1. اعىمداعى ورىن:
  2. باس بەت
  3. اعىم جاڭالىقتارى
  4. ەل ءىشى حابارالرى
  5. زاڭ - ەرەجە

شي جينپيڭ ۇسىنىس بويىنشا ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى رۋان فۋجۇڭمەن تەلەفوندا سويلەستى

日期:2020年01月18日
来源:新疆日报
【字体:

شي جينپيڭ ۇسىنىس بويىنشا ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى رۋان فۋجۇڭمەن تەلەفوندا سويلەستى

 1 - ايدىڭ 16 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ ۇسىنىس بويىنشا ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى رۋان فۋجۇڭمەن تەلەفوندا سويلەستى.

شي جينپيڭ مىنالاردى ءبىلدىردى: بيىل − جۇڭگو مەن ۆيەتنام ديپلوماتيالىق قارىم - قاتىناس ورناتقاندىعىنىڭ 70 جىلدىعى، سونداي - اق جۇڭگو - ۆيەتنام ەكى ەلدىڭ سوتسياليزم ىستەرىنىڭ ۇلى ساپارىندا اسا ماڭىزدى مانگە يە ءبىر جىل. مەن ەكى ەل حالقىنىڭ ءداستۇرلى مەرەكەسى كوكتەم مەرەكەسىن بىرگە قارسى الۋ قارساڭىندا باس شۋجي جولداسپەن تەلەفوندا سويلەسكەنىمە ايرىقشا قۋانىشتىمىن. سوڭعى جىلداردان بەرى، مەن باس شۋجي جولداسپەن تىعىز تىلدەسۋدى، بارىس - كەلىستى ساقتاپ، ەكى پارتيانىڭ، ەكى مەملەكەتتىڭ قارىم - قاتىناسىن دامىتۋ جونىندە ءبىرسىپىرا ماڭىزدى ورتاق تانىمعا كەلدىك. جۇڭگو - ۆيەتنام قارىم - قاتىناسى بەلسەندى، جاقسى بەتالىسقا قاراي دامىپ، ەكى ەلدىڭ سوتسياليزم ىستەرىنە جاڭا قوزعاۋشى كۇش ۇستەدى، سونداي - اق دۇنيە ءجۇزى مەن وسى ءوڭىردىڭ بەيبىتشىلىگى مەن دامۋى ءۇشىن بەلسەندى ۇلەس قوستى.

شي جينپيڭ بىلاي دەپ باسا دارىپتەدى: جۇڭگو مەن ۆيەتنام − بولاشاعى بايلانىسقان، تاعدىرى ورتاق جاقسى كورشى، جاقسى دوس، جاقسى جولداس، جاقسى سەرىك، قازىر جۇڭگو مەن ۆيەتنام ەكى ەلدىڭ سوتسياليزم ىستەرى قارىشتاي دامۋدا، سونىمەن قاتار اناعۇرلىم كوپ حاۋىپ - قاتەر مەن سىن - سايىسقا دا ءدوپ كەلۋدە، مەن باس شۋجي جولداسپەن ستراتەگيالىق تىلدەسۋدى كۇشەيتىپ، جاڭا داۋىردەگى جۇڭگو - ۆيەتنام قارىم - قاتىناسى ءۇشىن جاڭا جوبا كەسكىندەپ، جەتەكشىلىك ەتىپ، باعدار بەلگىلەۋدى قالايمىن. ءبىز ەكى جاقتىڭ ساياسي جاقتاعى ءوزارا سەنىمدىلىگىن ۇزدىكسىز نىعايتىپ، جۇڭگو - ۆيەتنام ءداستۇرلى دوستىعىن اسقاقتاتىپ، ەكى ەل قارىم - قاتىناسىنىڭ نەگىزىن بەكەمدەۋمەن بىرگە، كەلەلى جاعدايدى جانە ۇزاق بولاشاقتى كوزدەي وتىرىپ الاۋىزدىقتاردى لايىقتى ءبىر جاقتى ەتىپ جانە شەشىپ، ەكى ەل دامۋىنىڭ سىرتقى ورتاسىن ويداعىداي قورعاۋىمىز كەرەك. ەكى جاق ورايدى مىقتى يگەرىپ، ءتيىمدى جاعدايدان پايدالانىپ ورگە ۇمتىلىپ، اۋىس - كۇيىستىڭ، سەلبەستىكتىڭ دەڭگەيىن جاپپاي جوعارىلاتىپ، ”ءبىر بەلدەۋ، ءبىر جول“دى بىرگە قۇرۋدى ىلگەرىلەتىپ، جۇڭگو مەن ۆيەتنامنىڭ اۋىس - كۇيىسىن، سەلبەستىگىن ۇزدىكسىز زورايتىپ، ەكى ەل حالقىن اناعۇرلىم كوپ تابىس سەزىمىنە، باقىت سەزىمىنە كەنەلتۋ كەرەك.

