شي جينپيڭ بيرمانىڭ مەملەكەت ىستەر اقىلشىسى اڭشانسۋجيمەن كەزدەستى
جەرگىلىكتى ۋاقىت 1 - ايدىڭ 17 - كۇنى تۇستەن كەيىن مەملەكەت ءتوراعاسى شي جينپيڭ نايپيداۋداعى زۇڭتۇڭ سارايىندا بيرمانىڭ زۇڭتۇڭى ۋىنمين وتكىزگەن قارسى الۋ سالتىنا قاتىناسقان سوڭ، بيرمانىڭ مەملەكەت ىستەر اقىلشىسى اڭشانسۋجي زۇڭتۇڭ سارايىنا ارنايى بارىپ، شي جينپيڭدى قارسى الدى جانە امانداستى.
اڭشانسۋجي ءتوراعا شي جينپيڭنىڭ بيرمادا مەملەكەتتىك ساپاردا بولعاندىعىن قىزۋ قارسى الدى، ول مىنالاردى ءبىلدىردى: بيرما جاقتىڭ وسى ساپاردى كۇتكەنىنە ۇزاق بولدى. ءتوراعا شي جينپيڭنىڭ وسى رەتكى ساپارى جۇڭگونىڭ كوكتەم مەرەكەسى تاياعان كەزگە ءارى بيرما مەن جۇڭگونىڭ ديپلوماتيالىق قارىم - قاتىناس ورناتقاندىعىنىڭ 70 جىلدىعى تۇسىنا تۋرا كەلدى، ءتىپتى دە ەرەكشە ءمان الادى. بيرما جاق جۇڭگو جاقتىڭ ۇزاق جىلداردان بەرى بيرمانى بارىنشا قولداپ - قۋاتتاپ كەلگەندىگىنە توتەنشە العىس ايتادى جانە قادىرلەيدى. بيرما مەن جۇڭگونىڭ باۋىرلاستىق دوستىعى ءداۋىردىڭ سان قيلى سىنىنان وتكەن، ونىڭ تەرەڭ ءمانىن تەك ءبىز عانا ابدەن بىلەمىز. جۇڭگو ەجەلدەن ءبىزدىڭ جاقسى دوسىمىز، تاعدىر ءبىز ەكى جاقتى الدەقاشان مىقتاپ بايلانىستىرعان. بيرما جاق جۇڭگو جاقپەن بەينەتتە دە، زەينەتتە دە ۇزبەي بىرگە بولىپ، تاعدىرلاس ورتاق تۇلعا قالىپتاستىرۋدى قالايدى. ءتوراعا شي جينپيڭنىڭ وسى رەتكى ساپارىنىڭ ەكى ەل قارىم - قاتىناسىندا تىڭ دامۋعا قول جەتكىزۋدى، ءسوزسىز، جەبەيتىندىگىنە كامىل سەنەمىن.
شي جينپيڭ بيرما ۇكىمەتى مەن حالقىنىڭ شىن ىقىلاسپەن قارسى العاندىعىنا العىس ايتتى. شي جينپيڭ مىنالاردى ءبىلدىردى: وسى رەت مەن مەملەكەت ءتوراعاسى رەتىندە بيرماعا تۇڭعىش رەت ساپارلاي كەلدىم ءارى بيىلعى تۇڭعىش رەتكى ساپارىم، ەكى جاقتىڭ جۇڭگو مەن بيرمانىڭ ديپلوماتيالىق قارىم - قاتىناس ورناتقاندىعىنىڭ 70 جىلدىعىن بىرگە قۇتتىقتاپ جەلىلەس قيمىلداردى باستاۋى ماڭىزدى ءمان الادى. جۇڭگو جاق بيرمانىڭ ءوزى تاڭداعان دامۋ جولىمەن ءجۇرۋىن تاباندىلىقپەن قولدايدى، ەكى ەل جانە ەكى ەل حالقى اراسىنداعى باۋىرلاستىق سۇيىسپەنشىلىكتى بەكەمدەپ جانە تەرەڭدەتىپ، ونىڭ مازمۇنىن ۇزدىكسىز ونان ارى بايىتىپ، جۇڭگو مەن بيرمانىڭ تاعدىرلاس ورتاق تۇلعاسىن بىرگە قالىپتاستىرۋدى قالايدى.
