شي جينپيڭ بيرمانىڭ زۇڭتۇڭى ۋىنمينمەن كەڭەس وتكىزدى
ۋىنمين وتكىزگەن قارسى الۋ سالتىنا جانە قارسى الۋ قوناعاسىنا قاتىناستى
جەرگىلىكتى ۋاقىت 1 - ايدىڭ 17 - كۇنى تۇستەن كەيىن مەملەكەت ءتوراعاسى شي جينپيڭ نايپيداۋدا بيرمانىڭ زۇڭتۇڭى ۋىنمينمەن كەڭەس وتكىزدى.
جەرگىلىكتى ۋاقىت 1 - ايدىڭ 17 - كۇنى تۇستەن كەيىن مەملەكەت ءتوراعاسى شي جينپيڭ نايپيداۋدا بيرمانىڭ زۇڭتۇڭى ۋىنمينمەن كەڭەس وتكىزدى.
شي جينپيڭ مىنالاردى ءبىلدىردى: بۇگىن جۇڭگونىڭ ەگىنشىلىك كالەندارى بويىنشا ”كىشى جىل“، مەن جۇڭگو ۇكىمەتى مەن جۇڭگو حالقى اتىنان بيرما ۇكىمەتىنە جانە بيرما حالقىنا كوكتەم مەرەكەسى بايلانىسىمەن باقىت تىلەيمىن. شي جينپيڭ بىلاي دەپ اتاپ كورسەتتى: مەن جۇڭگو مەن بيرما ديپلوماتيالىق قارىم - قاتىناس ورناتقاندىعىنىڭ 70 جىلدىعى قارساڭىندا بيرمانى جاڭا جىلدا العاش ساپاردا بولاتىن مەملەكەت ەتىپ تاڭداۋىم، جۇڭگو مەن بيرمانىڭ باۋىرلاستىق سۇيىسپەنشىلىگىنە جانە جۇڭگو - بيرما قارىم - قاتىناسىن تەرەڭدەتۋگە ايرىقشا ءمان بەرەتىندىگىمدى ايگىلەيدى. مەن وسى جولعى ساپارىم ارقىلى 3 ءتۇيىندى ينفورماتسيا تاراتۋدى ءۇمىت ەتەمىن: ءبىرىنشى، جۇڭگو ۇكىمەتى مەن جۇڭگو حالقى بيرما ۇكىمەتى مەن بيرما حالقىنىڭ ءوز مەملەكەتىنىڭ مەملەكەت جاعدايىنا ۇيلەسەتىن دامۋ جولىمەن ءجۇرىپ، مەملەكەتتى دامىتۋ ىستەرىن ۇزدىكسىز ىلگەرىلەتۋىنە باتىل قولداۋ كورسەتەدى؛ ەكىنشى، جۇڭگو مەن بيرمانىڭ جان - جاقتى ستراتەگيالىق سەلبەستىك سەرىكتەستىك قارىم - قاتىناسىنا تەرەڭ نەگىز قالانعان، جۇڭگو مەن بيرمانىڭ تاعدىرلاس ورتاق تۇلعاسىن قۇرۋعا بىرگە قۇلشىنۋ ەكى ەل قارىم - قاتىناسى دامۋىنا تىڭ قوزعاۋشى كۇش جانە ومىرشەڭدىك ۇستەيدى؛ ءۇشىنشى، جۇڭگو جاق بيرما جاقپەن ناقتى سەلبەستىكتى بەلسەنە ىلگەرىلەتىپ، ”ءبىر بەلدەۋ، ءبىر جول“ باستاماسىن بيرمانىڭ دامۋ ستراتەگياسىمەن ۇشتاستىرۋدى تەزدەتىپ، ەكى جاقتى ءوزارا ءتيىمدى سەلبەستىكتىڭ اناعۇرلىم مول جەمىس بەرۋىنە مۇمكىندىك جاساپ، ەكى ەل حالقىن باقىتقا كەنەلتۋدى قالايدى. جۇڭگو جاق بيرما جاقپەن قول ۇستاسا وتىرىپ ءداستۇرلى باۋىرلاستىق سۇيىسپەنشىلىكتى اسقاقتاتىپ، دامۋ جوباسىن بىرگە كەسكىندەپ، جۇڭگو - بيرما قارىم - قاتىناسىنىڭ جاڭا ءداۋىرىن اشۋدى قالايدى.