شي جينپيڭ بىلاي دەپ اتاپ كورسەتتى: جۇڭگو مەن ۆيەتنام ەكى ەلدىڭ كوممۋنيستىك پارتيالارى − ءوز - ءوزىنىڭ سوتسياليزم ىستەرىنىڭ باسشىلىق ۇيتقىسى، جۇڭگو - ۆيەتنام قارىم - قاتىناسىندا دا شەشۋشى جەتەكشىلىك رول اتقارۋدا. ۆيەتنام كوممۋنيستىك پارتياسى پارتيا قۇرىلعاندىعىنىڭ 90 جىلدىعىن قارسى الۋ الدىندا تۇر، مەن جۇڭگو كوممۋنيستىك پارتياسى مەن جۇڭگو حالقى اتىنان ۆيەتنام كوممۋنيستىك پارتياسىن جانە ۆيەتنام حالقىن قىزۋ قۇتتىقتايمىن. جۇڭگو كوممۋنيستىك پارتياسى ۆيەتنام كوممۋنيستىك پارتياسىمەن قول ۇستاسا قۇلشىنىپ، جاڭا داۋىردەگى جۇڭگو - ۆيەتنام ەكى ەلدىڭ سوتسياليزم ىستەرىنىڭ جانە ەكى جاقتى قارىم - قاتىناستىڭ جاڭا ءورىسىن اشۋدى قالايدى.

رۋان فۋجۇڭ مىنالاردى ءبىلدىردى: گىڭزى جىلعى كوكتەم مەرەكەسى جانە ەكى ەلدىڭ ديپلوماتيالىق قارىم - قاتىناس ورناتقاندىعىنىڭ 70 جىلدىعى قارساڭىندا باس شۋجي شي جينپيڭمەن تەلەفوندا سويلەسكەنىمە ايرىقشا قۋانىشتىمىن، جاڭا جۇڭگو قۇرىلعاندىعىنىڭ 70 جىلدىعىن جانە رەفورما جاساعان، ەسىك اشقان 40 جىلدان بەرى قول جەتكىزگەن وراسان زور دامۋ جەتىستىكتەرىن قۇتتىقتايمىن، جۇڭگونىڭ ۇزاق ۋاقىتتان بەرى ۆيەتنامنىڭ ۇلت ازاتتىعى جانە سوتسياليزم ىستەرى ءۇشىن قىمباتتى قولداۋ جانە كومەك كورسەتىپ كەلە جاتقاندىعىنا العىس ايتامىن. وتكەن 70 جىلدا ۆيەتنام - جۇڭگو قارىم - قاتىناسى جالپى جاقتان بەلسەندى دامۋ ارىنىن ساقتادى، جاڭا جاعداي مەن مىندەت الدىندا، ۆيەتنام جاق جۇڭگو جاقپەن ساياسي جاقتاعى ءوزارا سەنىمدىلىكتى جانە ەل باسقارۋ تاجىريبەلەرى جونىندەگى اۋىس - كۇيىستى كۇشەيتىپ، ەكونوميكا سياقتى سالالارداعى ناقتى سەلبەستىكتى ىلگەرىلەتىپ، ەكى ەلدىڭ دوستىق سەلبەستىگىنىڭ حالىق تىلەگى نەگىزىن بەكەمدەۋدى، سونداي - اق كوپ جاقتى ورتاداعى تىلدەسۋدى، سايكەسۋدى كۇشەيتىپ، ەكى پارتيا، ەكى مەملەكەت قارىم - قاتىناسىنىڭ اناعۇرلىم زور دامۋعا قول جەتكىزۋىن ىلگەرىلەتۋدى قالايدى.

شي جينپيڭ مەن رۋان فۋجۇڭ كوكتەم مەرەكەسى بايلانىسىمەن ءوزارا سالەم جولداپ، ەكى ەل حالقىنىڭ جاڭا جىلدارىنىڭ قۇتتى بولۋىنا بىرگە تىلەكتەستىك ءبىلدىردى.