شياڭگاڭ ەرەكشە اكىمشىلىك رايونىنىڭ اكىمى لينجىڭ يۋە – ى 8 – ايدىڭ 7 – كۇنى مىنانى ءبىلدىردى: جۋىردا ۇزدىكسىز تۋىلعان زورلىقتى كۇشپەن زاڭعا قايشىلىق جاساۋ ارەكەتى جونىندە شياڭگاڭ قوعامىنا قۋاتتى وڭ ەنەرگيا قاجەتتى بولۋدا. ول قالا تۇرعىندارىن شياڭگاڭنىڭ زاڭمەن باسقارىلۋىن باتىل قورعاۋعا، قوعامنىڭ تىنىشتىعىن تەز ارادا قالپىنا كەلتىرۋگە قولداۋ كورسەتۋگە، ەرەكشە رايون ۇكىمەتىنىڭ زەيىن – قۋاتتى شوعىرلاندىرا وتىرىپ ەكونوميكانى دامىتۋىنا، حالىق تۇرمىسىن جاقسارتۋىنا وراي جاراتىپ بەرۋگە ۇندەدى.
لينجىڭ يۋە – ى سول كۇنى «ارمانشىل جاندار — شياڭگاڭدىق، اۋمىندىق باۋىرلاستاردىڭ وتاننىڭ 70 جىلدىعىنا ارناعان كولەمدى كوشپەلى كورمەسى» اتتى كورمەنىڭ اشىلۋ سالتىنا قاتىناسقان كەزدە بىلاي دەدى: جۋىردا شياڭگاڭ قوعامىندا اسا ورنىقسىز جاعداي جارىققا شىقتى، ەرەكشە رايون ۇكىمەتى، ءسوزسىز، كوپشىلىكپەن بىرگە بۇل جاعدايعا توتەپ بەرەدى، قوعامنىڭ ءتارتىبىن قالپىنا كەلتىرىپ، زاڭمەن باسقارۋدى قورعايدى، شياڭگاڭدى، «ءبىر ەل، ەكى ءتۇزىمدى» قاستەرلەيدى.
لينجىڭ يۋە – ى بىلاي دەدى: شياڭگاڭنىڭ ءار سالاسىنداعىلار وتاننىڭ دامۋى مەن رەفورما جاساپ، ەسىك اشۋى بارىسىندا ءارى ۇلەس قوسۋشىلار ءارى يگىلىككە كەنەلۋشىلەر ەسەپتەلەدى، ءتۇرلى سالالاردان ولاردىڭ بەلسەنە اتسالىسقانىنىڭ ايعاعىن كورۋگە بولادى.
لينجيڭ يۋە – ى مىنانى باسا دارىپتەدى: « ‹ءبىر ەل، ەكى تۇزىمدەي› ايرىقشا باسىمدىلىعىمەن شياڭگاڭ مەملەكەتتىڭ جەدەل دامۋى قالىپتاستىرعان ءتۇرلى ورايلاردان يگىلىكتەندى»، ەرەكشە رايون ۇكىمەتى شياڭگاڭداعى ءار سالا جۇرتشىلىعىن ءبىر نيەتپەن العا باسۋعا ۇزدىكسىز جەتەلەپ، وتانعا ارقا سۇيەي وتىرىپ، دۇنيە جۇزىنە بەت الۋ باسىمدىلىعىن ۇزدىكسىز ساۋلەلەندىرەدى، مەملەكەت دامۋىنىڭ زور جاعدايىنا بەلسەنە توعىسىپ، «ءبىر بەلدەۋ، ءبىر جول» جانە گۋاڭدۇڭ، شياڭگاڭ، اۋمىن ۇلكەن شىعاناق رايونى قۇرىلىسىنا قاتىناسىپ، جاستاردىڭ ارمانعا قانات قاعۋىنا ۇزدىكسىز قولداۋ كورسەتەدى.
«ارمانشىل جاندار — شياڭگاڭدىق، اۋمىندىق باۋىرلاستاردىڭ وتاننىڭ 70 جىلدىعىنا ارناعان كولەمدى كوشپەلى كورمەسىن» شياڭگاڭ داگۇڭ ۋىنحۇي مەديا توبى ۇيىمداستىرعان، كورمەدە مىڭنان استام قۇندى سۋرەت كورسەتىلگەن. كورمە 8 – ايدىڭ 7 – كۇنىنەن 9 – كۇنىنە دەيىن شياڭگاڭدا كورسەتىلگەن سوڭ، اۋمىندا كوشپەلى تۇردە كورسەتىلەدى.
