مەملەكەت ءتوراعاسى شي جينپيڭ 12 - ايدىڭ 9 - كۇنى كەشتە ۋادە بويىنشا ەۆروپا القالار كەڭەسىنىڭ ءتوراعاسى ميچەلمەن تەلەفوندا سويلەستى.
شي جينپيڭ ميچەلدىڭ ەۆروپا القالار كەڭەسىنىڭ جاڭا كەزەكتى ءتوراعاسى بولىپ سايلانعاندىعىن ءارى مىندەتكە وتىرعاندىعىن قۇتتىقتادى. شي جينپيڭ بىلاي دەپ اتاپ كورسەتتى: جۇڭگو - ەۆروپا تۇگەلدەي كوپ جاقتىلىقتى، ەركىن ساۋدانى جاقتايدى. تۇگەلدەي دۇنيە جۇزىلىك ساۋدا ۇيىمىن وزەك ەتكەن كوپ جاقتى ساۋدا ءتۇزىلىسىن باتىل قورعايدى، تۇگەلدەي ءار ەلدىڭ ەرەجە بويىنشا ىستەۋىن جاقتايدى. قازىرگى جاعدايدا، جۇڭگو - ەۆروپا بايلانىستى، سايكەستىكتى، سەلبەستىكتى كۇشەيتىپ، جۇڭگو - ەۆروپا جالپى بەتتىك ستراتەگيالىق سەرىكتەستىك قارىم - قاتىناسىنىڭ ورنىقتى دامۋىنا شىنايى كەپىلدىك ەتۋ ەكى جاقتىڭ ورتاق مۇددەسىنە ساي كەلىپ قالماستان، دۇنيە جۇزىنە ءتىپتى دە كوپ ورنىقتىلىق، تياناقتىلىق، وڭ ەنەرگيا دا الا كەلەدى. جۇڭگو جاق ەۆروپا وداعىمەن قارىم - قاتىناسىنا ستراتەگيالىق بيىكتەن جانە ۇزاق تۇرعىدان نازار سالادى، جۇڭگو - ەۆروپا ءوزارا پايدا جەتكىزەتىن سەلبەستىك سەرىك، استە نولدىك جيىنتىق باسەكەلەس قارسىلاستاردان ەمەس. جۇڭگونىڭ دامۋى ەۆروپا ءۇشىن وراي، باسەكە ەمەس. جۇڭگو - ەۆروپا قارىم - قاتىناسىنىڭ دامۋ بولاشاعى كەڭ. جۇڭگو جاق ەۆروپا وداعىنا قاراتقان ساياساتىنىڭ ۇلاسپالىلىعى مەن ورنىقتىلىعىن ساقتايدى، اۋەلگىدەي ەۆروپا وداعىنىڭ دامۋىن قولدايدى، ەۆروپا وداعىنىڭ حالىقارادا بەلسەندى جانە ماڭىزدى رول ساۋلەلەندىرۋىن قولدايدى. جاڭا كەزەكتى ەۆروپا وداعى قۇرىلىمنىڭ جۇڭگوعا قاراتقان ساياساتىنىڭ جالعاسىمدىلىعىن جانە كورەگەندىگىن ساقتايتىندىعىنا، جۇڭگومەن بولعان قارىم - قاتىناسىن ۇزدىكسىز بەلسەندى، سىندارلى دامىتاتىندىعىنا، جۇڭگو - ەۆروپانىڭ بەيبىتشىلىك، ارتۋ، رەفورما، وركەنيەت سىندى 4 ۇلكەن سەرىكتەستىك قارىم - قاتىناسىنىڭ بەلسەندى، اقاۋسىز دامۋىن ورتاق جەبەيتىندىگىنە، جۇڭگو - ەۆروپانىڭ سەلبەستىگىنىڭ ماۋەلەي جەمىس بەرۋىنە مۇمكىندىك جاسايتىنىنا سەنەمىن.
شي جينپيڭ بىلاي دەپ اتاپ كورسەتتى: جۇڭگو جاق ەۆروپا وداعىمەن بىرگە قۇلشىنىپ، كەلەر جىلعى جۇڭگو - ەۆروپانىڭ ءبىر قىدىرۋ ماڭىزدى بارىس - كەلىسنىڭ جانە كۇن - ءتارتىبىنىڭ ناتيجەلى بولۋىنا شىنايى كەپىلدىك ەتىپ، ”ءبىر بەلدەۋ، ءبىر جول“دى ورتاق قۇرۋ باستاماسىن ەۆروپا وداعىنىڭ ەۆروپا - ازيانى ۇلاستىرۋ، تۇتاستىرۋ ستراتەگياسىمەن ۇشتاستىرۋدى ىلگەرىلەتىپ، جۇڭگو - ەۆروپا قارجى قوسۋ كەلىسىمىن ەرتەرەك جاساسۋعا كۇش سالىپ، كىليمات وزگەرىسىنە توتەپ بەرۋدەگى «پاريج كەلىسىمىن» جالپى بەتتىك ءونىمدى تياناقتاندىرىپ، دۇنيە جۇزىلىك ساۋدا ۇيىمى رەفورماسىنىڭ ءارقايسى جاققا پايدالى دۇرىس بەتالىسقا قاراي دامۋىن ىلگەرىلەتۋدى قالايدى.
ميچەل مىنالاردى ءبىلدىردى: مەن ءتوراعا شي جينپيڭنىڭ جۇڭگو - ەۆروپا قارىم - قاتىناسىنىڭ دامۋى جونىندە ورتاعا قويعان كوزقاراستارى مەن ۇسىنىستارىن بۇكىلدەي قۇپتايمىن. ەۆروپا - جۇڭگو حالىقارالىق ەرەجەنى قورعاۋ، كوپ جاقتىلىقتى قورعاۋ، دۇنيە ءجۇزىنىڭ بەيبىتشىلىگى مەن ورنىقتىلىعىن قورعاۋ جاقتارىندا ماڭىزدى ورتاق تانىمعا يە. ەۆروپا - جۇڭگو سەلبەستىگىن كۇشەيتۋ ەكى جاقتىڭ جانە دۇنيە ءجۇزىنىڭ ورتاق مۇددەسىنە ساي كەلەدى. كەلەر جىلى ەۆروپا - جۇڭگو ءبىر قىدىرۋ ماڭىزدى جوعارى جىكتەگىلەردىڭ بارىس - كەلىسىن ءارى سەلبەستىك ماڭىزدى تۇيىندەرىن وتكىزەدى. ەۆروپا جاق جۇڭگو جاقپەن بىرگە قۇلشىنىپ، قاتىستى قيمىلدار مەن سەلبەستىكتىڭ بەلسەندى ناتيجەگە جەتۋىنە شىنايى كەپىلدىك ەتىپ، ەكى جاقتىڭ ەكونوميكا - ساۋدا سەلبەستىگى ورەسىن ءوسىرۋدى ءارى دۇنيە جۇزىلىك ساۋدا ۇيىمى رەفورماسى، كليمات وزگەرىسىنە توتەپ بەرۋ سياقتى جاقتاردا بايلانىستى، سايكەسۋدى كۇشەيتۋدى قالايدى. مەن ءتوراعا شي جينپيڭمەن تاماشا، تىعىز قارىم - قاتىناستى ساقتاپ، ەۆروپا - جۇڭگو سەلبەستىگى ءۇشىن بەلسەندى، سىندىرالى رول اتقارۋدى جەبەۋدى قالايمىن.
