شي جينپيڭ بيرمانىڭ مەملەكەت ىستەرى اقىلشىسى اڭشانسۋجيمەن كەڭەس وتكىزدى
جەرگىلىكتى ۋاقىت 1 - ايدىڭ 18 - كۇنى تۇستەن بۇرىن مەملەكەت ءتوراعاسى شي جينپيڭ نايپيداۋدا بيرمانىڭ مەملەكەت ىستەرى اقىلشىسى اڭشانسۋجيمەن رەسمي كەڭەس وتكىزدى.
جەرگىلىكتى ۋاقىت 1 - ايدىڭ 18 - كۇنى تۇستەن بۇرىن مەملەكەت ءتوراعاسى شي جينپيڭ نايپيداۋدا بيرمانىڭ مەملەكەت ىستەر اقىلشىسى اڭشانسۋجيمەن رەسمي كەڭەس وتكىزدى.
شي جينپيڭ مىنالاردى ءبىلدىردى: جۇڭگو مەن بيرمانىڭ باۋىرلاستىق سۇيىسپەنشىلىگى تەرەڭ. قازىر جۇڭگو مەن بيرما ەكەۋى دە مەملەكەت دامۋىنىڭ جاڭا كەزەڭىنە قادام تاستادى، ەكى جاقتى قارىم - قاتىناس جاڭا دامۋ ورايىنا ءدوپ كەلدى. وسى رەتتە ءبىز جۇڭگو مەن بيرمانىڭ تاعدىرلاس ورتاق تۇلعاسىن بىرگە قۇرۋدى ۇيعارىپ، ەكى جاقتى قارىم - قاتىناستىڭ جاڭا ءداۋىرىن اشتىق. ءبىز تياناقتاندىرۋدى ويداعىداي يگەرىپ، ەكى ەلدىڭ كەلەسى كەزەڭدەگى ءار سالاداعى اۋىس - كۇيىسىن، سەلبەستىگىن جۇيەلى جوبالاپ جانە ورنالاستىرىپ، ەكى ەل قارىم - قاتىناسىنا ساياسي جەتەكشىلىكتى كۇشەيتىپ، جۇڭگو - بيرما قارىم - قاتىناسىنىڭ تىڭ ساتىعا كوتەرىلۋىن ىلگەرىلەتۋىمىز كەرەك.
ءبىرىنشى، دامۋدىڭ ۇشتاسۋىن كۇشەيتىپ، ەكونوميكالىق ءدالىزدى ويداعىداي قۇرۋ كەرەك. ەكى جاق ەكى ەلدىڭ ەكونوميكا - ساۋدا سەلبەستىگىنىڭ 5 جىلدىق جوباسىن ىلگەرىلەتىپ، دامۋ ستراتەگيالارىن ءونىمدى تۇردە ۇشتاستىرىپ، ەكى ەلدىڭ ەكونوميكا - ساۋدا جانە ءوندىرىس قۋاتى سەلبەستىگىن ويداعىداي تياناقتاندىرۋ كەرەك. جۇڭگو مەن بيرمانىڭ ەكونوميكالىق ءدالىز قۇرىلىسى − ەكى جاقتىڭ ”ءبىر بەلدەۋ، ءبىر جول“دى بىرگە قۇرۋىندا ەڭ ماڭىزدى ورىندا تۇرادى. ەكى جاق جۇڭگو - بيرما ەكونوميكالىق ءدالىزىنىڭ ناقتى قۇرىلىسىن باستادى، ەكى ەل حالىقتارىنىڭ، اسىرەسە، بيرما جۇرتشىلىعىنىڭ تابىس سەزىمىن تەز جوعارىلاتۋ كەرەك.
ەكىنشى، نازاردى باستاماشى نىساندارعا شوعىرلاندىرىپ، ءوزارا ۇلاستىرۋ - تۇتاستىرۋدى كۇشەيتۋ كەرەك. ەكى جاق كياۋكپيۋ نىسانىنىڭ جۇڭگو - بيرما ەكونوميكالىق ءدالىزى ءۇشىن ۇلگى كورسەتۋ، جەتەكتەۋ رولىن ويداعىداي ساۋلەلەندىرۋىنە، سونداي - اق جۇڭگو مەن بيرمانىڭ شەكارالىق ەكونوميكالىق سەلبەستىك ءوڭىرى مەن يانگون جاڭا قالا قۇرىلىسىن جەدەل ىلگەرىلەتىپ، سول ارقىلى ەكونوميكالىق ءدالىزدىڭ سولتۇستىك، شىعىس، باتىس 3 جاقتاعى تىرەگىنىڭ جالپىلىق ورنالاسۋىن قالىپتاستىرۋعا قوسىلدى. ەكى جاق تاس جول، تەمىر جول، ەلەكتر تورابى سياقتىلاردى ۇلاستىرۋ، تۇتاستىرۋ نىساندارىن ءبىر تۇتاس ىلگەرىلەتىپ، ءدالىزدى تۇتاستىراتىن قاڭقا جەلىنى جەدەل قالىپتاستىرۋ كەرەك.
