قيمىلدارىن جاقسى وتكىزىپ، ەكى جاق قارىم - قاتىناسىنىڭ ۇزدىكسىز اقاۋسىز، ورنىقتى دامۋىن ىلگەرىلەتۋدى قالايمىز.