شي جينپيڭ بىلاي دەپ باسا دارىپتەدى: ءبىز جۋىقتا عانا جاڭا جۇڭگو قۇرىلعاندىعىنىڭ 70 جىلدىعىن قۇتتىقتادىق. 70 جىلدان بەرى، جۇڭگو وراسان زور دامۋ جەتىستىكتەرىنە قول جەتكىزگەن اماليات مىنانى دالەلدەدى: جۇڭگو حالقىنىڭ تاڭداعان دامۋ جولى تابىستى بولدى، ءبىز وسى جولمەن ۇزدىكسىز بۇلجىماستان جۇرە بەرەمىز. جۇڭگونىڭ بولاشاعىنا ءبىز كامىل سەنىم ارتامىز. جۇڭگو بەيبىت دامۋعا تاباندى بولادى، ماڭگى زورەكەر بولماۋعا تاباندى بولادى. بۇل ءۇشىن، مەن ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋدى ورتاعا قويدىم، وسى جەر شارى قىستاعىنداعى ءار ەلدىڭ تاتۋ ءوتۋىن، ءوزارا تيىمدىلىك جاساپ، تەڭ يگىلىككە كەنەلۋىن ءۇمىت ەتەمىن. ادامزاتتىڭ تاعدىرلاس ورتاق تۇلعاسىن قۇرۋدى، ەڭ الدىمەن توڭىرەكتەن باستاعان ءجون، تاتۋ كورشى، تىنىش كورشى، باي كورشى بولۋعا تاباندى بولۋ كەرەك. جۇڭگو سىرتپەن سەلبەستىك ورىستەتكەندە ەشقاشان باسقالارعا زورلاپ تاڭبايدى، باسقا ەلدىڭ ىشكى ىسىنە ەشقاشان ارالاسپايدى، سەن جەڭىلىپ مەن جەڭۋگە، ءبىر جاق ءبارىن قي سىپىرۋعا قارسى تۇرادى. جۇڭگو جاق بيرما جاقپەن ”ءبىر بەلدەۋ، ءبىر جول“دى بىرگە قۇرۋ اياسىندا جۇڭگو - بيرما ەكونوميكالىق ءدالىزىنىڭ ءتۇيىندى سەلبەستىك نىساندارىنىڭ قۇرىلىسىن ورنىقتى قاداممەن ىلگەرىلەتىپ، جەرگىلىكتى حالىققا اناعۇرلىم مول پايدا جەتكىزىپ، ولاردىڭ اناعۇرلىم مول تابىس سەزىمىنە جانە باقىت سەزىمىنە كەنەلۋىنە مۇمكىندىك جاساۋدى قالايدى. جۇڭگو جاق حالىقارالىق ساحنادا بيرمانىڭ زاڭدى ۇقىق - مۇددەسىن جانە مەملەكەتتىڭ ار - نامىسىن قورعاۋىنا ۇزدىكسىز باتىل قولداۋ كورسەتەدى.