ءۇشىنشى، ساۋدانى، قارجى قوسۋدى كەڭەيتىپ، جەرگىلىكتى ورىندار سەلبەستىگىن نىعايتۋ كەرەك. جۇڭگو بيرمامەن ناقتى سەلبەستىكتى ورىستەتۋدە باستان - اياق دۇرىس بورىش - مۇددە كوزقاراسىنا تاباندى بولادى. جۇڭگو جاق بيرما جاقتىڭ جۇڭگوعا باعىتتالعان ەكسپورتتى كەڭەيتۋىن قارسى الادى، جۇڭگو كاسىپورىندارىنىڭ بيرماعا قارجى قوسۋدى ارتتىرۋىن قولدايدى، بيرما جاقپەن فينانس سەلبەستىگىن كۇشەيتۋدى قالايدى. ەكى جاق جۇڭگو - بيرما ەكونوميكالىق ءدالىزىنىڭ سولتۇستىك جاعى يۇنناننان بيرماعا وتۋدەي وڭىرلىك ورىن ابزالدىلىعىن ويداعىداي ساۋلەلەندىرىپ، جۇڭگونىڭ يۇننان سياقتى جەرگىلىكتى ولكەلەرىنىڭ بيرما جاقپەن اۋىس - كۇيىسىن، سەلبەستىگىن جەبەپ، ەكى ەلدىڭ دامۋىنىڭ كەلەلى جاعدايىنا قىزمەت ەتۋى كەرەك.
ءتورتىنشى، گۋمانيتارلىق اۋىس - كۇيىستى تەرەڭدەتىپ، حالىقتار تىلەگىنىڭ توعىسۋىن جەبەۋ كەرەك. ەكى جاق ديپلوماتيالىق قارىم - قاتىناس ورناتقاندىعىنىڭ 70 جىلدىعىن قۇتتىقتاۋ قيمىلدارىن جانە جۇڭگو - بيرما مادەنيەت - ساياحات جىلىن ويداعىداي وتكىزىپ، اناعۇرلىم كوپ جاستاردى اۋىس - كۇيىس جاساۋعا جىگەرلەندىرىپ، باۋىرلاس دوستىقتىڭ الدىڭعىلاردىڭ ءىزىن باسىپ بولاشاققا جول اشىپ، ۇرپاقتان - ۇرپاققا جالعاسۋىنا مۇمكىندىك جاساۋ كەرەك. ەكى جاق جۇڭگو - بيرما ەكونوميكالىق ءدالىزى بويىنداعى حالىق تۇرمىسىن، حاۋىپسىزدىكتى جانە نەگىزدىك قۇرىلعىلار قۇرىلىسىن ويداعىداي يگەرىپ، بيرماداعى ءتىپتى دە كوپ نەگىزگى ساتى جۇرتشىلىعىن ەرتەرەك تيىمدىلىككە كەنەلتۋگە قۇلشىنۋ كەرەك.
اڭشانسۋجي ءتوراعا شي جينپيڭنىڭ بيرماعا مەملەكەتتىك ساپارمەن كەلگەندىگىن تاعى دا قىزۋ قارسى الدى. ول مىنالاردى ءبىلدىردى: بيرما جاق بيرما مەن جۇڭگونىڭ دوستىعىن بارىنشا قاستەرلەيدى، جالعاستى جۇڭگونىڭ جاقسى دوسى بولا بەرۋدى ءۇمىت ەتەدى. ءتوراعا شي جينپيڭنىڭ وسى جولعى ساپارىنىڭ بەلەستىك ءمانى بار، تابىسى مول، بيرما مەن جۇڭگونىڭ باۋىرلاستىق سۇيىسپەنشىلىگىن بارىنشا تەرەڭدەتىپ، ەكى ەلدىڭ ناقتى سەلبەستىگىن جەبەيدى. بيرما جاق بيرما مەن جۇڭگونىڭ ەكونوميكالىق ءدالىز قۇرىلىسىن بەلسەنە ىلگەرىلەتىپ، كياۋكپيۋ نىسانىن كۇش سالا تياناقتاندىرىپ، قاتىناس، ەنەرگيا، ءوندىرىس قۋاتى، گۋمانيتارلىق، شەكارا، جەرگىلىكتى ورىندار سياقتى سالالارداعى سەلبەستىكتەردى جەدەل ىلگەرىلەتۋدى قالايدى. بيرما جاق جۇڭگو جاقپەن قول ۇستاسا العا ىلگەرىلەپ، بيرما مەن جۇڭگونىڭ تاعدىرلاس ورتاق تۇلعاسىن بىرگە قۇرىپ، ەكى ەل حالىقتارىن اناعۇرلىم جاقسى باقىتقا كەنەلتۋدى قالايدى.
