1. اعىمداعى ورىن:
  2. باس بەت
  3. اعىم جاڭالىقتارى
  4. ەل ءىشى حابارالرى
  5. زاڭ - ەرەجە

ۋاڭ ي جاپونيانىڭ سىرتقى ىستەر ۋازىرىمەن، كورەيانىڭ سىرتقى ىستەر مينيسترىمەن جەكە – جەكە كەزدەستى

日期:2019年08月21日
来源:人民网
【字体:

مەملەكەتتىك كەڭەس مۇشەسى ءارى سىرتقى ىستەر مينيسترى ۋاڭ ي 8 – ايدىڭ 20 – كۇنى بەيجيڭدە جۇڭگوعا ساپارلاي كەلىپ، جۇڭگو – جاپونيا – كورەيا سىرتقى ىستەر مينيسترلەرىنىڭ 9 – كەزەكتى ماجىلىسىنە قاتىناسىپ جاتقان جاپونيانىڭ سىرتقى ىستەر ءۋازىرى تارو كونومەن جانە كورەيانىڭ سىرتقى ىستەر مينيسترى كاڭ جيڭحىمەن كەزدەستى.

تارو كونومەن كەزدەسكەن كەزدە، ۋاڭ ي مىنانى ءبىلدىردى: جۇڭگو – جاپونيا قارىم – قاتىناسىنىڭ ونان ارى جاقسارۋى مەن دامۋى وڭاي – وسپاق قولعا كەلمەگەن، ەكى جاق قاباعات قاستەرلەۋى كەرەك. تىعىز قارىم – قاتىناس جاساپ، كەلەسى كەزەڭدە جوعارى دارەجەدەگىلەردىڭ ساياسي جاقتا پىكىر اۋىستىرىنا قاجەتتى شارت – جاعداي مەن تاماشا ورتا جاراتۋ كەرەك. كوپ جاقتى سالالارداعى سەلبەستىكتەردى كۇشەيتىپ، ءارقانداي فورماداعى قورعانىمپازدىق پەن سىڭار جاقتىلىققا قارسى تۇرۋى كەرەك. ۋاڭ ي جۇڭگو جاقتىڭ جۇڭگو مەن جاپونيا اراسىنداعى سەزىمتال ماسەلەلەر جونىندەگى پرينسيپتىك مايدانىن ايقىن بايانداپ، ەكى جاق حاۋىپ – قاتەرلەردەن ساقتانۋ مەن ونى تەجەۋدى كۇشەيتۋى، قايشىلىقتار مەن الاۋىزدىقتاردى ناتيجەلى شەشىم ەتۋى كەرەك دەگەندى باسا دارىپتەدى.

تارو كونو مىنانى ءبىلدىردى: جاپونيا جاق جۇڭگو جاقپەن تىعىز سەلبەسىپ، كەلەسى كەزەڭدەگى جوعارى دارەجەدەگىلەردىڭ ساياسي جاقتا پىكىر اۋىستىرۋىنىڭ بەلسەندى ناتيجەلەرگە قول جەتكىزۋىنە كەپىلدىك ەتۋدى قالايدى.

ۋاڭ ي جۇڭگونىڭ ا ق ش جاقتىڭ وسى وڭىردە قۇرلىقتىق ورتا ارالىقتى باسقارىلمالى بومبى ورنالاستىرماق بولعانى جونىندەگى پرينسيپتىك مايدانىن ايقىن باياندادى. تانو كورو جاپونيا جاقتىڭ ارناۋلى تۇردە قورعانىسقا كۇش سالۋ ساياساتىندا ۇزدىكسىز تاباندى بولاتىنىن قايتالاي دارىپتەدى.

كاڭ جيڭحىمەن كەزدەسكەندە، ۋاڭ ي مىنانى ءبىلدىردى: جۇڭگو مەن كورەيانىڭ قارىم – قاتىناسىنىڭ دامۋى تاماشا. كورەيا جاقتىڭ «ءبىر بەلدەۋ، ءبىر جولدى» بىرگە كوركەيتۋگە بەلسەندى اتسالىسۋىن، ءۇشىنشى جاقتىڭ نارىعىن بىرگە اشۋعا كۇش سالۋىن، ەركىن ساۋدا كەلىسىمشارتىنىڭ ەكىنشى كەزەڭىندەگى كەلىسسوزدەردى جەدەلدەتۋىن ءۇمىت ەتەمىز. قازىرگى تاڭدا، وتە – موتە، جوعارى عىلىم – تەحنيكا جانە جاڭالىق جاراتۋ سالالارىنداعى سەلبەستىكتەردى كۇشەيتىپ، كوپ جاقتى تۇزىلىستەر اياسىندا ءوزارا تىعىز سايكەسۋ كەرەك. جۇڭگو – جاپونيا – كورەيا كوپ جاقتىلىق پەن ەركىن ساۋدانى بىرگە قورعاۋى كەرەك، جاپونيا مەن كورەيانىڭ قازىرگى الاۋىزدىقتاردى تىلدەسۋ – كەڭەسۋ ارقىلى ويداعىداي ءبىرجاقتى ەتۋىن ءۇمىت ەتەمىز.

كاڭ جيڭحى مىنانى ءبىلدىردى: كورەيا جاق جۇڭگو جاقپەن بىرگە قۇلشىنىپ، كورەيا مەن جۇڭگو قارىم – قاتىناسىن ۇزدىكسىز كەڭەيتۋدى جانە تەرەڭدەتۋدى قالايدى.

ەكى جاق چاۋشيان تۇبەگى ماسەلەسى جونىندە پىكىر الماستىردى.