ۋىنمين بيرما ۇكىمەتى جانە بارلىق بيرما حالقى اتىنان ءتوراعا شي جينپيڭنىڭ بيرمادا مەملەكەتتىك ساپاردا بولعاندىعىن قىزۋ قارسى الدى، وسى رەتكى ساپاردىڭ، ءسوز جوق، تاريحي ساپارعا اينالىپ، بيرما - جۇڭگو قارىم - قاتىناسىنىڭ جاڭا تاراۋىن اشاتىندىعىنا سەنەتىندىگىن ءبىلدىردى. ۋىنمين جاڭا جۇڭگو قۇرىلعان 70 جىلدان بەرى قول جەتكىزگەن ۇلى جەتىستىكتەردى قۇتتىقتاپ، جۇڭگونىڭ بيرما سياقتى وركەندەپ كەلە جاتقان ەلدەرمەن ەل باسقارۋ تاجىريبەلەرىن ءتىپتى دە كوبىرەك ءبولىسۋىن ءۇمىت ەتتى، جۇڭگونىڭ تابىستى تاجىريبەسىنىڭ بيرمانىڭ ەكونوميكالىق دامۋىنا، حالىق تۇرمىسىن جاقسارتۋىنا، كەدەيلىكتەن ارىلىپ، بايۋىنا پايدالى ۇلگى ۇسىناتىندىعىنا سەنەتىندىگىن ءبىلدىردى. ول مىنانى ءبىلدىردى: بيرما جاق جۇڭگو جاقتىڭ راحاين شتاتى سياقتى ماسەلەلەردە كورسەتكەن تۇسىنىستىگى مەن قولداۋىنا العىس ايتادى، جۇڭگو جاقتىڭ بيرمانىڭ ەل ءىشى بەيبىتشىلىك ۇدەرىسىندە اتقارعان سىندارلى رولىن القايدى. بيرما جاق ءبىر جۇڭگو پرينسيبىن تاباندىلىقپەن ۇستانادى، جۇڭگونىڭ شياڭگاڭدا، اۋمىندا اتقارعان ”ءبىر ەل، ەكى ءتۇزىم“ باعىتىنا قۇرمەت ەتەدى، باستان - اياق تايۋاندى جۇڭگو تەرريتورياسىنىڭ ايرىلماس ءبىر بولىگى دەپ قارايدى. بيرما جاق ءتوراعا شي جينپيڭ باستاما كوتەرگەن ادامزاتتىڭ تاعدىرلاس ورتاق تۇلعاسىن قۇرۋدى قولدايدى، جۇڭگو جاقپەن بىرگە بيرما - جۇڭگو تاعدىرلاس ورتاق تۇلعاسىن بەلسەنە قۇرۋدى قالايدى. جۇڭگو جاق بيرمانىڭ ەكونوميكالىق، قوعامدىق دامۋىنا قالتقىسىز كومەك كورسەتتى، سەلبەستىك ارقىلى حالىق تۇرمىسىنا تيىمدىلىك جاسادى، قورشاعان ورتانى قورعاۋعا ءمان بەردى. ەكى جاقتىڭ ”ءبىر بەلدەۋ، ءبىر جول“ اياسىندا بيرما - جۇڭگو ەكونوميكالىق ءدالىزى قۇرىلىسىن بىرگە قۇرۋدى ىلگەرىلەتۋى بيرما مەملەكەتىنىڭ دامۋى جونىندە ايرىقشا ماڭىزدى ءمان الادى، سەلبەستىكتىڭ ۇزدىكسىز تەرەڭدەۋىنە مەڭزەس، بيرما - جۇڭگو قارىم - قاتىناسىنىڭ اناعۇرلىم زور دامۋعا قول جەتكىزەتىندىگىنە سەنەمىن.
ديڭ شۋەشياڭ، ياڭ جيەچى، ۋاڭ ي، حى ليفىڭ قاتارلىلار كەڭەسكە قاتىناستى.
جەرگىلىكتى ۋاقىت 1 - ايدىڭ 17 - كۇنى تۇستەن كەيىن مەملەكەت ءتوراعاسى شي جينپيڭ نايپيداۋداعى زۇڭتۇڭ سارايىندا بيرمانىڭ زۇڭتۇڭى ۋىنمين وتكىزگەن سالتاناتتى قارسى الۋ سالتىنا قاتىناستى.
1 - ايدا نايپيداۋدا كۇن شۇلەن شۋاعىن توگىپ، اعاش - شوپتەر جايقالىپ تۇردى. زۇڭتۇڭ سارايىنىڭ الدىنداعى كوگالدا ءور تۇلعالى قۇرمەت قاراۋىلدارى ساقاداي سايلانىپ، قاتار تۇزەپ تۇر.
