شي جينپيڭ ”قايسار 6 - ليان“دەگى بارلىق كوماندير - جاۋىنگەرلەرگە جاۋاپ حات جازدى
ولاردى ”قايسار رۋح“تى اسقاقتاتا ساۋلەلەندىرىپ، ليان - دۇيدى اناعۇرلىم قۋاتتى ەتىپ قۇرۋعا جىگەرلەندىردى
جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 1 - ايدىڭ 18 - كۇنى 74 - جيتۋانجۇننىڭ بەلگىلى لۇيىندەگى ”قايسار 6 - ليان“دەگى بارلىق كوماندير - جاۋىنگەرلەرگە جاۋاپ حات جازىپ، ولاردى ارميانى قۇدىرەتتەندىرۋ نىساناسىن ەستە بەرىك ساقتاپ، قىزىل گەندى جالعاستىرىپ، جەڭىسكە جەتۋ قابىلەتىنە جالىقپاي جاتتىعىپ، ”قايسار رۋح“تى اسقاقتاتا ساۋلەلەندىرىپ، ليان - دۇيدى اناعۇرلىم قۋاتتى ەتىپ قۇرۋعا جىگەرلەندىردى ءارى كوماندير - جاۋىنگەرلەرگە جانە ولاردىڭ وتباسىنداعىلارعا كوكتەم مەرەكەسى بايلانىسىمەن تىلەك جولدادى. جاۋاپ حاتتىڭ تولىق مازمۇنى تومەندەگىدەي:
”قايسار 6 - ليان“دەگى بارلىق كوماندير - جاۋىنگەرلەر:
سالەمەتسىزدەر! جازعان حاتتارىڭىزدى تاپسىرىپ الدىم. 2004 - جىلى مەن ارنايى ليان - دۇيگە بارىپ وزدەرىڭىزگە امانداسقان ەدىم. سىزدەردىڭ قورعانىستىق اۋىسۋدان كەيىن داڭقتى ءداستۇردى ساۋلەلەندىرىپ، جاڭا ناتيجەلەرگە جانە العا باسۋلارعا قول جەتكىزگەندىكتەرىڭىزدى ءبىلىپ، قاباعات قۋانعان ەدىم.
نەگىزگى ساتى − اسكەري ءبولىمنىڭ بارلىق قىزمەتى مەن جاۋىنگەرلىك قۋاتىنىڭ نەگىزى. سىزدەردىڭ ارميانى قۇدىرەتتەندىرۋ نىساناسىن ەستە بەرىك ساقتاپ، قىزىل گەندى جالعاستىرىپ، جەڭىسكە جەتۋ قابىلەتىنە جالىقپاي جاتتىعىپ، ”قايسار رۋح“تى اسقاقتاتا ساۋلەلەندىرىپ، ليان - دۇيدى اناعۇرلىم قۋاتتى ەتىپ قۇرىپ شىعۋلارىڭىزدى ءۇمىت ەتەمىن.
كوكتەم مەرەكەسى تاياپ قالدى، مەن سىزدەرگە جانە وتباسىڭىزداعىلارعا شىنايى سالەم جولدايمىن جانە تاماشا تىلەك تىلەيمىن.
شي جينپيڭ
2020 - جىلى 1 - ايدىڭ 18 - كۇنى
”قايسار 6 - ليان“ داڭقتى داستۇرگە يە قاھارمان ليان - دۇي. 1964 - جىلى وسى ليانگە مەملەكەت قورعانىسى مينيسترلىگى ”قايسار 6 - ليان“ داڭقتى اتاعىن بەرگەن. شي جينپيڭ نەگىزگى ساتىنى كوكەيىندە ساقتاپ، كوماندير - جاۋىنگەرلەرگە سۇيىسپەنشىلىك ارناپ، ”قايسار 6 - ليان“گە ايرىقشا كوڭىل ءبولىپ كەلەدى. 2004 - جىلى شي جينپيڭ ليان - دۇيگە ات بەرىلگەندىگىنىڭ 40 جىلدىعىن ەسكە ءتۇسىرۋ جينالىسىنا ارنايى قاتىناسىپ، ليان - دۇيگە شىن ىقىلاسپەن امانداستى. 2014 - جىلى بۇكىل ارميانىڭ گۋتيان ساياسي قىزمەت ءماجىلىسى كەزىندە، شي جينپيڭ ليان - دۇيدىڭ سول كەزدەگى جەتەكشىسىن قابىلداپ، بۇكىل ليانداعى كوماندير - جاۋىنگەرلەرگە شىنايى سالەم جولدادى. جۋىردا ”قايسار 6 - ليان“دەگى بارلىق كوماندير - جاۋىنگەرلەر كوكىرەك كەرنەگەن تەرەڭ سۇيىسپەنشىلىكپەن ءتوراعا شي جينپيڭگە حات جازىپ، وزدەرىنىڭ قورعانىستىق اۋىسۋدان بەرگى قىزمەت، ۇيرەنۋ سياقتى جاقتارداعى جاعدايلارىنان مالىمەت بەرىپ، ءتوراعا شي جينپيڭنىڭ تاپسىرماسىن ەستە بەرىك ساقتاۋ، داڭقتى ءداستۇردى ساۋلەلەندىرۋ، ارميانى قۇدىرەتتەندىرىپ، جەڭىسكە جەتۋگە تالپىنۋ بەرىك بەكىمدەرىن ءبىلدىردى.
