13 - كەزەكتى «جۇڭحۋا كىتاپقا ەرەكشە ۇلەس قوسۋ سيلىعىن» تاراتۋ سالتى 8 – ايدىڭ 20 – كۇنى بەيجيڭدە وتكىزىلدى، شەتەلدەن كەلگەن 15 جازۋشى، اۋدارماشى، باسپاگەر سيلىق الدى؛ يزرايل، قازاقستان، گرەتسيا، يراق سىندى ءتورت ەلدىڭ ازاماتتارى تۇڭعىش رەت سيلىققا يە بولدى.
وسى كەزەكتى ەرەكشە ۇلەس سيلىعىندا جالپى جۇڭحۋا كىتاپقا ەرەكشە ۇلەس قوسۋ سيلىعىنىڭ 12 يەگەرى جانە جاستار تابىس سيلىعىنىڭ 3 يەگەرى باعالاندى. رەسەي جازۋشىسى يۋري تافلوۆسكي، رۋمينيا اۋدارماشى لو ياڭ، ارگەنتينا باسپاگەرى لين لەيۋىن، اۆستراليا اۋدارماشىسى بوننيە دۋگال (ايەل)، كانادا جازۋشىسى دانيەل ا. بەل، گرەتسيا اۋدارماشىسى سوترياس چارليز، ۆەنگريا باسپاگەرى كۋچيش اندراش سەندور، يراق اۋدارماشىسى ابباس كارديمي، يزرايل جازۋشىسى يۋري، قازاقستان اۋدارماشىسى ساكەن اداي، وڭتۇستىك كورەيا باسپاگەرى حۇڭ تيڭشان، سلوۆاكيا جازۋشىسى لەوپولد مولافچيك جۇڭحۋا كىتاپقا ەرەكشە ۇلەس قوسۋ سيلىعىن الدى؛ ەگيپەتتىڭ جاس اۋدارماشىسى يارا يەمىرسىلي (ايەل)، گەرمانيانىڭ جاس جازۋشىسى ستەفان چريست، نەپالدىڭ جاس باسپاگەرى كەلان گاۋتام جاستار تابىس سيلىعىن الدى.
مۇنىڭ ىشىندە رەسەي جازۋشىسى يۋري تافلوۆسكي «شي جينپيڭ جۇڭگو ارمانىن ىسكە اسىرۋدا» دەگەن شىعارماسىن جازدى؛ رۋمينيا اۋدارماشىسى لو ياڭ «شي جينپيڭ ــ ەل باسقارۋ جونىندە» كىتابىنىڭ 1 -، 2 - تومدارىن (رۋمين تىلىندەگى نۇسقاسى) اۋدارىپ باسپادان شىعارىپ، رۋمينيادا زور ىقپال تۋدىردى؛ يراق اۋدارماشىسى ابباس كارديميدىڭ ۋاكىلدىك اۋدارمالارىنان «شي جينپيڭ ــ ەل باسقارۋ جونىندە» اتتى كىتاپتىڭ 1 - تومى (اراب تىلىندەگى نۇسقاسى)، «ءۇش پاتشالىق قيساسى»، «لياۋجاي شەجىرەسى» بار؛ ەگيپەتتىڭ جاس اۋدارماشىسى يارا يەمىرسىلي «شيچۋان ولەڭدەرىنەن تاڭدامالىلار»، «اسپاز» قاتارلى جۇڭگو كىتاپتارىنان 10 عا جۋىعىن اۋدارىپ باسپادان شىعاردى.