اڭشانسۋجي مىنالاردى ءبىلدىردى: بيرما - جۇڭگو قارىم - قاتىناسىنىڭ ماڭىزدى ەرەكشەلىگى − ءوزارا قۇرمەت ەتۋ، ءوزارا ءتۇسىنۋ، ءوزارا قولداۋ. ۇزاق ۋاقىتتان بەرى، جۇڭگو ەكى جاقتى جانە حالىقارالىق دەڭگەيدە بيرما جاققا قىمباتتى تۇسىنىستىك جانە قولداۋ كورسەتتى، مۇنى بيرما حالقى ەسىندە بەرىك ساقتايدى. جۇڭگونىڭ قولداۋى جەكە مۇددەسى ءۇشىن ەمەس، قايتا ادىلەتتى، تۋراشىلدىقتى جاقتاۋ ءۇشىن بولىپ تابىلادى، بۇل بيرما سياقتى شاعىن ەلدەر ءۇشىن العاندا اسا باعالى. قازىر دۇنيە ءجۇزىنىڭ بەيبىتشىلىگى مەن دامۋى، حالىقارالىق ادىلەت پەن تۋراشىلدىق سياقتى ماسەلەلەر ءالى تۇبەگەيلى شەشىم تاپقان جوق، كەي ەلدەر ادامدىق ۇقىق، ۇلت، ءدىن ماسەلەلەرىن جەلەۋ ەتىپ، باسقا ەلدەردىڭ ىشكى ىستەرىنە دورەكىلىكپەن كيلىگۋدە، ءبىراق بيرما مۇنداي قىسىم كورسەتۋ مەن كيلىگۋدى استە قابىلدامايدى. جۇڭگو جاقتىڭ حالىقارالىق ورتادا بيرما سياقتى ورتا، شاعىن ەلدەر ءۇشىن ۇزدىكسىز تۇردە ادىلەتتى جاقتاپ، بيرمانىڭ ەل ىشىندەگى بەيبىتشىلىك ءۇردىسىن ىلگەرىلەتۋدە سىندارلى رول ساۋلەلەندىرۋىن ءۇمىت ەتەمىن.
شي جينپيڭ بىلاي دەپ باسا دارىپتەدى: اتتىڭ كۇشى الىس جولدا سىنالادى، شىنايى سۇيىسپەنشىلىك تاۋقىمەتتە بىلىنەدى. جۇڭگو بيرما جاقتىڭ سەنىم ارتۋىنا تاتيتىن جاقسى دوسى. جۇڭگو مەن بيرما بەيبىت قاتار تۇرۋ بەس پرينسيبىن بىرگە دارىپتەپ جانە امالياتتا ايگىلەپ، ءوزارا سەنىپ، ءوزارا كومەكتەسىپ، ءوزارا قارايلاسىپ، مەملەكەت ارالىق بارىس - كەلىستىڭ ۇلگىسىن ورناتىپ قانا قويماي، جاڭاشا حالىقارالىق قارىم - قاتىناستىڭ ورناۋىن ىلگەرىلەتۋگە دە تاريحي ۇلەس قوستى. جۇڭگو جاق ءار ەل حالقىنىڭ وزىنە - ءوزى قوجايىن بولىپ تاڭداعان مەملەكەت جاعدايىنا ۇيلەسەتىن دامۋ جولىنا قۇرمەت ەتۋگە، وزگە ەلدەردىڭ ىشكى ىسىنە كيلىكپەۋگە دايەكتى تۇردە تاباندى بولادى. جۇڭگو جاق حالىقارادا بيرما جاق ءۇشىن ۇزدىكسىز تۇردە ادىلدىگىن ايتىپ، بيرما جاقتىڭ مەملەكەتتىڭ ار - نامىسى مەن ورىندى ۇقىق - مۇددەسىن قورعاۋىن قولدايدى. جۇڭگو جاق بيرما جاقتىڭ ەل ىشىندەگى بەيبىتشىلىك ءۇردىسىن ىلگەرىلەتۋىن، ۇلتتىق تاتۋلىقتى جۇزەگە اسىرۋىن قولداپ، وسى جولدا ۇزدىكسىز تۇردە سىندارلى رول ساۋلەلەندىرۋدى قالايدى.
كەڭەستەن كەيىن، ەكى ەلدىڭ باسشىلارى ساياسي، ەكونوميكا - ساۋدا، قارجى قوسۋ، گۋمانيتارلىق، جەرگىلىكتى ورىندار سياقتى كوپتەگەن سالاعا ساياتىن ءبىرسىپىرا ەكى جاقتى سەلبەستىك حۇجاتتارىن اۋىستىرۋ سالتىنا بىرگە قاتىناستى.
سول كۇنى جۇڭگو مەن بيرما «جۇڭحۋا حالىق رەسپۋبليكاسى مەن بيرما فەدەراتسيالىق رەسپۋبليكاسىنىڭ بىرىككەن مالىمدەمەسىن» جاريالادى.
ديڭ شۋەشياڭ، ياڭ جيەچى، ۋاڭ ي، حى ليفىڭ قاتارلىلار جوعارىداعى قيمىلدارعا قاتىناستى.
