8 – ايدىڭ 20 – كۇنى جۇڭگو مۇگەدەكتەر بىرلەستىگى بەيجيڭدە مۇگەدەكتىكتەن ساقتانۋ كۇنى جونىندەگى مەملەكەتتىك اقپار جاريالاۋ ءماجىلىسىن اشىپ، 8 - ايدىڭ 25 – كۇنگى 3 – رەتكى مەملەكەتتىك مۇگەدەكتىكتەن ساقتانۋ كۇنىنىڭ نەگىزگى تاقىرىبى «مۇگەدەكتىكتەن ساقتانۋدى تىرشىلىكتىڭ قاينارىنان باستاۋ كەرەك» بولاتىنىن جاريالادى.
جۇڭگو مۇگەدەكتەر بىرلەستىگىنىڭ ورىنباسار باس القاسى جيا يۇڭ بىلاي دەدى: بيىلعى مۇگەدەكتىكتەن ساقتانۋ كۇنىندە تۋما كەمتارلىق پەن ءوسىپ - جەتىلۋدىڭ كەدەرگىگە ۇشىراۋىنان ساقتانۋ ارقاۋ ەتىلىپ، تۋىت جاسىنداعى ايەلدەر، جۇكتى ايەلدەر جانە بالالاردىڭ اتا - انالارى قاتارلىلار ءتۇيىندى ادامدار توبى ەتىلىپ، نەكەلەنۋ الدىنداعى، جۇكتى بولۋدان بۇرىنعى دەنساۋلىعىن تەكسەرۋ بارىنشا دارىپتەلىپ، بوسانۋدان بۇرىنعى تەكسەرۋ، دياگنوز قويۋ جاقسى ىستەلىپ، نارەستەلەر مەن بالالاردى ەرتەرەك تەكسەرۋگە جانە وسى ىسكە ەرتەرەك ارالاسۋعا دەن قويىلىپ، مۇگەدەكتىكتەن ساقتانۋدى تىرشىلىكتىڭ قاينارىنان باستاۋ ىلگەرىلەتىلەدى.
ۇعىسۋعا قاراعاندا، مۇگەدەكتىكتەن ساقتانۋ كۇنى جونىندەگى ۇگىت - تاربيە قيمىلىن ويداعىداي جۇرگىزۋ ءۇشىن، جۇڭگو مۇگەدەكتەر بىرلەستىگى قاتارلى 16 تاراۋ بىرگە «مەملەكەتتىك مۇگەدەكتىكتەن ساقتانۋ كۇنى جونىندەگى 3 - رەتكى ۇگىت - تاربيە قيمىلىن ۇيىمداستىرۋ جونىندەگى ۇقتىرۋدى» تاراتقان، 20 نەشە ولكە (اۆتونوميالى رايون، توتە قاراستى قالا) ءبىلىم لەكسياسى، مامانداردىڭ اقىسىز دياگنوز قويۋى سياقتى قيمىلداردى ورىستەتەدى، سونداي - اق جەرگىلىكتى تەلەۆيزيا ستانسيالارىندا مۇگەدەكتىكتەن ساقتانۋ الەۋمەتتىك يگىلىك ۇگىت فيلمدەرى تاراتىلادى.
