11 - ايدىڭ 25 - كۇنى مەملەكەت ءتوراعاسى شي جينپيڭ مەن جاپونيانىڭ باس ءۋازىرى انبەي جينسان جەكە - جەكە حات جولداپ جۇڭگو - جاپونيا جوعارى دارەجەلى گۋمانيتارلىق اۋىس - كۇيىس كەڭەسى مەحانيزمىنىڭ تۇڭعىش رەتكى ءماجىلىسىنىڭ توكيودا اشىلعاندىعىن قۇتتىقتادى.
شي جينپيڭ بىلاي دەپ اتاپ كورسەتتى: جۇڭگو - جاپونيا ىرگەلەس جاقىن كورشىلەر، تەرەڭ تاريحي، گۋمانيتارلىق توركىنى بار. 2000 نەشە جىلعا جالعاسقان ۇزاق ۋاقىتتىق بارىس - كەلىس بارىسىندا ەكى ەل حالقى ءوزارا ۇيرەنىپ، ءبىر - بىرىنەن ۇلگى الىپ، ءوز - ءوزىنىڭ دامۋىن جەبەدى، سونىمەن قوسا ازيا وركەنيەتىنىڭ العا باسۋىنا دا ۇلەس قوستى. قازىر دۇنيە ءجۇزى 100 جىلدا بولماعان ۇلكەن وزگەرىس ۇستىندە تۇر، ادامزاتتىڭ ورتاق سىن - سايىسقا توتەپ بەرىپ، جارقىن بولاشاققا قادام تاستاۋى مادەنيەت كۇشىنەن قول ۇزە المايدى. دۇنيە جۇزىندەگى ءار ەل حالقى ۇلكەن اۋقىمدى يگەرىپ، اعىمعا ۇيلەسىپ، اۋىس - كۇيىستى كۇشەيتىپ، ادامزات وركەنيەتىنىڭ جاڭا تاراۋىن بىرگە جازۋى ءتيىس.
شي جينپيڭ بىلاي دەپ باسا دارىپتەدى: قازىر جۇڭگو - جاپونيا قارىم - قاتىناسى ۇزدىكسىز جاقسارۋ ۇستىندە. جۇڭگو - جاپونيا ەكى جاقتىڭ وسى مەحانيزمنەن ويداعىداي ورتاق پايدالانىپ، گۋمانيتارلىق اۋىس - كۇيستى ىلگەرىلەتىپ، حالىقتار جۇرەگىنىڭ جالعاسۋىن جەبەپ، جاڭا ءداۋىر تالابىنا ساي كەلەتىن جۇڭگو - جاپونيا قارىم - قاتىناسىن ورناتۋ جانە دامىتۋ ءۇشىن گۋمانيتارلىق تىرەك ۇسىنۋىن ءۇمىت ەتەمىن.
انبەي جينسان قۇتتىقتاۋ حاتىندا مىنالاردى ءبىلدىردى: جاپونيا - جۇڭگو جوعارى دارەجەلى گۋمانيتارلىق اۋىس - كۇيىس كەڭەسى مەحانيزمى ءتوراعا شي جينپيڭ ەكەۋىمىزدىڭ وساكاداعى ءديدارلاسۋدا قول جەتكىزگەن ورتاق تانىمىمىز، ونىڭ ماقساتى كەڭ اۋىس - كۇيىس جاساۋ ارقىلى ەكى ەل حالقىنىڭ ءوزارا تۇسىنىستىگىن جانە دوستىق سۇيىسپەنشىلىگىن تەرەڭدەتۋ. مەحانيزمنىڭ ەكى جاقتىڭ جاڭا داۋىرگە ساي كەلەتىن جاپونيا - جۇڭگو قارىم - قاتىناسىن ورناتۋ ءۇشىن حالىق تىلەگى نەگىزىن بەكەمدەۋىن، جاپونيا - جۇڭگو قارىم - قاتىناسىنىڭ جاڭا بولاشاعىن اشۋ ءۇشىن ۇلەس قوسۋىن ءۇمىت ەتەمىن.