ۋىنمين زۇڭتۇڭ سارايى الدىندا شي جينپيڭدى ىستىق ىقىلاسپەن كۇتىپ الدى. ەكى ەلدىڭ مەملەكەت باسشىلارى قۇرمەت قاراۋىلى مىنبەسىنە بىرگە كوتەرىلدى، قۇرمەت قاراۋىلدارى مىلتىقتارىن كوتەرىپ قۇرمەت ءبىلدىردى، اسكەري وركەستر جۇڭگو مەن بيرمانىڭ مەملەكەت ءانىن ورىندادى. شي جينپيڭ ۋىنميننىڭ سەرىك بولۋىندا قۇرمەت قاراۋىلىن كوزدەن كەشىردى. ەكى ەلدىڭ مەملەكەت باسشىلارى جەكە - جەكە ءبىر - ءبىرىنىڭ سەرىك بولىپ كەلگەن ادامدارىمەن ءبىر - بىردەن قول الىسىپ امانداستى.
ديڭ شۋەشياڭ، ياڭ جيەچى، ۋاڭ ي، حى ليفىڭ قاتارلىلار قارسى الۋ سالتىنا قاتىناستى.
جەرگىلىكتى ۋاقىت 1 - ايدىڭ 17 - كۇنى كەشتە مەملەكەت ءتوراعاسى شي جينپيڭ نايپيداۋدا بيرما زۇڭتۇڭى ۋىنميننىڭ زۇڭتۇڭ سارايىندا وتكىزگەن سالتاناتتى قارسى الۋ قوناعاسىنا قاتىناستى.
شي جينپيڭ بيرمانىڭ زۇڭتۇڭى ۋىنمين، مەملەكەت ىستەر اقىلشىسى اڭشانسۋجي، ءبىرىنشى ورىنباسار زۇڭتۇڭ مينرۇي، ەكىنشى ورىنباسار زۇڭتۇڭ حىڭليبانتيۇي قاتارلىلاردىڭ سەرىك بولۋىندا قوناعاسى زالىنا كىردى.
اسكەري وركەستر جۇڭگو مەن بيرمانىڭ مەملەكەت ءانىن ورىندادى.
ۋىنمين ارناۋ سوزىندە مىنالاردى ءبىلدىردى: ءتوراعا شي جينپيڭ بيرمانى جاڭا جىلدا العاش ساپاردا بولاتىن مەملەكەت ەتكەندىگىن بيرما حالقى ايرىقشا داڭق سەزىنەدى. بيرما جاق جۇڭگو جاقتىڭ بيرمانىڭ بەيبىتشىلىگى مەن دامۋىنا كورسەتكەن قولداۋى مەن كومەگىنە العىس ايتادى. بيرما مەن جۇڭگو ەكى ەل باستان - اياق بەيبىت قاتار تۇرۋ بەس پرينسيبىن ۇستانىپ، ءوزارا قۇرمەت ەتىپ، ءبىرىن - ءبىرى ءتۇسىنىپ، اناعۇرلىم تىعىز سەلبەستىك سەرىكتەستىك قارىم - قاتىناستى دامىتۋعا كۇش سالىپ كەلەدى. ءتوراعا شي جينپيڭنىڭ وسى جولعى ساپارىنىڭ ەكى ەل قارىم - قاتىناسىنىڭ دامۋىنداعى ماڭىزدى بەلەس بولاتىندىعىنا سەنەمىن. ءتوراعا شي جينپيڭنىڭ ساپارىنىڭ تولىق تابىستى، ءساتتى بولۋىن، مول ناتيجەگە قول جەتكىزۋىن تىلەيمىن!
