بەلگياعا مەكەن تەپكەن مىسىق ايۋدىڭ قونجىق تۋۋىنا وراي
شي جينپيڭ مەن بەلگيانىڭ پاتشاسى فيليپ ءبىر - بىرىنە قۇتتىقتاۋ تەلەگرامماسىن جولدادى
بيىل 8 - ايدا بەلگياعا مەكەن تەپكەن مىسىق ايۋ ”حاۋحاۋ“ ءساتتى تۇردە 2 قونجىق تۋدى. تاياۋدا مەملەكەت ءتوراعاسى شي جينپيڭ مەن بەلگيانىڭ پاتشاسى فيليپ وسى جونىندە ءبىر - بىرىنە قۇتتىقتاۋ تەلەگرامماسىن جولدادى.
شي جينپيڭ قۇتتىقتاۋ تەلەگرامماسىندا مىنالاردى ءبىلدىردى: مىسىق ايۋدىڭ 2 قونجىعىنىڭ دۇنيەگە كەلۋى بىرگە قۇتتىقتاۋعا تاتيدى. ولاردىڭ جۇڭگو - بەلگيا دوستىعىنىڭ جاڭا اسەرلى اڭگىمەسىنە اينالاتىندىعىنا سەنەمىن. مەن جۇڭگو - بەلگيا قارىم - قاتىناسىنىڭ دامۋىنا ايرىقشا ءمان بەرەمىن، فيليپ پاتشامەن بىرگە قۇلشىنىپ، جۇڭگو - بەلگيا جالپى بەتتىك دوستىق سەلبەستىك، سەرىكتەستىك قارىم - قاتىناسىنىڭ ۇزدىكسىز اناعۇرلىم بيىك ورەگە كوتەرىلۋىن ىلگەرىلەتۋدى قالايمىن.
فيليپ پاتشا قۇتتىقتاۋ تەلەگرامماسىندا مىنالاردى ءبىلدىردى: مىسىق ايۋدىڭ 2 قونجىعىنىڭ دۇنيەگە كەلۋى ەرەكشە قۋانىشتى حابار. مەن بەلگيا - جۇڭگو ەكى ەلدىڭ كوپتەگەن سالالارداعى تاماشا ىستەستىگىن ايرىقشا القايمىن.