1. اعىمداعى ورىن:
  2. باس بەت
  3. اعىم جاڭالىقتارى
  4. ەل ءىشى حابارالرى
  5. زاڭ - ەرەجە

سىرتقى ىستەر مينيسترلىگى: سىرتقى كۇشتەردىڭ رەسەيگە كيلىگۋى مەن شياڭگاڭداعى ارەكەتى ءبىر جەردەن شىعىپ وتىر

日期:2019年08月21日
来源:人民网
【字体:

سىرتقى ىستەر مينيسترلىگىنىڭ مالىمدەمەشىسى گىڭ شۋاڭ 8 – ايدىڭ 20 – كۇنى مىنانى ءبىلدىردى: كەيبىر سىرتقى كۇشتەردىڭ رەسەيگە كيلىگۋى مەن ولاردىڭ تاياۋدا جۇڭگونىڭ شياڭگاڭىنداعى ارەكەتى ءبىر جەردەن شىعىپ وتىر، بۇل ــ ىشكى ساياسيعا ارالاسۋداعى تيپتىك ارەكەت، تورەشىلدىكتىڭ بەينەسى.

سول كۇنى وتكىزىلگەن كەزەكتى تىلشىلەر جينالىسىندا ءتىلشى: حابارعا قاراعاندا، ماسكەۋدە جۋىردا ءبىرقىدىرۋ قىر كورسەتۋ ەرەۋىلدەرى بولعان. ا ق ش - تىڭ رەسەيدە تۇراتىن باس ەلشىحاناسى ۇكىمەت تورابىندا مالىمدەمە جاريالاپ، «رەسەي بيلەۋشىلەرى ازاماتتاردىڭ ەركىن، ءادىل سايلاۋ ارقىلى بەيبىت جينالىس وتكىزۋىن جانە نەگىزگى ۇقىقتارىن جۇرگىزۋىن ۇزدىكسىز شەكتەۋدە» دەدى، سونداي - اق ماسكەۋ ەرەۋىلىنىڭ جول كارتاسىن شىعارىپ، قىر كورسەتۋدەگى توپتالۋ ءتۇيىنىن كورسەتتى. رەسەي سىرتقى ىستەر مينيسترلىگىنىڭ مالىمدەمەشىسى زاحاروۆا: ا ق ش – تىڭ رەسەيدە تۇراتىن باس ەلشىحاناسىنىڭ جينالىس قيمىلىنا رۇقساتسىز قاتىناسقانىن دالەلدەيتىن دالەل – سىپاتتار بار، ــ دەدى، جۇڭگو بۇعان قالاي قارايدى؟

گىڭ شۋاڭ بىلاي دەدى: جۇڭگو رەسەي جاقتىڭ مايدانىن بارىنشا قۇپتايدى. جۋىردا ماسكەۋدە كوپ رەت زاڭسىز ەرەۋىل وتكىزىلدى، رەسەي ۇكىمەتى شارا قولدانىپ قوعام ورنىقتىلىعىن قورعادى، مۇنىڭ زاڭدىق نەگىزى تولىق. ادامدى الاڭداتاتىنى، كەيبىر باتىس ەلدەرى وسى كەزدە ورىنسىز قىستىرىلىپ «شاعىن ارەكەت» جاسادى. «رەسەي جاقتىڭ ايتقانىنداي، بۇل ــ ىشكى ساياسيعا ارالاسۋداعى تيپتىك ارەكەت، تورەشىلدىكتىڭ بەينەسى».

«كەيبىر سىرتقى كۇشتەردىڭ رەسەيدە جۇرگىزگەن ارەكەتتەرى جانە ولاردىڭ تاياۋ مەزگىلدەگى جۇڭگونىڭ شياڭگاڭىنداعى ارەكەتى ءبىر جەردەن شىقتى» دەدى گىڭ شۋاڭ.