شي جينپيڭ ارناۋ سوزىندە الدىمەن بيرما ۇكىمەتى مەن بيرما حالقىنىڭ ىستىق ىقىلاستى قارسى الۋى مەن جان - جاقتى ورنالاستىرۋىنا العىس ايتتى. شي جينپيڭ بىلاي دەپ اتاپ كورسەتتى: تاريحقا قايىرىلا قاراساق، ەكى ەلدىڭ باۋىرلاستىق سۇيىسپەنشىلىگىنىڭ مىڭداعان جىلداردان ءوتىپ، ۋاقىت وتكەن سايىن بەكەمدەلە ءتۇسۋىنىڭ سەبەبى، ەكى جاقتىڭ جۇرەكتەس، نيەتتەس بولىپ، شىنايى، ادال ارالاساتىن باۋىرلاستىق سۇيىسپەنشىلىگىنە باستان - اياق تاباندى بولۋىندا، بوران - شاشىندا قاتار ءجۇرىپ، قيىندىقتى تەڭ كوتەرەتىن تاڭداۋلى داستۇرگە تاباندى بولۋىندا، ءوزارا قۇرمەت ەتەتىن، ءبىر - بىرىنە تيىمدىلىك جاساپ، تەڭ يگىلىككە كەنەلەتىن سەلبەستىك باعىتىندا تاباندى بولۋىندا جاتقاندىعىن كورەمىز. بولاشاققا كوز سالعاندا، ەكى جاق جۇڭگو مەن بيرمانىڭ ديپلوماتيالىق قارىم - قاتىناس ورناتقاندىعىنىڭ 70 جىلدىعىن وراي ەتىپ، قول ۇستاسا وتىرىپ جۇڭگو - بيرما تاعدىرلاس ورتاق تۇلعاسىن قۇرىپ، جۇڭگو - بيرما قارىم - قاتىناسىنىڭ جاڭا ءداۋىرىن اشۋ كەرەك.
شي جينپيڭ بىلاي دەپ باسا دارىپتەدى: ءبىز تار جول، تايعاق كەشۋدەن بىرگە وتەتىن جاقسى كورشى بولۋعا تاباندى بولىپ، تاتۋ كورشىلىك دوستىق رۋحىن ۇزدىكسىز ۇستانىپ، ەكى ەل حالقىنىڭ تىنىش ءومىر، شات - شادىمان تىرشىلىك كەشۋى جانە ەكونوميكالىق، قوعامدىق دامۋى ءۇشىن اناعۇرلىم تاماشا ورتا ازىرلەۋىمىز كەرەك. بەينەت پەن زەينەتتى بىرگە وتكەرەتىن جاقسى دوس بولۋعا تاباندى بولىپ، جاڭا جاعدايدا ۇزدىكسىز قول ۇستاسا وتىرىپ بەيبىت قاتار تۇرۋ بەس پرينسيبىنىڭ رۋحىن اسقاقتاتىپ، ءبىر - ءبىرىنىڭ ءجىتى قاداعالاپ وتىرعان كەلەلى ماسەلەلەرىنە باتىل قولداۋ كورسەتىپ، دۇنيە ءجۇزىنىڭ بەيبىتشىلىگىن، ورنىقتىلىعىن جانە گۇلدەنۋىن، دامۋىن بىرگە جەبەۋ كەرەك. سەلبەسىپ تەڭ يگىلىككە كەنەلەتىن جاقسى سەرىكتەس بولۋعا تاباندى بولىپ، جۇڭگو - بيرما ەكونوميكالىق ءدالىزىنىڭ ناقتى قۇرىلىس جۇرگىزۋگە ءوتۋىن ىلگەرىلەتىپ، ەكى ەلدىڭ ءار سالاداعى بارىس - كەلىسى، سەلبەستىگى ءۇشىن ۇلگىلىك، جەتەكشىلىك رول اتقارىپ، ەكى ەل حالقىنا اناعۇرلىم كوپ ىرىس - قۇت اكەلۋ كەرەك. جۇرەگى جالعاسقان جاقسى باۋىرلاس بولۋعا تاباندى بولىپ، حالىق تىلەگىنە قول جەتكىزىپ، حالىق تىلەگىنەن شىعىپ، حالىق تۇرمىسىنا تيىمدىلىك جاساپ، جۇڭگو مەن بيرمانىڭ دوستىق ىستەرىن ۇرپاقتان - ۇرپاققا جالعاستىرا بەرۋ كەرەك. جاڭا ءبىر جىلدا جۇڭگو مەن بيرما ەكى ەلدىڭ جالعاستى ءبىر - بىرىنە قارايلاسىپ، ءوزارا كومەكتەسىپ، قول ۇستاسا بىرگە ىلگەرىلەپ، مەملەكەت دامۋىنىڭ جاڭا جاعدايىن اشىپ، جۇڭگو - بيرما دوستىعىنىڭ جاڭا تاراۋىن جازاتىندىعىنا سەنەمىن.
ديڭ شۋەشياڭ، ياڭ جيەچى، ۋاڭ ي، حى ليفىڭ قاتارلىلار قاتىناستى.
